Nehemia 9:1 - Uwumbɔr aagbaŋ

^1-2 Uŋmabaan ngbaan ponn ni aawiin moninko ni inaa daal le Israel yaab nan kuun ke bi lul bumɔb ki mɔk baapombiin baatunwanbir pu. N‑yoonn mue na bi nan yakr biwɔwɔm bi ŋmal bi ponn ni na chee. Bi nan pee tiwanpeenkaan ni saak kuub na, le ki di titan puŋ biyil, bisui aah bii pu na pu. Le bi sil ki kpiir baatunwanbir, ni biyaajatiib mu aatunwanbir pu.

Nehemia 9:1 Iomraidhean Croise

2 Samuel 1:2

Wintaa daal le unachipɔɔn ubaa nyan ni Sɔɔl aajab ni ki fuu ni. U nan dar kar waawanpeenkaan, ki di titan puŋ uyil pu, ke u mɔk usui aah bii pu na. U nan buen David chee, le ki ti gbaan ke u mɔk waapak.

2 Bibɔrb Aabɔr 20:3

Ijawaan nan chuu Jehosafat, le u mee Uwumbɔr ki ban nterm, le ki bui ke waatiŋ mɔmɔk aanib lul bumɔb.

2 Bibɔrb Aabɔr 7:10

le ki woln ŋmalole aawiin moninko ni itaa daal, le Solomonn cha binib ngbaan gir kun. Bisui nan piir tinyoor ti mɔmɔk Uwumbɔr nan di tii waanib Israel yaab, ni David, ni Solomonn na pu.

Esra 8:21

Ahafa Aanyunsan ngbaan chee le m nan siin ke ti mɔmɔk lul bumɔb ki sunn tibaa taab, timi Aawumbɔr chee, ki mee u aan u cheen timi lisachuln ngbaan ni, ki li kii timi, ni timi aabim, ni timi aawan mɔmɔk.

Esra 8:23

Ti nan lul bumɔb ki mee Uwumbɔr ke u li kii timi, le u kii timi aameel ngbaan.

Nehemia 8:2

Kina pu na, Esra nan buen ti yoor ni Nkaal Aagbaŋ ngbaan, binib ngbaan aah kuun nin chee na, bijab, ni bipiib, ni mbim bi chikr ki ga ŋmaa bee tiwan aatataa na chee.

Esta 4:16

“Li cha ki ti kuun Juu yaab bimɔk bi Susa ni do na, ki cha ni mɔmɔk lul bumɔb man ki mee limeel tii mi. Ni taa nyu ki taa ji nwiin pu ni kinyeek ki ti saa iwiin itaa. M ni maanaagbiisapɔm mu ga ŋa kina. Nima aapuwɔb na, m ga buen ubɔr chee, hali ni yaa ye likoobil kan, m ga buen. M yaa ŋa kina, aan ni ye mi nkun kan, m kpo.”

Esta 4:3

Nnaan ngbaan aapepel mɔmɔk ni, nin chee tibɔr ngbaan nan fuu na, nan ye ikpowiil le Juu yaab ni. Bi nan lul bumɔb, ki wii ikpowiil ki pee tiwanpeenkaan ni saak kuub na ki dɔ nfatan ni.

Job Aagbaŋ 2:12

Baah laa bi ni dandar na, le bi waa Job, ki mu aa bee u. Baah ti bee u na, le bi piin ki wii, ki kaani, ki dar kar baawanpeenkaan mpombiin pu, le ki fai titan mae paacham, ni biyil pu,

Aisaya 22:12

Nidindaan Uwumbɔr Mpɔɔnsakpiindaan, nan bi yin nimi ke ni nan wii, ki wii ikpowiil, ki kuu niyil, ki peen tiwan ni saak kuub na aawanpeenkaan.

Joel 2:12

Uwumbɔr len ke, “Hali dandana, kpeln nimi aabimbin mbamɔm man, ki lul bumɔb, ki li wii ikpowiil, ki gir ni m chee.

Liifai Yaab 23:39

Ni yaa chee nimi aajikaar kan, ni ji kina aajim ki ti saa iwiin ilole; ni piin ŋmalole aawinpiik ni iŋmu daal. Njan aawiin ga li ye nwinkpaan la, ni fuur liyaadaal.

Josua 7:6

Josua ni Israel yaab aaninkpiib aasui nan bii, le bi dar kar baawanpeenkaan, le ki doon kitiŋ Uwumbɔr Aakaal Aadakaa aanimbiin ni, ki ti saa kijook wɔb, le ki faa titan puŋ biyil, ki mɔk ke bisui bii a.

Tibɔkpiirkaan 11:3

Le m ga tun ni maaseeraadam bilee bi nan moon Uwumbɔr aabɔr ki ti saa iwiin lichur ni ikui ilee ni imonko itaa, ki ga li pee tiwanpeenkaan ni saak kuub na.”

Bibɔjirb 20:26

Israel aanib mɔmɔk nan ki buen Betel aatiŋ ni ki ti wii ikpowiil. Bi nan ka Uwumbɔr aanimbiin ni, nima chee, kaa jin tijikaar le nwiin ti lir. Bi nan toor kimɔbaan aapiin aatork, ki di tiwakor ngbaan tibaa timɔnn see mmii ni, Uwumbɔr aanimbiin ni.

1 Samuel 4:12

Benjaminn aamaal ponn ni aaja ubaa nan nyan ni butɔb ngbaan ni, ki san nan fuu Silo liyaadaal ngbaan. U nan daa kar waawanpeenkaan, ki di titan mu puŋ uyil ke ni mɔk usui aah bii pu na.

1 Samuel 7:6

Kina pu le bi mɔmɔk kuun Mispa ni. Bi nan ban nnyun le ki kpir tii Uwumbɔr, le ki lul bumɔb liyaadaal, nwiin ti lir. Bi nan len ke, “Ti tun Uwumbɔr titunwanbir.” Mispa ni, nima chee, le Samuel nan toor Israel yaab bi nan kpa tɔb tibɔr na aakaasisik ni.