Nehemia 8:9 - Uwumbɔr aagbaŋ

⁹ Binib ngbaan aah ŋun Nkaal ngbaan aah ban ke bi ŋa pu na, ni nan muk bi sakpen le bi piin ki bi wii. Kina pu na, Nehemia, u nan ye baayidaan na, ni Esra, u nan ye utotoor ki mu bee Nkaal ngbaan mbamɔm na, ni Liifai yaab bi nan tuk binib ngbaan mu aatataa na bui binib ngbaan ke, “Nwiin mumina ye nwiin mu bi chain ki tii Nidindaan Uwumbɔr na la, kina pu na, ni taa wii, ki taa kpeeni mu.

Nehemia 8:9 Iomraidhean Croise

2 Bibɔrb 22:11

Ubɔr aah ŋun kigbaŋ ngbaan aaponn ni aabɔr na, le u daa kar waawanpeenkaan ijawaan ni itaakpayɔl pu,

2 Bibɔrb 22:19

le ki kpeln saabimbin ki sunn aabaa taab nnimbiin ni, ki daa kar saawanpeenkaan ki wii buyoonn aa ŋun maah nyan sil ke m daa Jerusalem ni kaanib aatafal pu na. M ga cha nima chee kpaln ijawaan sakpiin aabuul ni, le binib ga li joo nima aayimbil puuni lir biken pu. Tɔ, m ŋun saameel,

2 Bibɔrb Aabɔr 15:3

Israel aanib nan bi ni yunn pam, kaa nyi Uwumbɔr bamɔnn, kaa kpa bitotoorb bi ga mɔk bi na, kaa kpa nkaal mu.

2 Bibɔrb Aabɔr 30:22

Hesekia nan pak Liifai yaab ngbaan baah nan di nlan mu tun baatuln ki joo cha Uwumbɔr aadoon chee na pu. Iwiin ilole i ponn ni bi nan toor kitork ki pak biyaajatiib Aadindaan Uwumbɔr na aah jer na,

2 Bibɔrb Aabɔr 34:19

Ubɔr aah ŋun kigbaŋ ngbaan aah len pu na, le u daa kar waawanpeenkaan ijawaan ni itaakpayɔl pu,

2 Bibɔrb Aabɔr 34:21

“Li cha man ki ti baa Uwumbɔr, min ni binib bi gur Israel ni Juda aatim ni na pu. Baa ki bee man kigbaŋ kimina aamɔkm aah ye pu na. Tiyaajatiib aah yii Uwumbɔr aamɔboln, kaa ŋa kigbaŋ kimina aah bui ke bi ŋa pu na, u gee ti pu liŋuul a.”

2 Bibɔrb Aabɔr 35:3

U nan ki di tibɔr timina le tuk Liifai yaab bi nan di bibaa tii Uwumbɔr, ki mɔk Israel aanib mɔmɔk waabɔr na ke, “Di Uwumbɔr Aakaal Aadakaa u ye chain na siin Waadichal li David aajapɔɔn, Ubɔr Solomonn maa na ni. Naan ki li chuun tu u yiini, ni tee ga li tun tii Nidindaan Uwumbɔr ni waanib Israel yaab la.

Esra 2:63

Juu yaab aayidaan nan bui bi ke baan ŋmaa ji tijikaar ti bi di tii Uwumbɔr ipiin na, see utotoor u ga ŋmaa di tiwan ni bi yin ni ke Urim ni Tumim na mɔk ke bi ga ŋmaa ji ti na bi nima.

Esra 7:11

Ubɔrkpaan Ataksekes le nan di kigbaŋ kimina tii Esra, u ye utotoor ni ugbanbae, u nyi ikaal i Uwumbɔr nan di tii Israel yaab mbamɔm na ke:

Nehemia 10:1

Unii u nan puen ki ŋmee waayimbil na le nan ye Hakalia aajapɔɔn Nehemia, le Sedekia paan u pu ki ŋmee. Bimina mu le nan paan ki ŋmee:

Nehemia 12:26

Binib bee nan bi limɔfal ni buyoonn Josua aajapɔɔn Joyakim, u aayaaja nan ye Jehosadak na, ni n‑yoonn mu uyidaan Nehemia, ni utotoor Esra, u nan bee Nkaal mbamɔm na, nan laa bi limɔfal ponn ni na la.

Nehemia 7:65

Juu yaab aayidaan nan bui bi ke baan ŋmaa ji tijikaar ti bi di tii Uwumbɔr ipiin na, see utotoor u ga ŋmaa di Urim ni Tumim di ŋaŋ ti ki lik na.

Nehemia 7:70

Binib pam le nan too tiwan ki ter Uwumbɔr Aadichal aatoorn pu. Baah nan too pu na sɔ: Baayidaan nan tii salmaa kuruwaa biniin la, ni kitork aasambil piiŋmu, ni bitotoorb aawanpeenkaan mu ikui iŋmu ni piitaa. Mmaal mɔk aayidam mu nan tii salmaa kuruwaa nkub ni imonko itaa ni biniin la, ni tikunabr mu kuruwaa lichur ni ikui ilee ni piiŋmu la. Binib bi gur na mu nan tii salmaa kuruwaa nkub ni imonko itaa ni biniin la, ni tikunabr ti mu ga pii kuruwaa nkub ni imonko ilee na, ni bitotoorb aawanpeenkaan mu imonko itaa ni nilole.

Nehemia 8:2

Kina pu na, Esra nan buen ti yoor ni Nkaal Aagbaŋ ngbaan, binib ngbaan aah kuun nin chee na, bijab, ni bipiib, ni mbim bi chikr ki ga ŋmaa bee tiwan aatataa na chee.

Ulandaan 3:4

U siin mpombiin aayoonn, le mpopiin mu aayoonn bi, ikpowiil aayoonn bi, le liwaal aayoonn mu bi,

Aisaya 61:3

ke m nan tii binib bi wii Sionn ni na mpopiin ni nsuudoon, bi taa ki wii, ki gaa kipak aalahn, ni taa li ye ikpowiil. Bi ga li naahn isui i Uwumbɔr ubaa bun i na la. Bi mɔmɔk ga li ŋani tiwan ni si chob na la, le binib ga pak Uwumbɔr, waah tun pu na pu.

Hosea 4:6

Maanib aah kaa bee mi na, le baamɔfal ga junn. Nimi bitotoorb yii ke naan bee mi, le ki yii maakaal, kina pu le m mu yii nimi, kaan kii ke nijapɔtiib li ye maatotoorb.

Malakai 2:13

Naah ki ŋani tiwan ni mu kpee na sɔ: Ni pu, le bipiib wii ki di tinyunyunn gbiin Uwumbɔr aatork aabimbiln pu, kina pu na le Uwumbɔr aa ki gaal nimi aapiin i ni joo nan tii u na.

Rom Yaab 3:20

Ubaa aan ŋmaa len ke waah joo Uwumbɔr aakaal mbamɔm pu na, waabɔr ŋan Uwumbɔr chee. Uwumbɔr aakaal le mɔk binib ke bi ye titunwanbirdam la.

Rom Yaab 7:9

N‑yoonn mubaa m nan bi, kaa nyi nkaal aatataa mbamɔm. Buyoonn m bee nkaal aatataa mbamɔm na, le titunwanbir fikr nsui ni. Le m bee ke m ŋeer nkun.

Ikaal 12:12

Nima chee, le nimi, ni nimi aabim, ni nimi aatutum, ni Liifai yaab bi bi nimi aatim ni na li kpa mpopiin ki li mɔɔni Nidindaan Uwumbɔr aanimbiin ni. Ni teer ke Liifai yaab aan li kpa bibaa aakpaakon.

Ikaal 12:7

Nidindaan Uwumbɔr u ŋa ni pu tinyoor na aanimbiin ni, le nimi, ni nimi aamaal mɔmɔk ga kpaan ki ji tiwanyaan nimɔk ni tun ki kan na.

Ikaal 16:11

Nimi, ni nimi aamaal, ni nimi aatutum, ni Liifai yaab, ni biwɔwɔm, ni nkpobim, ni bikpopiib bi koo nimi aatim pu na mɔmɔk li kpa mpopiin Uwumbɔr aanimbiin ni. Ni mɔmɔk ŋa kina nin chee ni kpaani ki dooni Uwumbɔr na.

Ikaal 26:14

Maah nan wii ikpowiil na, maa nan jin ti ponn ni, buyoonn maa nan bi chain na, maa nan lee ti ponn ni ngem nyan maadichal ni, ki mu aa lee ti tii bitekpiib. Uwumbɔr, saah bui ke m tii tijikaar aapiin pu na, m ŋa ni mɔmɔk.

Jemisi 4:9

Ni li kpa mpombiin nimi aatunwanbir pu, ki li wii. Cha nimi aalaar kpaln iwiil. Cha nimi aapopiin kpaln mpombiin.