Nehemia 8:8 - Uwumbɔr aagbaŋ

⁸ Bi nan puen nabr Uwumbɔr Aakaal ngbaan waahr le ki nin bui bi mu aatataa, le binib ngbaan bee mbamɔm.

Nehemia 8:8 Iomraidhean Croise

2 Bibɔrb 23:2

le bi mɔmɔk kpaan dii buen Uwumbɔr Aadichal ni, le bitotoorb, ni Uwumbɔr aabɔnabtiib, ni binib bi gur ki ye biwankpadam ni bigiim na mɔmɔk nan dii bi buen. Bi mɔmɔk aanimbil ni, nima chee, le ubɔr karn tipuur aagbaŋ ki bi nan kan ki Uwumbɔr Aadichal ponn ni na mpɔɔn pu tii bi.

Esra 4:18

“Naah ŋmee kigbaŋ ki tii ni mi na, bi nabr ki, ki karn ki tii mi.

Nehemia 8:12

Kina pu le binib ngbaan mɔmɔk kun bido ki ti jin, ki nyun, ki kpa mpopiin, ki yakr baah kpa pu na tii biken; ba pu? bi bee baah karn pu tii bi na aatataa.

Nehemia 8:7

Le bi fii ki ki sil baasisiiyaan, le Liifai yaab bimina ŋeer Nkaal ngbaan aatataa tuk binib ngbaan: bima le ye Jesua, ni Bani, ni Serebia, ni Jaminn, ni Akub, ni Sabetai, ni Hodia, ni Maaseya, ni Kelita, ni Asaria, ni Josabad, ni Hanann, ni Pelaya.

Nehemia 8:9

Binib ngbaan aah ŋun Nkaal ngbaan aah ban ke bi ŋa pu na, ni nan muk bi sakpen le bi piin ki bi wii. Kina pu na, Nehemia, u nan ye baayidaan na, ni Esra, u nan ye utotoor ki mu bee Nkaal ngbaan mbamɔm na, ni Liifai yaab bi nan tuk binib ngbaan mu aatataa na bui binib ngbaan ke, “Nwiin mumina ye nwiin mu bi chain ki tii Nidindaan Uwumbɔr na la, kina pu na, ni taa wii, ki taa kpeeni mu.

Nehemia 9:3

Bi nan karn Bidindaan Uwumbɔr Aakaal tii bi ki ti saa tikur titaa aah ga yunn pu na, ki ki yoor tikur titaa aah ga yunn pu na le ki di kpiir baatunwanbir pu ki doon Bidindaan Uwumbɔr.

Esekiel 46:10

Binib ngbaan ni ujojoor ngbaan kpaan ki koo ni, le bi yaa nan ban bi nyan kan, u ni bimɔk kpaan nya.

Habakuk 2:2

Le Uwumbɔr gar mi ke, “Ŋmee tibɔbɔrkaan ti m ga kpiir tuk si na tiyakr aapen pu, aan unii umɔk yaar tuur ti pu na ga ŋmaa karn ti;

Tibɔnyaan ti Luk ŋmee ti na 24:27

Le Yesu ŋeer waabɔr ti ŋmee Uwumbɔr Aagbaŋ ni na mɔmɔk tuk bi. Njan u tuk bi Moses aah nan ŋmee ti pu na, le ki nin tuk bi Uwumbɔr aabɔnabtiib mɔmɔk aah nan ŋmee ti pu na.

Tibɔnyaan ti Luk ŋmee ti na 24:32

Le bi bui tɔb, “Waah dii timi nsan ni ki len ti chee ki ŋeer Uwumbɔr Aagbaŋ aaliin aatataa tuk timi na, tisui aa ba piin u pu sakpen aa?”

Tibɔnyaan ti Luk ŋmee ti na 24:45

Le u woln binimbil ke bi bee Uwumbɔr Aagbaŋ aaliin aatataa,

Lituln 28:23

Le bi siin bundaln bi ga ki kuun Pɔɔl chee na. Liyaadaal aah fuu ni na, bi nan ki kuun ni waadiik ni, ki wiir pam. U nan len bi chee tibɔr kichakpiik ni ki nan saa kijook, ki tuk bi Uwumbɔr aanaan aabɔr, ke Moses ni Uwumbɔr aabɔnabtiib nan ŋmee Yesu aabɔr, Uwumbɔr Aagbaŋ ponn ni. Pɔɔl nan pɔɔni ubaa ke bi gaa Yesu ki kii.