Nehemia 8:7 - Uwumbɔr aagbaŋ

⁷ Le bi fii ki ki sil baasisiiyaan, le Liifai yaab bimina ŋeer Nkaal ngbaan aatataa tuk binib ngbaan: bima le ye Jesua, ni Bani, ni Serebia, ni Jaminn, ni Akub, ni Sabetai, ni Hodia, ni Maaseya, ni Kelita, ni Asaria, ni Josabad, ni Hanann, ni Pelaya.

Nehemia 8:7 Iomraidhean Croise

1 Bibɔrb 8:14

Israel aanib aah nan si nima na, le Ubɔr Solomonn nan fenn toŋ bi, le ki mee Uwumbɔr aanyoor ŋa bi pu.

2 Bibɔrb Aabɔr 30:22

Hesekia nan pak Liifai yaab ngbaan baah nan di nlan mu tun baatuln ki joo cha Uwumbɔr aadoon chee na pu. Iwiin ilole i ponn ni bi nan toor kitork ki pak biyaajatiib Aadindaan Uwumbɔr na aah jer na,

2 Bibɔrb Aabɔr 35:3

U nan ki di tibɔr timina le tuk Liifai yaab bi nan di bibaa tii Uwumbɔr, ki mɔk Israel aanib mɔmɔk waabɔr na ke, “Di Uwumbɔr Aakaal Aadakaa u ye chain na siin Waadichal li David aajapɔɔn, Ubɔr Solomonn maa na ni. Naan ki li chuun tu u yiini, ni tee ga li tun tii Nidindaan Uwumbɔr ni waanib Israel yaab la.

Esra 8:18

Uwumbɔr aageehn pu le bi nan di Liifai aanii u nyi lituln ki nyan ni Mali aataŋaal ni aan bi yin u ke Serebia na tun ni, le ujapɔtiib ni ukpetiib ni unaatiib, binib kipiik ni biniin dii ni u.

Nehemia 10:2

Seraya, ni Asaria, ni Jeremia, ni Pasur, ni Amaria, ni Malkija, ni Hatus, ni Sebania, ni Maluk, ni Harim, ni Meremof, ni Obadia, ni Daniel, ni Ginetonn, ni Baruk, ni Mesulam, ni Abija, ni Mijaminn, ni Maasia, ni Bilgai, ni Semaya.

Nehemia 11:16

Sabetai ni Josabad nan ye Liifai yaab aanikpaam bi nan lik binib bi tun lituln li bi lipaal Uwumbɔr Aadichal chee na la.

Nehemia 11:19

Akub, ni Talmonn, ni baamaal nan ti kpaan binib nkub ni imonko itaa ni kipiik ni bilee, le ki koo Jerusalem ponn ni.

Nehemia 12:33

Le Asaria, ni Esra, ni Mesulam, ni Juda, ni Benjaminn, ni Semaya, ni Jeremia bi nan ye bitotoorb ki nan pii kakaan tiib na mu nan paan bi pu, le ki di Jonatann aajapɔɔn Sekaria, u aayaaja nan ye Semaya nan paan. Uyaajatiib biken le nan ye Matania, ni Mikaya, ni Sakur, bi ye Asaf aamaal yaab na.

Nehemia 3:17

Binib bimina le nan ye Liifai yaab bi nan maa ligoln ngbaan aagen ŋibaa ŋi gur ki paa na: Bani aajapɔɔn Rehum le nan puen maa ligeln li paa na. Le Hasabia, u ye Keila Aapepel libaa aaninkpel na, mu nan maa ligeln li paa na tii waapepel aanib:

Nehemia 3:19

Jesua aajapɔɔn Eser, u ye Mispa aaninkpel na mu le nan maa ligeln li bi tijawan aadiik chee na, ki ti saa ligoln ngbaan aah fenn nin chee na:

Nehemia 3:23

Benjaminn ni Hasub mu le nan paan ki maa ligeln li bi baadichal chee na: Anania aayaabil, Maaseya aajapɔɔn Asaria mu le nan paan ki maa ligeln li bi udo chee na:

Nehemia 8:12

Kina pu le binib ngbaan mɔmɔk kun bido ki ti jin, ki nyun, ki kpa mpopiin, ki yakr baah kpa pu na tii biken; ba pu? bi bee baah karn pu tii bi na aatataa.

Nehemia 8:4

Esra nan si tɔk paangara u bi nan paan u kina aatuln pu na pu la. Bijab bimina le nan si uŋangii wɔb: Matitia, ni Sema, ni Anaya, ni Uria, ni Hilkia, ni Maaseya. Le Pedaya, ni Misael, ni Malkija, ni Hasum, ni Hasbadana, ni Sekaria, ni Mesulam mu si uŋangan wɔb.

Nehemia 8:6

Le Esra bui ke, “Pak Uwumbɔr man, u ye Uwumbɔr Sakpiin la.” Le binib ngbaan mɔmɔk yoor biŋaal paacham ki kii ke, “Amii, amii.” Bi mɔmɔk nan gbaan kitiŋ ki doon Uwumbɔr, le binimbil chik kitiŋ.

Nehemia 8:8

Bi nan puen nabr Uwumbɔr Aakaal ngbaan waahr le ki nin bui bi mu aatataa, le binib ngbaan bee mbamɔm.

Nehemia 9:3

Bi nan karn Bidindaan Uwumbɔr Aakaal tii bi ki ti saa tikur titaa aah ga yunn pu na, ki ki yoor tikur titaa aah ga yunn pu na le ki di kpiir baatunwanbir pu ki doon Bidindaan Uwumbɔr.

Nehemia 9:4

Bi nan ŋa paangara tii Liifai yaab; le Jesua, ni Bani, ni Kadmiel, ni Sebania, ni Buni, ni Serebia, ni Bani, ni Kenani, si tɔk u pu. Bi nan teen mpɔɔn pu ki mee Bidindaan Uwumbɔr.

Liifai Yaab 10:11

Maah di ikaal imɔk tii Moses aan u di mɔk si na, aa di i mɔk Israel aanib mɔmɔk.”

Malakai 2:7

Ni ye bitotoorb aatuln le ke bi mɔk binib Uwumbɔr aah sil ye pu na. Bima chee le binib ga buen ki ti bae maah ban pu na, ba pu? bima le ye min Uwumbɔr Mpɔɔnsakpiindaan aatutum.

Ikaal 33:10

Bima le ga mɔk saanib aan bi li joo saakaal mbamɔm; Bima le ga di tiwakor toor kitork saabimbiln paab.