Nehemia 8:6 - Uwumbɔr aagbaŋ

⁶ Le Esra bui ke, “Pak Uwumbɔr man, u ye Uwumbɔr Sakpiin la.” Le binib ngbaan mɔmɔk yoor biŋaal paacham ki kii ke, “Amii, amii.” Bi mɔmɔk nan gbaan kitiŋ ki doon Uwumbɔr, le binimbil chik kitiŋ.

Nehemia 8:6 Iomraidhean Croise

Mpiin 14:22

Le Abram bui u ke, “M puu tipuukpaan, Tidindaan Uwumbɔr u kaa kpa ŋeen aatɔ, ki naan paacham ni kitiŋ na aanimbiin ni,

Mpiin 24:26

Le uja ngbaan gbaan kitiŋ ki doon Uwumbɔr.

1 Bibɔrb Aabɔr 16:36

Pak Israel yaab Aadindaan Uwumbɔr man. Li pak u man dandana, ni n‑yoonn mu kaa kpa ndoon na. Le binib mɔmɔk bui ke, “Amii,” le ki pak Uwumbɔr.

1 Bibɔrb Aabɔr 29:10

Binib bi nan kuun ni na aanimbiin ni, le Ubɔr David nan pak Uwumbɔr. U nan bui ke, “Uwumbɔr, tiyaaja Jakob Aawumbɔr, kipak ye sin yaan le ki ti saa n‑yoonn mu kaa kpa ndoon na.

1 Bibɔrb Aabɔr 29:20

David nan bui binib ngbaan ke, “Pak Nidindaan Uwumbɔr man.” Le binib bi mɔmɔk kuun nima na pak Uwumbɔr, u ye biyaajatiib Aawumbɔr na, le ki gbaan kitiŋ ki nyuŋ uma Uwumbɔr, ni ubɔr mu.

2 Bibɔrb Aabɔr 20:18

Le Jehosafat gbaan kitiŋ ki cha uyigbeer ti meeh kitiŋ, le binib ngbaan mɔmɔk mu ŋa kina ki doon Uwumbɔr.

2 Bibɔrb Aabɔr 29:10

“Nima le m ŋa nlandak ke m puu tipuukpaan tii timi Israel yaab Aadindaan Uwumbɔr aan u taa ki gee ti pu liŋuul.

2 Bibɔrb Aabɔr 29:30

Ubɔr ni binib ngbaan aasalolm nan bui Liifai yaab ke bi gaa ilahn i Ubɔr David ni Uwumbɔr aabɔnabr Asaf nan ŋmee na ki pak Uwumbɔr. Kina pu le binib ngbaan mɔmɔk nan beenin gbaa tiwan ki gaa mpopiin aalahn ki pak Uwumbɔr.

2 Bibɔrb Aabɔr 6:4

U nan bui ke, “Pak timi Israel yaab Aadindaan Uwumbɔr man. U joo tipuur ti u nan puu tii nte David ke,

Nehemia 5:13

N‑yoonn ngbaan le m chuu gbabr maawundo u m nan gbab nchaŋ ni na ki yɔk yɔk u, ki bui ke, “Kina le Uwumbɔr ga yɔk yɔk unii umɔk kaa joo waah puu pu na. Uwumbɔr ga gaa nimi aadichal, ni naah kpa tiwan nimɔk na, ki cha nimi niŋmeen.” Le binib bimɔk nan bi nima na kii ke, “Amii,” ki nyuŋ Uwumbɔr. Le biyidam ngbaan nan joo baah puu tipuur ti na.

Nehemia 8:7

Le bi fii ki ki sil baasisiiyaan, le Liifai yaab bimina ŋeer Nkaal ngbaan aatataa tuk binib ngbaan: bima le ye Jesua, ni Bani, ni Serebia, ni Jaminn, ni Akub, ni Sabetai, ni Hodia, ni Maaseya, ni Kelita, ni Asaria, ni Josabad, ni Hanann, ni Pelaya.

Ilahn 134:2

Yoor niŋaal paacham Waadichal ni, ki mee uma Uwumbɔr ki pak u man.

Ilahn 141:2

Gaa maameel ke tulalee aayon aatork na, ki gaa maaŋaal i m yoor paacham na ke kijook aatork na.

Ilahn 28:2

M yaa wii yin si ki ban nterm, ki yoor ŋŋaal mɔk Saadichal li bi chain na kan, pel m chee.

Ilahn 41:13

Pak timi Israel yaab Aadindaan Uwumbɔr man. Li pak u man dandana, ni n‑yoonn mu kaa kpa ndoon na. Amii amii.

Ilahn 63:4

Maah bi limɔfal ponn ni n‑yoonn mumɔk na, le m ga li dooni si, m ga yoor ŋŋaal paacham ki li mee si.

Ilahn 95:3

ba pu? Uwumbɔr ye Mpɔɔnsakpiindaan la, ubɔr mpɔɔnsakpiindaan u joo dindatiib mɔmɔk na.

Nnyam 12:27

ni bui bi ke, ‘Ni ye Lakr‑jer aatork ki ti ŋani ki nyuŋni Uwumbɔr na la, ba pu? njan aatork ngbaan daal le u nan lakr jer timi Israel yaab aadichal pu, Ijipt aatiŋ ponn ni. U nan ku Ijipt yaab, le ki di cha timi.’” Moses aah len kina doo na, le Israel yaab nan gbaan kitiŋ le ki doon Uwumbɔr.

Nnyam 4:31

Bi nan gaa kii, le baah ŋun ke Uwumbɔr dan bi chee ki nan kan baah muk bi ki ŋani bi falaa pu na, le bi gbaan kitiŋ ki doon u.

Jeremia 28:6

“Mbamɔn, Uwumbɔr ba sil ŋa kina kan, ni ba ŋan. Saabɔkpiirkaan tee ba ga sil gbiin ke u nyan ni Babiloŋ aatiŋ ni, Waadichal ni aawangol ni binib bi mɔmɔk bi tinaagbiir ni nima na kan, m ba ga li gee kina sakpen.

Inandalahn 3:41

Cha ti piir tisui tii Uwumbɔr u bi paacham na ki mee limeel ke,

Liifai Yaab 9:24

Libuul ngbaan ni, le Uwumbɔr cha mmii nyan ni paacham ki nan wun kitork ki bi ban bi di see mmii ni na aapiin, ni nkpan, libimbiln paab. N‑yoonn mu binib ngbaan kan kina na, le bi teen mpɔɔn pu, ki tar lir kitiŋ lichichikr.

Matiu 26:39

Le u foor siib, ki doon lichichikr, le ki mee Uwumbɔr, “Nte, aa yaa kii kina kan, nyan mi falaa u choo na ni. Tɔ, ŋa saageehn, ki taa ŋa maageehn.”

Matiu 6:13

Taa cha ti kan ntɔŋ. Nyan timi kinimbɔŋ aaŋaal ni. [Si le yeh nnaan, ni mpɔɔn, ni mpakm n‑yoonn mu kaa kpa ndoon na.’]

1 Korenti 14:16

Aa yaa doon Uwumbɔr, Waafuur Nyaan aah cha aa doon u pu na kan, unii yaa bi nikaasisik ni, kaa nyi Uwumbɔr aasan kan, u ga ŋa kinye ki len ke saah doon Uwumbɔr pu na ye mbamɔn; ba pu? waa ŋun saah len pu na.

Efesusi 1:3

Cha ti pak Uwumbɔr, u ye Tidindaan Yesu Kristo Aate na. Taah kpaan Kristo ni na, le Uwumbɔr ŋa tinyoor ŋa ti pu, ki tii timi Waafuur Nyaan aapiin mɔmɔk paacham.

1 Timoti 2:8

M ban ke bijab bi bi ŋipepel mɔmɔk na mee Uwumbɔr, ki yoor iŋaal paacham. Bi li ye binib bi bi chain na, ki taa li kpa liŋuul, ki taa li kpa kinikpakpak.

1 Piita 1:3

Cha ti pak Uwumbɔr u ye Tidindaan Yesu Kristo Aate na; ba pu? u san timi kinimbaak sakpen a, ki gir ma timi lelee, ki di timi ŋa waabim. U nan fikr Yesu Kristo nkun ni. Nima le ti kpa limakl li bi n‑yoonn mɔmɔk na.

Tibɔkpiirkaan 7:11

Le Uwumbɔr aatuuntiib mɔmɔk si gob Uwumbɔr aabɔrjal, ni bininkpiib, ni tiwanfuurkaan ninaa ngbaan. Le Uwumbɔr aatuuntiib doon ŋichichik ki di binimbil kpaa kitiŋ Uwumbɔr aabɔrjal taab ki dooni u,