Nehemia 8:4 - Uwumbɔr aagbaŋ

⁴ Esra nan si tɔk paangara u bi nan paan u kina aatuln pu na pu la. Bijab bimina le nan si uŋangii wɔb: Matitia, ni Sema, ni Anaya, ni Uria, ni Hilkia, ni Maaseya. Le Pedaya, ni Misael, ni Malkija, ni Hasum, ni Hasbadana, ni Sekaria, ni Mesulam mu si uŋangan wɔb.

Nehemia 8:4 Iomraidhean Croise

2 Bibɔrb Aabɔr 6:13

Solomonn nan di tikumann le maa libimbiln siin lichiln aakaasisik ni. Laafɔfɔk ni nwawaan nan ye ŋitaa ŋiniin la, le laah fɔk paacham pu na nan ye ŋitaa ŋiŋmu. U nan jon toŋ libimbiln ngbaan paab, le ki gbaan le binib mɔmɔk waa u, le ki yoor uŋaal di mɔk paacham.

Esra 10:29

Bani aataŋaal ni: Mesulam, ni Maluk, ni Adaya, ni Jasub, ni Seal, ni Jeremof.

Esra 10:33

Hasum aataŋaal ni: Matenai, ni Matata, ni Sabad, ni Elifelet, ni Jeremai, ni Manase, ni Simei.

Nehemia 11:5

Baruk aajapɔɔn Maaseya u aayaaja nan ye Kolhose na. Maaseya aayaajatiib biken le nan ye Hasaya, ni Adaya, ni Joyarib, ni Sakaria. Biyaaja le nan ye Juda aajapɔɔn Sela.

Nehemia 11:7

Mesulam aajapɔɔn Salu, u aayaaja nan ye Joed na. Salu aayaajatiib biken le nan ye Pedaya, ni Kolaya, ni Maaseya, ni Itiel, ni Jesaya.

Nehemia 8:3

Mbisamɔb ngbaan chee le u nan karn Nkaal Aagbaŋ ngbaan ki nyan kichakpiik ni ki ti saa nwiin pu, le bi mɔmɔk si pel gbimm ke bi ŋun ti mɔmɔk.

Nehemia 8:5

Esra aah nan si tɔk paangara ngbaan pu ki fɔk jer binib ngbaan mɔmɔk na, le bi mɔmɔk di binimbil kaan u pu. N‑yoonn mu u chuu kpar kigbaŋ ngbaan na, le bi mɔmɔk fii sil paacham.

Nehemia 9:3

Bi nan karn Bidindaan Uwumbɔr Aakaal tii bi ki ti saa tikur titaa aah ga yunn pu na, ki ki yoor tikur titaa aah ga yunn pu na le ki di kpiir baatunwanbir pu ki doon Bidindaan Uwumbɔr.

Nehemia 9:4

Bi nan ŋa paangara tii Liifai yaab; le Jesua, ni Bani, ni Kadmiel, ni Sebania, ni Buni, ni Serebia, ni Bani, ni Kenani, si tɔk u pu. Bi nan teen mpɔɔn pu ki mee Bidindaan Uwumbɔr.

Matiu 23:2

“Uwumbɔr aakaal aamɔmɔkb ni Farisii yaab tuk nimi Moses aakaal aatataa.