Nehemia 8:3 - Uwumbɔr aagbaŋ

³ Mbisamɔb ngbaan chee le u nan karn Nkaal Aagbaŋ ngbaan ki nyan kichakpiik ni ki ti saa nwiin pu, le bi mɔmɔk si pel gbimm ke bi ŋun ti mɔmɔk.

Nehemia 8:3 Iomraidhean Croise

Nehemia 10:29

sil do ki kpaan timi aayidam chee ki puu tipuur timina, ke ti ga gaa Uwumbɔr Aakaal mu u nan di tii ni waatutunn Moses na; ti ki puu tipuur ke ti ga kii Tidindaan Uwumbɔr aamɔb mbamɔm, ki ga li joo waakaal ni waah ban pu na mɔmɔk.

Nehemia 13:1

Bi nan karn Moses Aakaal mpɔɔn pu binib ngbaan aanimbiin ni, ki ti saa nin chee len ke Amonn yaab, ni Moab yaab taa kpaan Uwumbɔr aanib Israel yaab chee daalbaadaal na.

Nehemia 8:1

Ki joo cha ni ŋmalole ponn ni na, Israel aanib mɔmɔk nan kal baatim ponn ni. Uŋmal ngbaan aajan aawiin daal le bi mɔmɔk nan kuun ni Jerusalem ponn ni, mbisamɔb mu bi yin mu ke Nnyun Aabisamɔb na chee. Bi nan bui Esra, u nan ye utotoor ki mu bae Nkaal mu Uwumbɔr nan di tii Moses ke u di tii Israel yaab na, ke u ti yoor ni Nkaal Aagbaŋ ngbaan.

Nehemia 8:18

Ki nyan njim ngbaan aajan aawiin daal ki ti saa kookoo aawiin daal na, bi nan karni Uwumbɔr Aakaal ngbaan siisii le mu ti doo. Bi nan jin njim ngbaan ki ti saa iwiin ilole, le winiin daal na, bi mɔmɔk nan kuun ki doon Uwumbɔr, le ki ŋa kookoo aatork, Nkaal ngbaan aah mɔk pu na.

Nehemia 8:4

Esra nan si tɔk paangara u bi nan paan u kina aatuln pu na pu la. Bijab bimina le nan si uŋangii wɔb: Matitia, ni Sema, ni Anaya, ni Uria, ni Hilkia, ni Maaseya. Le Pedaya, ni Misael, ni Malkija, ni Hasum, ni Hasbadana, ni Sekaria, ni Mesulam mu si uŋangan wɔb.

Nehemia 8:5

Esra aah nan si tɔk paangara ngbaan pu ki fɔk jer binib ngbaan mɔmɔk na, le bi mɔmɔk di binimbil kaan u pu. N‑yoonn mu u chuu kpar kigbaŋ ngbaan na, le bi mɔmɔk fii sil paacham.

Tibɔnyaan ti Mak ŋmee ti na 12:37

“Ubɔr David ubaa aah nan yin Kristo ngbaan ke Udindaan kina na, Kristo ga li ŋmaa ye uyaabil aa?” Le kinipaak ngbaan pel Yesu aah len pu na, ki nan kpa mpopiin.

Tibɔnyaan ti Luk ŋmee ti na 19:48

kaa ŋmaa kan baah ga ku u pu na; ba pu? binib ngbaan mɔmɔk aanimbil man ke bi ŋun waah len pu na.

Tibɔnyaan ti Luk ŋmee ti na 8:18

“Cha nitafal li bi naah ŋun pu na ni man. Unii u kpa na, Uwumbɔr ga kpee u. Unii u kaa kpa na, Uwumbɔr ga chuu gaa waah dak ke u kpa ti na.”

Lituln 13:15

Le unii ubaa karn Uwumbɔr Aagbaŋ ponn ni. U karn Moses ni Uwumbɔr aabɔnabtiib aah nan ŋmee pu na. Waah karn doo na, le mmeen aadiik aaninkpiib tun unii bi chee, ke u ti tuk bi ke bi yaa ban bi tuk binib tibɔr ti ga pɔɔk bitaakpab na kan, bi tuk bi.

Lituln 13:27

Binib bi bi Jerusalem ni na, ni baaninkpiib aa nyi ke Yesu le ga gaa bi lii. Likpaakool mɔmɔk daal, bi karni Uwumbɔr Aagbaŋ ponn ni, Uwumbɔr aabɔnabtiib aah nan len pu na, kaa bee naatataa. Le bi jin Yesu tibɔr ki len ke waabɔr bii. Uwumbɔr aabɔnabtiib nan len ke bi ga ŋa kina.

Lituln 15:21

Tiyaajatiib yoonn ki di nan saa din, bi tuk binib Moses aakaal ntim mɔmɔk ponn ni. Likpaakool daal mɔmɔk bi po karni Moses aakaal mmeen aadir ni.”

Lituln 16:14

Upii ubaa nan bi nima ki ŋun taah len pu na. Bi nan yin u ke Lidia. U nan ye Tiataira aatiŋ aapii la, ki chuun kooh ŋitanyaan aakeken ŋi kpa kidaak na. U nan ye upii u pak Uwumbɔr na la. Le Tidindaan piir usui ke u pel mbamɔm, ki gaa Pɔɔl aah len pu na.

Lituln 17:11

Le binib bi bi nima na pel Pɔɔl aah len pu na. Binib ngbaan ye binib ki jer Tesalonika aatiŋ ni yaab. Le binimbil man Pɔɔl aah len pu na pu. Idaa mɔmɔk bi nan kpar Uwumbɔr Aagbaŋ ponn ni, ki karni ke bi lik ke ti gbii aan taa gbii.

Lituln 20:11

Le Pɔɔl gir koo paacham aadiik ngbaan ni, ki ti jin bi chee tijikaar, ki ki len bi chee tibɔr ki yunn, hali ki ti woln kitaak. Naah woln na, le u buen cha bi.

Lituln 20:7

Likpaakool ponn ni, njan aawiin daal, le ti kuun tɔb chee ke ti nan ji Tidindaan aajikaar. Le Pɔɔl len bi chee Uwumbɔr aabɔr le kitaak ti siir. U nan ban ke kitaak yaa woln kan, u buen cha bi. Nima le cha u len bi chee tibɔr kitaak ti siir.

Lituln 28:23

Le bi siin bundaln bi ga ki kuun Pɔɔl chee na. Liyaadaal aah fuu ni na, bi nan ki kuun ni waadiik ni, ki wiir pam. U nan len bi chee tibɔr kichakpiik ni ki nan saa kijook, ki tuk bi Uwumbɔr aanaan aabɔr, ke Moses ni Uwumbɔr aabɔnabtiib nan ŋmee Yesu aabɔr, Uwumbɔr Aagbaŋ ponn ni. Pɔɔl nan pɔɔni ubaa ke bi gaa Yesu ki kii.

Ikaal 31:9

Moses nan ŋmee Uwumbɔr Aakaal aagbaŋ ngbaan, le ki di mu tii Liifai yaab bi ye bitotoorb ki lik Uwumbɔr Aakaal Aadakaa na, ni Israel yaab aayidam.

1 Tesalonika 2:13

Ti dooni Uwumbɔr ni pu n‑yoonn mɔmɔk la; ba pu? taah nan tuk nimi Uwumbɔr aabɔr na, ni nan gaa tibɔr ngbaan, ki bee ke naa ye binib aabɔr, ni ye Uwumbɔr aabɔr la. Mbamɔn, ni ye Uwumbɔr aabɔr la, ki kpelni nimi bi gaa u ki kii na aabimbin.

Josua 8:35

Josua nan karn Moses aakaal ngbaan mɔmɔk ki tii binib bimɔk nan kuun nima chee na, ki kpee bipiib, ni mbim, ni biwɔwɔm bi nan koo bi chee na mɔmɔk la.

Tibɔkpiirkaan 2:29

“U kpa litafal na kan, u ŋun Uwumbɔr Aafuur Nyaan aah tuk maanib pu na.

Tibɔkpiirkaan 3:22

“U kpa litafal na kan, u ŋun Uwumbɔr Aafuur Nyaan aah tuk maanib pu na.”