Nehemia 8:2 - Uwumbɔr aagbaŋ

² Kina pu na, Esra nan buen ti yoor ni Nkaal Aagbaŋ ngbaan, binib ngbaan aah kuun nin chee na, bijab, ni bipiib, ni mbim bi chikr ki ga ŋmaa bee tiwan aatataa na chee.

Nehemia 8:2 Iomraidhean Croise

Nehemia 10:29

sil do ki kpaan timi aayidam chee ki puu tipuur timina, ke ti ga gaa Uwumbɔr Aakaal mu u nan di tii ni waatutunn Moses na; ti ki puu tipuur ke ti ga kii Tidindaan Uwumbɔr aamɔb mbamɔm, ki ga li joo waakaal ni waah ban pu na mɔmɔk.

Nehemia 13:1

Bi nan karn Moses Aakaal mpɔɔn pu binib ngbaan aanimbiin ni, ki ti saa nin chee len ke Amonn yaab, ni Moab yaab taa kpaan Uwumbɔr aanib Israel yaab chee daalbaadaal na.

Nehemia 8:18

Ki nyan njim ngbaan aajan aawiin daal ki ti saa kookoo aawiin daal na, bi nan karni Uwumbɔr Aakaal ngbaan siisii le mu ti doo. Bi nan jin njim ngbaan ki ti saa iwiin ilole, le winiin daal na, bi mɔmɔk nan kuun ki doon Uwumbɔr, le ki ŋa kookoo aatork, Nkaal ngbaan aah mɔk pu na.

Nehemia 8:9

Binib ngbaan aah ŋun Nkaal ngbaan aah ban ke bi ŋa pu na, ni nan muk bi sakpen le bi piin ki bi wii. Kina pu na, Nehemia, u nan ye baayidaan na, ni Esra, u nan ye utotoor ki mu bee Nkaal ngbaan mbamɔm na, ni Liifai yaab bi nan tuk binib ngbaan mu aatataa na bui binib ngbaan ke, “Nwiin mumina ye nwiin mu bi chain ki tii Nidindaan Uwumbɔr na la, kina pu na, ni taa wii, ki taa kpeeni mu.

Nehemia 9:1

Uŋmabaan ngbaan ponn ni aawiin moninko ni inaa daal le Israel yaab nan kuun ke bi lul bumɔb ki mɔk baapombiin baatunwanbir pu. N‑yoonn mue na bi nan yakr biwɔwɔm bi ŋmal bi ponn ni na chee. Bi nan pee tiwanpeenkaan ni saak kuub na, le ki di titan puŋ biyil, bisui aah bii pu na pu. Le bi sil ki kpiir baatunwanbir, ni biyaajatiib mu aatunwanbir pu.

Aisaya 28:9

Bi len tibɔr ti kaa ŋan na m pu. Bi len ke, “Ŋma aan uja wee dak ke u mɔk tiwan? Ŋma neen waabɔr ti u nabr na? Ti ŋan tii mbim mu laa lii libiil na la.

Malakai 2:7

Ni ye bitotoorb aatuln le ke bi mɔk binib Uwumbɔr aah sil ye pu na. Bima chee le binib ga buen ki ti bae maah ban pu na, ba pu? bima le ye min Uwumbɔr Mpɔɔnsakpiindaan aatutum.

Nkahm 29:1

Ŋmalole aajan aawiindaal kan, ni kuun ni tɔb chee, ki nan doon Uwumbɔr; ni taa tun lituln libaa. Liyaadaal ngbaan kan, ni pii kakaan tiib.

Lituln 15:21

Tiyaajatiib yoonn ki di nan saa din, bi tuk binib Moses aakaal ntim mɔmɔk ponn ni. Likpaakool daal mɔmɔk bi po karni Moses aakaal mmeen aadir ni.”

Ikaal 17:18

U yaa ŋa ubɔr kan, u pɔɔn ubaa ki li kpa Uwumbɔr aakaal, ni waamɔkm ni nyan ni bitotoorb Liifai yaab aagbaŋ ni na.

Josua 8:35

Josua nan karn Moses aakaal ngbaan mɔmɔk ki tii binib bimɔk nan kuun nima chee na, ki kpee bipiib, ni mbim, ni biwɔwɔm bi nan koo bi chee na mɔmɔk la.