Nehemia 8:17 - Uwumbɔr aagbaŋ

¹⁷ Binib bimɔk nan nyan ni tinaagbiir ni na nan ŋa baakakar ki koo ti ponn ni. Ki nya Nunn aajapɔɔn Josua aayoonn ki nan saa liyaadaal ngbaan na, nwiin ngbaan daal le kina aajim nan ki ŋa, kina pu na, binib mɔmɔk aasui nan piin le ni mɔ bi mɔmɔk.

Nehemia 8:17 Iomraidhean Croise

1 Bibɔrb Aabɔr 29:22

Kina pu na, bi nan jin ki nyun Uwumbɔr aanimbiin ni liyaadaal ngbaan, ki nan kpa mpopiin sakpen. Bi nan ki gir moon lelee ke Solomonn le ye ubɔr. Bi nan kaan u nnaan Uwumbɔr aayimbil pu, le ki di Sadok mu ŋa utotoor.

2 Bibɔrb Aabɔr 30:26

Ki nyan David aajapɔɔn Ubɔr Solomonn aayoonn na kina aawan aa kee ŋa; kina pu na, Jerusalem aatiŋ ponn ni nan ye mmɔɔn ŋmeen la.

2 Bibɔrb Aabɔr 35:18

Ki nyan Uwumbɔr aabɔnabr Samuel aayoonn na, Lakr‑jer Aajim mubaa aa kee jin ke mumina na. Njan aabɔrb na ubaa aa kee jin Lakr‑jer Aajim ke Ubɔr Josia, ni bitotoorb, ni Liifai yaab, ni Juda, ni Israel, ni Jerusalem aanib aah nan jin mu,

2 Bibɔrb Aabɔr 8:13

U nan toor kitork ki bi joo seer mmii ni na nwinyaan mɔk daal ki dii Moses aakaal aah nan mɔk pu na aasan: u nan toor Likpaakool daal, ni Uŋmapɔɔn aajim daal, ni libiln mɔk aajim mutaa na aatork. Tima le nan ye Lakr‑jer Aajim, ni Lijikaacheel Aajim, ni Tikakar Aajim aatork.

Esra 3:4

Bi nan jin Tikakar Aajim, ikaal aah mɔk pu na; nwiin mɔk kan, bi nan toor nwiin ngbaan aatork aah ye pu na,

Jɔnn 1:14

Baah yin u ke Limɔboln na nan kpaln unibɔn, ki nan bi tikaasisik ni. U gee binib chob, ki len ibamɔn baanja la. Le ti kan waah kpa mpɔɔn pu na. Waah ye Uwumbɔr Aajapɔnbaal na, u kpa mpɔɔn ke Ute Uwumbɔr aah kpa pu na.

Ikaal 16:15

Ni ŋa kina aajim nin chee ni kuuni ki dooni Uwumbɔr na, ki ti saa iwiin ilole, ki nyuŋ Nidindaan Uwumbɔr. Uwumbɔr aah ŋa ni pu tinyoor, nimi aatuln ponn ni, ki cha ni chee tijikaar sakpen pu na, ni ŋa njim ngbaan, ki li kpa mpopiin kina pu.

Hiibru Yaab 11:13

Binib ngbaan mɔmɔk nan tii Uwumbɔr naadii le ki ti saa baakundaal, kaa kan Uwumbɔr aah puu tipuur ti na. Bi nan bee ke n‑yoonn mu choo na, u ga nan ŋa waah puu tipuur ti na. Bi nan len ke bi ye bicham le dulnyaa wee ni.

Hiibru Yaab 11:9

U nan ti fuu kitiŋ ki Uwumbɔr puu tipuur ke u ga di tii u na ni. Le u pak Uwumbɔr aah len pu na, nima le u nan kal nima, ki nan ye uwɔwɔnja. U ni waabo Aisak, ni uyaabil Jakob nan bi nima, ŋiboo ponn ni. Bi mu nan yeh tipuur tichachaan ngbaan la.

Hiibru Yaab 4:8

Tɔ, Josua yaa ba nan tii Israel yaab lifuur ngbaan kan, Uwumbɔr aa ba ga ki siin nwiin muken.

Josua 1:1

Uwumbɔr aatutunn Moses aah nan kpo na aapuwɔb, le Uwumbɔr bui Moses aateter Josua u nan ye Nunn aajapɔɔn na ke,