Nehemia 8:16 - Uwumbɔr aagbaŋ

¹⁶ Le binib ngbaan ban tisufar ki nan ŋa tikakar baachin ponn ni, ni baadir aapaacham, ni Uwumbɔr Aadichal aachiln ponn ni, ni mpaan mu bi mbisamɔb mu bi yin mu ke Nnyun Aabisamɔb na, ni mu bi yin mu ke Efraim Aabisamɔb na chee.

Nehemia 8:16 Iomraidhean Croise

2 Samuel 11:2

Daalbaadaal aajoowiin pu, le David nan fii waafuur aadɔdooyaan, ki buen libɔrdichal aapaacham. Waah bi chuun paacham ngbaan na, le u kan upii ubaa bi fu nnyun. U nan ŋan sakpen.

2 Bibɔrb 14:13

Jehoas nan chuu Amasia tinaagbiir, le ki nyan nima ki ti tak Jerusalem aatiŋ, ki tur kaagon ki nyan Efraim Aabisamɔb mɔk ki ti saa Kilɔlɔŋ ni Aabisamɔb chee lii kitiŋ. Naafɔfɔk kitiŋ ga nan li pii ŋitaa ikui iloob.

2 Bibɔrb Aabɔr 20:5

le bi ni Jerusalem aanib kuun Uwumbɔr Aadichal aachinpɔln na ni.

2 Bibɔrb Aabɔr 33:5

U nan maa kitork aabimbin ŋi pu bi ga li dooni iŋmabi na Uwumbɔr Aadichal aachin ŋilee na ponn ni.

Nehemia 12:37

Baah nan ti fuu mbisamɔb mu bi yin mu ke Uyayak Aabisamɔb chee na, le bi jon ŋibimbin ŋi cha David Aatiŋ ni na, ki jer David aabɔrnaakook, le ki ti ki tɔŋ ligoln ngbaan paab Nnyun Aabisamɔb chee, mu bi liwipuul wɔb kitiŋ ngbaan pu na.

Nehemia 12:39

ki nyan nima ki ti jer Efraim Aabisamɔb, ni Jesana Aabisamɔb, ni Ijan Aabisamɔb, ni Hananel Aadifɔfɔk, ni Nkub Aadifɔfɔk, ki ti saa Ipiih Aabisamɔb. Ti nan ti doo timi aasachuln ngbaan Uwumbɔr Aadichal aabisamɔb chee la.

Nehemia 8:1

Ki joo cha ni ŋmalole ponn ni na, Israel aanib mɔmɔk nan kal baatim ponn ni. Uŋmal ngbaan aajan aawiin daal le bi mɔmɔk nan kuun ni Jerusalem ponn ni, mbisamɔb mu bi yin mu ke Nnyun Aabisamɔb na chee. Bi nan bui Esra, u nan ye utotoor ki mu bae Nkaal mu Uwumbɔr nan di tii Moses ke u di tii Israel yaab na, ke u ti yoor ni Nkaal Aagbaŋ ngbaan.

Nehemia 8:3

Mbisamɔb ngbaan chee le u nan karn Nkaal Aagbaŋ ngbaan ki nyan kichakpiik ni ki ti saa nwiin pu, le bi mɔmɔk si pel gbimm ke bi ŋun ti mɔmɔk.

Jeremia 19:13

Jerusalem aadichal, ni Juda aabɔrb aadichal, ni ŋidichal ŋi mɔmɔk pu bi nan seer tulalee aayon tii iŋmabi, ni nin chee bi nan joo ndaan kpir tii ŋiwaa na mɔmɔk pu, ga li kpa tijɔŋ ke Tofef na la.”

Jeremia 32:29

ki see ki mmii. Bi ga see ki ni tidir ti pu binib seer tulalee aayon tii liwaal Baal ti paab, ki joo ndaan toor kitork tii ŋiwaa, ki cha maaŋuul fii bi pu na mɔmɔk mmii ni.

Ikaal 22:8

“Aa yaa maa lidichapɔln kan, maa ligoln mann lipaacham. Nima kan, unii yaa nyan lipaab ki lir, ki kpo kan, saan li kpa taani ubaa.