Nehemia 8:12 - Uwumbɔr aagbaŋ

¹² Kina pu le binib ngbaan mɔmɔk kun bido ki ti jin, ki nyun, ki kpa mpopiin, ki yakr baah kpa pu na tii biken; ba pu? bi bee baah karn pu tii bi na aatataa.

Nehemia 8:12 Iomraidhean Croise

1 Bibɔrb Aabɔr 29:22

Kina pu na, bi nan jin ki nyun Uwumbɔr aanimbiin ni liyaadaal ngbaan, ki nan kpa mpopiin sakpen. Bi nan ki gir moon lelee ke Solomonn le ye ubɔr. Bi nan kaan u nnaan Uwumbɔr aayimbil pu, le ki di Sadok mu ŋa utotoor.

Nehemia 8:10

Kina pu na, li chaa kun man ki ti ŋa njim ki ji. Yakr man nimi aajikaar ni ndaan ki tii binib bi kaa kpa na. Din aawiin ye chain aawiin le ki tii Uwumbɔr, nima pu na, cha nisui li piin man. Mpopiin mu Uwumbɔr tii na ga tii nimi mpɔɔn.”

Nehemia 8:11

Liifai yaab ngbaan nan pɔɔn bibaa ki chuun sɔŋni binib ngbaan aasui, ki tuk bi ke nwiin mundaal bi chain na, bi taa cha bisui bii.

Nehemia 8:13

Kitaak aah ki woln na, le imaal ngbaan aaninkpiib, ni bitotoorb, ni Liifai yaab nan buen Esra chee ke bi ti bae Nkaal aabaem.

Esta 9:22

ba pu? iwiin ngbaan daal le Juu yaab nan nyaŋ baadim; uŋmal ngbaan le nan ye uŋmal u mpombiin ni itaakpayɔl kpaln mpopiin ni mmɔɔn na. U nan bui bi ke iwiin ngbaan daal kan, bi li ji njim ki tii tɔb tijikaar aapiin, ki tii binib bi ye bigiim na mu.

Job Aagbaŋ 23:12

M ŋani Uwumbɔr aah len pu na n‑yoonn mɔmɔk la; m dii waageehn la, maa dii mbaa aasui aah ban pu na.

Ilahn 119:111

Saakaal le ye maawangol ki ti saa n‑yoonn mu kaa kpa ndoon na; ima le ye maapopiin.

Ilahn 119:127

M gee saakaal ki jer salmaa u bi pun u mmii ni ki nyan waajɔŋ na.

Ilahn 119:130

Saakaal aatataa tii inimbiwoln la, le ki tii maanyidam nlan.

Ilahn 119:14

M gee ke m li dii saakaal ki jer ke m li kpa liwangosakpeln.

Ilahn 119:16

Saakaal tii mi mpopiin, maan suln saakaal bɔr.

Ilahn 119:171

Saah mɔk mi saakaal na, m ga li pak si n‑yoonn mɔmɔk.

Ilahn 119:174

Uwumbɔr, m kiir buyoonn aa ga gaa mi lii na, ki ti bak a. Saakaal ponn ni le m kani mpopiin.

Ilahn 119:72

Saah tii ikaal i na kpa tinyoor tii mi ki jer dulnyaa wee ni aamombil mɔmɔk.

Ilahn 119:97

M gee saakaal sakpen a. M dakl i pu le nwiin ti lir.

Jeremia 15:16

Aa len m chee tibɔr le m pel ki ŋun ti mɔmɔk. Tidindaan Uwumbɔr Mpɔɔnsakpiindaan, m ye sin yoo la, le saabɔr tii mi mmɔɔn, ni mpopiin.

Tibɔnyaan ti Luk ŋmee ti na 24:32

Le bi bui tɔb, “Waah dii timi nsan ni ki len ti chee ki ŋeer Uwumbɔr Aagbaŋ aaliin aatataa tuk timi na, tisui aa ba piin u pu sakpen aa?”

Rom Yaab 7:18

M bee ke tiwan ni ŋan na aa bi maabimbikpok ni; m ban ke m tun lituln li ŋan na, kaa ŋmaa tun.

Tibɔkpiirkaan 11:10

Baakun pu le dulnyaa aanib ga li kpa mpopiin sakpen, ki waa liwaal, ki tii tɔb ipiin; ba pu? Uwumbɔr aabɔnabr bilee bi ŋa bi falaa na kpo a.