Nehemia 8:10 - Uwumbɔr aagbaŋ

¹⁰ Kina pu na, li chaa kun man ki ti ŋa njim ki ji. Yakr man nimi aajikaar ni ndaan ki tii binib bi kaa kpa na. Din aawiin ye chain aawiin le ki tii Uwumbɔr, nima pu na, cha nisui li piin man. Mpopiin mu Uwumbɔr tii na ga tii nimi mpɔɔn.”

Nehemia 8:10 Iomraidhean Croise

1 Bibɔrb 8:66

Winiin daal le Solomonn nan cha binib ngbaan kun. Bi mɔmɔk nan pak u, le ki kun, ki kpa mpopiin, Uwumbɔr aah nan di tinyoor ti mɔmɔk tii waatutunn David, ni waanib Israel yaab na pu.

1 Bibɔrb Aabɔr 16:27

Kipak ni nnaan aapɔɔn le mann goln u; le mpɔɔn ni mpopiin gbii Waadichal ni.

Nehemia 8:11

Liifai yaab ngbaan nan pɔɔn bibaa ki chuun sɔŋni binib ngbaan aasui, ki tuk bi ke nwiin mundaal bi chain na, bi taa cha bisui bii.

Nehemia 8:12

Kina pu le binib ngbaan mɔmɔk kun bido ki ti jin, ki nyun, ki kpa mpopiin, ki yakr baah kpa pu na tii biken; ba pu? bi bee baah karn pu tii bi na aatataa.

Esta 9:19

Nimina pu le Juu yaab bi koo itingbaan ni na ji njim, ki tii tɔb ipiin, ki kpa mpopiin, Adar aaŋmal aawiin kipiik ni inaa daal.

Esta 9:22

ba pu? iwiin ngbaan daal le Juu yaab nan nyaŋ baadim; uŋmal ngbaan le nan ye uŋmal u mpombiin ni itaakpayɔl kpaln mpopiin ni mmɔɔn na. U nan bui bi ke iwiin ngbaan daal kan, bi li ji njim ki tii tɔb tijikaar aapiin, ki tii binib bi ye bigiim na mu.

Ilahn 149:2

Israel yaab, li kpa mpopiin Uwumbɔr u nan ŋa nimi litimbol na pu; Sionn yaab, li mɔɔni Uwumbɔr u ye nimi aabɔr na pu man.

Ilahn 89:17

Aa tii timi ŋinyaŋ sakpiin, saageehm cha ti nyaŋ.

Ŋiyataŋak 17:22

Mpopiin tii si laafee la. Aa yaa kpa mpombiin n‑yoonn mɔmɔk kan, ni ye nkun mu kaan ku si mala na la.

Ulandaan 11:2

Taa joo saawangol tii lipepel libaa baanja, li tii ŋipepel mɔmɔk, ba pu? saa nyi kinimbɔŋ ki aa ga kan dulnyaa wee ni na.

Ulandaan 2:24

Tiwan ni ŋan ke unibɔn ŋa na le ye ke u ji, ki nyu, ki li mɔɔni waah tun ki kan pu na pu. Le m ki kan ke nimina mu nyan ni Uwumbɔr chee la.

Ulandaan 3:13

Ti mɔmɔk li ji ki nyu, ki li mɔɔni taah tun ki kan tiwan ni na pu. Ni ye Uwumbɔr aapiin la.

Ulandaan 5:18

Maah kan pu na sɔ: tiwan ni ŋan ke unii ŋa na le ye ke u ji ki nyu, ki li mɔɔni waah tun ki kan pu kimɔfageŋ ki Uwumbɔr di tii u na ni. Unibɔn aadoon le na.

Ulandaan 9:7

Li ji saajikaar ki li kpa mpopiin; nyu saadaan ki cha aasui li piin. Ni ŋan Uwumbɔr chee.

Solomonn Aalahn 5:1

Maabɔngeehn ni maabɔndinn, m koo maasaak ponn ni la. M bi nyani maatulalee aakpiin ni mir la; m bi ji maasiinyun ni nsiikpan la; m bi nyu maasubil aadaan ni nnaabiin la. Bɔtiib, li ji ki nyu man ki ti saa buyoonn mbɔngeehm ga gbii nimi na.

Aisaya 49:5

Waahr aan bi nin ma mi na, Uwumbɔr nan nyan mi siin; u nan ŋa mi waatutunn ke m giin ni waanib, ke m giin ni waanib Israel yaab bi yaa na. Uwumbɔr nyuŋni mi; uma le tii mi mpɔɔn.

Aisaya 61:10

Jerusalem mɔɔni Uwumbɔr aah ŋa pu tii u na pu. U gor ubaa ke usapɔɔn u ban u kun uchal do na aah gor ubaa pu pu na la. Uwumbɔr di ŋŋmarm ni linyaŋ di peen u.

Joel 2:23

Sionn aatiŋ aanib, cha nisui li piin man, li mɔɔni Nidindaan Uwumbɔr aah ŋa pu tii nimi na pu. U tii nimi kiseek ni aataal, ki ŋeer naah ban pu na; ki cha utakuutaal ni unaalantaal mu nun mbamɔm ke waah ti nu pu na.

Sekaria 14:21

Ŋikumbuu ŋimɔk bi Jerusalem ni Juda aapepel liken mɔmɔk ni na ga kpaln Uwumbɔr Mpɔɔnsakpiindaan aadoon aawan la. Binib bi toor kitork na ga li joo ŋima le ŋaani kitork aanann. N‑yoonn ngbaan yaa nan fuu ni kan, binib bi tiir kitiirk na aan ki li bi Uwumbɔr Mpɔɔnsakpiindaan Aadichal ni.

Tibɔnyaan ti Luk ŋmee ti na 11:41

Di naah kpa tiwan ni na tii bigiim, ki di nibaa mu tii bi. Ni yaa ŋa kina kan, tijɔŋ tibaa aan ki li bi ni chee.

2 Korenti 8:2

Bi nan kan falaa, ni ntɔŋ, ni igiin sakpen a. Le bi mu nan kpa mpopiin ki ti nyaŋ. Baagiin ponn ni, le bi nan kpa tibulchinn, ki tii Uwumbɔr ipiin sakpen.

Filipi 3:4

Min mbaa ba ga li kpa nsan ki ga ŋmaa len ke m ga ŋmaa ŋmar mbaa pu. Unii ubaa yaa len ke u kpa nsan ke u ga ŋmaa ŋmar ubaa pu kan, m kpa nsan ki jer u.

Tibɔkpiirkaan 11:10

Baakun pu le dulnyaa aanib ga li kpa mpopiin sakpen, ki waa liwaal, ki tii tɔb ipiin; ba pu? Uwumbɔr aabɔnabr bilee bi ŋa bi falaa na kpo a.

1 Samuel 25:8

Baa saapihkpaab, le bi ga bui si mbamɔn. Ti dan njim daal la, le David bui ke aa gaa timi mbamɔm. Ti gaŋ si ke aa tii timi saanaagbiib, ni aajɔnyaan David, saah ga ŋman pu na.”