Nehemia 7:70 - Uwumbɔr aagbaŋ

^70-72 Binib pam le nan too tiwan ki ter Uwumbɔr Aadichal aatoorn pu. Baah nan too pu na sɔ: Baayidaan nan tii salmaa kuruwaa biniin la, ni kitork aasambil piiŋmu, ni bitotoorb aawanpeenkaan mu ikui iŋmu ni piitaa. Mmaal mɔk aayidam mu nan tii salmaa kuruwaa nkub ni imonko itaa ni biniin la, ni tikunabr mu kuruwaa lichur ni ikui ilee ni piiŋmu la. Binib bi gur na mu nan tii salmaa kuruwaa nkub ni imonko itaa ni biniin la, ni tikunabr ti mu ga pii kuruwaa nkub ni imonko ilee na, ni bitotoorb aawanpeenkaan mu imonko itaa ni nilole.

Nehemia 7:70 Iomraidhean Croise

1 Bibɔrb Aabɔr 28:17

U nan ki mɔk u baah ga di salmaa ŋmeen u ŋa tijinjiir, ni ŋisambil, ni ŋibuu; ni tikunabr ni salmaa u bi ga di ŋa ŋisambil,

2 Bibɔrb Aabɔr 4:11

Huram nan ki ŋa ŋibuu, ni tiwan ni bi joo faal nfatan na, ni ŋisambil. U nan ŋa Uwumbɔr Aadichal ni aawan, ni mɔmɔk u nan puu tii Ubɔr Solomonn ke u ga ŋa na. Nima le ye: Jaatɔlk tiib bilee na. Tiwanaankaan nilee ni nan bi ke lisambil ki tok jaatɔlk tiib ngbaan pu na. Tikululn aanyɔla nyɔla tiib bi nan bi tiwanaankaan ngbaan pu na. Tikumann aasubinaankee ikui inaa ŋi bi jaatɔlk tiib aanyɔla nyɔla pu na. Tɔroku tiib kipiik na. Tisapar kipiik na. Nkin sakpiin na. Nkin ngbaan aah nan tɔk inaaja kipiik ni ilee i pu na. Ŋibuu, ni tiwan ni bi joo faal nfatan na, ni inanmoon. Huram u ye uwanŋakpaan na nan di tikumann ti joon kpal kpal na le naan tiwan ngbaan mɔmɔk, Ubɔr Solomonn aah nan tuk u pu na, ke bi li joo tun lituln Uwumbɔr Aameen Aadichal ponn ni.

Nehemia 10:1

Unii u nan puen ki ŋmee waayimbil na le nan ye Hakalia aajapɔɔn Nehemia, le Sedekia paan u pu ki ŋmee. Bimina mu le nan paan ki ŋmee:

Nehemia 7:65

Juu yaab aayidaan nan bui bi ke baan ŋmaa ji tijikaar ti bi di tii Uwumbɔr ipiin na, see utotoor u ga ŋmaa di Urim ni Tumim di ŋaŋ ti ki lik na.

Nehemia 8:9

Binib ngbaan aah ŋun Nkaal ngbaan aah ban ke bi ŋa pu na, ni nan muk bi sakpen le bi piin ki bi wii. Kina pu na, Nehemia, u nan ye baayidaan na, ni Esra, u nan ye utotoor ki mu bee Nkaal ngbaan mbamɔm na, ni Liifai yaab bi nan tuk binib ngbaan mu aatataa na bui binib ngbaan ke, “Nwiin mumina ye nwiin mu bi chain ki tii Nidindaan Uwumbɔr na la, kina pu na, ni taa wii, ki taa kpeeni mu.

Nnyam 12:22

Ni ban tifar, ki di bɔ nsin mu ni teŋ na ponn ni, aan ki di mu boon nimi aadir aabisamɔi. Ni ni nimi aabim ponn ni ubaa taa nya lipaal kinyeek kee, see kichakpiik ni.

Nnyam 24:6

Moses nan teŋ tiwakor ngbaan aasin ngem ki di ŋa ŋisambil ni, le ki di mu gur na di kpir kitork aabimbiln na pu.

Jeremia 52:19

Bi nan yoor tiwan ni mɔmɔk bi di salmaa ni tikunabr naan ni na: bi nan yoor nsambim, ni ŋisambil ŋi bi joo moor mmii na, ni ŋisambil ŋi bi joo teŋni kitork aasin na, ni nfatan aasambil, ni karyaa mam aah tɔŋni tiwan ni pu na, ni ŋisambil ŋi bi joo seer tulalee aayon na, ni ŋisambil ŋi bi joo toor ndaan aatork na.