Nehemia 7:39 - Uwumbɔr aagbaŋ

^39-42 Bitotoorb aamaal ponn ni aanib bi nan nyan ni tinaagbiir ni ki gir ni na sɔ: Jedaya, u nan ye Jesua aayaabil na aamaal ponn ni—binib ikui iwae ni imonko itaa ni kipiik ni bitaa; Imer aamaal ponn ni—binib lichur ni piiŋmu ni bilee; Pasur aamaal ponn ni—binib lichur ni ikui ilee ni imonko ilee ni bilole; Harim aamaal ponn ni—binib lichur ni kipiik ni bilole

Nehemia 7:39 Iomraidhean Croise

Esra 2:36

Bitotoorb aamaal aataŋaal i mu nan nyan ni tinaagbiir ni ki gir ni na sɔ: Jesua aayaabitiib aasaloln Jedaya aataŋaal—binib ikui iwae ni imonko itaa ni kipiik ni bitaa; Imer aataŋaal—binib lichur ni piiŋmu ni bilee; Pasur aataŋaal—binib lichur ni ikui ilee ni imonko ilee ni bilole; Harim aataŋaal—binib lichur ni kipiik ni bilole.

Nehemia 11:3

Israel aanib ngbaan, bitotoorb, ni Liifai yaab, ni Uwumbɔr Aadichal ponn ni aatutum, ni Solomonn aatutum aayaabitiib nan ti kal baatim pu, ntisakpem ni muwaatiir mu gur na ponn ni la, le ki kpa bibaa aasar ni ŋidichal. Juda aatiŋ aamaal aaninkpiib bi nan bi Jerusalem ponn ni na sɔ: