Nehemia 7:2 - Uwumbɔr aagbaŋ

² M nan ban bijab bilee le ki di siin ke bi li ye Jerusalem aayidam; bima le nan ye nna aabo Hanani, ni Hanania u ye bikikiib aaninkpel na. Hanania nan ye unii u aa ga ŋmaa mak u pu na la, ki ye unii u san Uwumbɔr naah ti sɔ na.

Nehemia 7:2 Iomraidhean Croise

Mpiin 42:18

Nwiin tatar daal, le Josef bui bi ke, “M ye unii u san Uwumbɔr na la, m mu ga siin nimi tibɔr tibaa le ki nyan nimi lii.

2 Samuel 23:3

Israel yaab Aawumbɔr le len ke, “Ubɔr u joo ibamɔn joo waanib, ki joo bi Uwumbɔr aah mɔk pu na

1 Bibɔrb 18:12

M yaa siir cha aan Uwumbɔr Aafuur Nyaan yoor si di buen ubaa aah kaa nyi nin chee na kan, m ga ŋa kinye? Le m yaa ti bui Ahab ke aa bi do aan waa nan kan si kan, ni ŋeer u ku mi la. Teer ke maah nan laa ye ubo pu na le m nan di mbaa tii Uwumbɔr ki dooni u.

1 Bibɔrb 18:3

kina pu le Ahab yin ni libɔrdichal aayidaan Obadia. Obadia nan dii Uwumbɔr ni usui mɔmɔk la,

Nehemia 1:2

Le nna aabo ubaa, bi yin u ke Hanani, nan nyan ni Juda ki fuu ni, ki joo ni bijab bibaa, le m baa bi Jerusalem aatiŋ, ni ndo yaab, Juu yaab bi nyan ni tinaagbiir ni, Babiloŋ ponn ni, ki gir ni na aabɔr.

Nehemia 13:13

M nan di utotoor Selemia, ni Sadok, u nyi Nkaal mbamɔm na, ni Liifai aanii Padaya le kaan kiir tidir ngbaan, ki lee Sakur aajapɔɔn Hanann, u aayaaja nan ye Matania na ke u li ter bi. M nan kpa gaakii ke bijab ngbaan ga di ibamɔn yakr tiwan tii baatutuŋeertiib.

Nehemia 2:8

M nan ki bui u ke u tii mi kigbaŋ m ti tii Asaf u kii ubɔr aachook na kigbaŋ ki ga cha u tii mi idɔ m ti toor kidifɔfɔk ki kii Uwumbɔr Aadichal na aajaaleŋ tiib, ni ligoln li mann goln kitiŋ ngbaan na aabisamɔi, ni mbaa aadichal li ponn ni m ga li koo na. Uwumbɔr aaŋaal aah nan paa m pu na, ubɔrkpaan ngbaan nan tii mi maah ban pu na mɔmɔk.

Nehemia 5:15

Biyidam bi mɔmɔk nan kal aan m nan paan bi pu na, nan ye limukl le ki tii binib ngbaan, ki nan gaal tikur aamombil imonko ilee le nwiin mubaa, ke baajikaar ni ndaan le na. Hali baatutum mu nan muk binib ngbaan la. Le mma aa nan ŋani kina; ba pu? m san Uwumbɔr la.

Nehemia 7:3

M nan bui bi ke bi li nyi ki taa piir ibisamɔi ngbaan kichakpinaanyeek ni see nwiin ti puu ki pɔɔk, aan ki ki piin ki laŋ i waahr aan bikikiib nin fii baatuln ni, kijook wɔb. M nan ki bui bi ke bi ban bikikiib, binib bi koo Jerusalem ponn ni na ni, ki tii bi ŋipepel ŋibaa bi li kii; ki ki ban biken mu bi li manni baadichal chee.

Job Aagbaŋ 1:1

Uja ubaa nan bi Us aatiŋ ni, bi nan yin u ke Job. Job nan dooni Uwumbɔr le ki dii u mbamɔm. U nan ye uninyaan, le kaa gee titunwanbir aatuln.

Ilahn 101:6

M ga kii tii binib bi kii tii Uwumbɔr na ki cha bi li koo maabɔrchiln ni. Binib bi kaa kpa taani na ga li kpa nsan ki tun maatuln.

Nnyam 18:21

Tɔ, tiwan ni kpee na sɔ, pɔɔn aabaa ki nyan bijab bi ga ŋmaa joo biken na, ki tii bi nsaloln aatuln bi li joo biken: bisalolm ngbaan bibaa li lik lichur lichur, bibaa mu li lik nkub nkub, bibaa mu li lik piiŋmu piiŋmu, bibaa mu li lik kipiik kipiik aanib. Cha binib ngbaan li ye binib bi san Uwumbɔr ijawaan ki tun lituln mbamɔm, kaan li gaal igaŋgaŋlik na.

Daniel 6:4

Le uŋeen aatɔtiib na, ni biyidam na nan ban isan ke bi bii u waah joo nnaan ngbaan pu na, kaa ŋmaa kan nsan mu pu bi ga di bii u na; ba pu? Daniel nan tun waatuln ni ibamɔn la, kaa kpa beebee.

Nkahm 12:7

Maah len maatutunn Moses chee tibɔr pu na, ni bi nibaa; min le nyan u ke u li lik maanib Israel yaab mɔmɔk.

Matiu 24:45

“Uyidaan ubaa yaa tii waatutunn ubaa tininkpir ke u li lik waachiln ni aanib ki tii bi tijikaar naah ŋeer buyoonn na kan, ututunn ngbaan ga ŋa kinye ki li kpa nlan, ki li tun waatuln mbamɔm?

Matiu 25:21

Le udindaan bui u, ‘Nfaan, aa ye ututunn la, ki tun lituln mbamɔm. Maah nan tii si tiwan ni siib na, aa joo ni mbamɔm. M ga ŋa si tiwan sakpenn aaninkpel. Ji maamɔɔn.’

1 Korenti 4:2

Bi yaa di tiwan ŋa unii aaŋaal ni kan, ni ŋan ke u ŋa ni mbamɔm.

2 Timoti 2:2

Aa nan ŋun Uwumbɔr aabɔr m chee kinipaak aanimbil ni. Di tibɔr ngbaan ŋa bijab bi bi mbamɔm ki ga ŋmaa tuk biken na aaŋaal ni.