Nehemia 6:14 - Uwumbɔr aagbaŋ

¹⁴ Le m mee Uwumbɔr ke, “Uwumbɔr, teer Tobia ni Sanbalat aah tun pu na ki daa bitafal. Teer upii u bi yin u ke Noadia na, ni bibɔnabr bi mɔmɔk pɔɔn bibaa ke bi faan mi na, ki daa bi mu aatafal.”

Nehemia 6:14 Iomraidhean Croise

Nehemia 13:29

Uwumbɔr, teer binib ngbaan aah nan bii bitotoorb aatuln, ni tipuur ti aa nan puu ki tii bitotoorb ni Liifai yaab na.

Nehemia 5:19

Le m mee Uwumbɔr ke, “Uwumbɔr, teer mbɔr, ki ŋa tinyoor ŋa m pu, maah tun nimɔk tii binib bee na.”

Ilahn 137:7

Uwumbɔr, teer Edom yaab aah nan ŋa pu nwiin mundaal bidim nan nyaŋ Jerusalem na. Teer baah nan len kpakpaayuk pu na ke, “Ber ki bil kitiŋ man.”

Ilahn 22:1

Maawumbɔr, Maawumbɔr, ba pu aa siir cha mi? M wii sakpen ki ban nterm, le mu aa kee choo.

Ilahn 63:1

Uwumbɔr, sin le ye Maawumbɔr, le m neen si. Nsui, ni nwon mɔmɔk ban si ke kitiŋ ki kuur, ki laa itiween, kaa kpa nnyun na aah ban nnyun pu na la.

Nnyam 15:20

Uwumbɔr aabɔnabpii Miriam, u ye Aaronn aaninkpan na nan yoor waachayakrtuun, le bipiib mɔmɔk mu yoor baachayakrtuun ki dii u ki waa liwaal,

Jeremia 14:15

Min Uwumbɔr bui si tiwan ni m ga ŋa bibɔnabr bi maa nan tun bi aan bi di maayimbil len ke butɔb ni nkon aan dan kitiŋ kee pu na, m ga di butɔb ni nkon le ku bi.

Jeremia 14:18

M yaa nyan buen timoor ni kan, m kani binib bi bi ku bi butɔb ni na la; m yaa buen ntim ni kan, m kani nkon aah ku binib bi na la. Uwumbɔr aabɔnabtiib ni bitotoorb chuun tun baatun, le kaa tee nyi baah bi ŋani pu na.”

Jeremia 28:1

Libinbaal ngbaan ponn ni, Sedekia aah nan ye ubɔr pu na aabinanar aaŋmaŋmu ni, le Asur aajapɔɔn Hanania u nan ye ubɔnabr Gibeonn aatiŋ ni na nan len m chee tibɔr Uwumbɔr Aadichal ni.

Jeremia 28:10

Le Hanania chuu inaaja aadɔ i lee nsil na ki kool kool i yuk yuk,

Jeremia 28:15

Le m bui Hanania kina, le ki ki len ke, “Hanania, li pel. Uwumbɔr aa nan tun ni si, le aa cha binib ngbaan gaal saanyamɔn ngbaan.

Matiu 24:11

Le binib bi ŋmanni ke bi ye Uwumbɔr aabɔnabtiib na ga li wiir ki ŋmanni binib pam.

Matiu 24:24

Ba pu? biŋmaŋmannim ga li bi. Bibaa ga bui ke bi ye Kristo ngbaan la. Biken mu ga bui ke bi ye Uwumbɔr aabɔnabtiib la. Le bi ga tun lijinjiir aatun pam, ki ŋmann binib. Hali, bi ga pɔɔn bibaa ke bi ti ŋmann binib bi Uwumbɔr nyan bi na.

Matiu 7:15

“Ni li nyi binyamɔndam bi ŋmanni ke bi ye Uwumbɔr aabɔnabr na. Bi ŋmanni ke bi ye ipiih, le ki tee ye ŋisapol ŋi ga bii nimi na.

2 Timoti 3:8

Janes ni Jamberes aah nan kpak Moses kinikpakpak na, bijab ngbaan mu kpak Uwumbɔr aabɔr kina la. Bi dak ilandak i kaa ŋan na, kaa tii Yesu naadii.

1 Jɔnn 5:16

Unii yaa kan una aabo tun titunwanbir ti kaan cha u kpo na kan, u ga mee Uwumbɔr tii u. Le Uwumbɔr ga tii u limɔfal. Binib bi tun titunwanbir ti kaan cha bi kpo na, Uwumbɔr ga tii bi limɔfal. Le titunwanbir ti cha binib kpo na mu bi. Maa len ke ni li mee Uwumbɔr tii binib bi tun titunwanbir ngbaan na.

Tibɔkpiirkaan 19:20

Le u chuu upeel ngbaan, ni waabɔnabr u nan tun lijinjiir aatun unimbiin ni ki ŋmanni binib bi nan gaa upeel ngbaan aadaan ki dii waawaal na. Bi nan chuu upeel ngbaan ni waabɔnabr ngbaan ki di ŋa chirbil aamii sakpiin ni, bifuub.