Nehemia 5:9 - Uwumbɔr aagbaŋ

⁹ Le m ki bui bi ke, “Naah ŋani pu na aa ŋan. Ni ba ga li san Uwumbɔr ki ŋa ni ŋan na. Nima kan, timi aadim bi kaa ye Juu yaab na aan ŋmaa kan nsan ki ŋa timi mbɔnyun.

Nehemia 5:9 Iomraidhean Croise

Mpiin 20:11

Abraham nan giin bui u ke, “M dak ke ubaa aa bi do ki san Uwumbɔr, le nibaakan bi ga ku mi ki gaa mpuu, nima pu le m bui ke u ye nninkpan la.

Mpiin 42:18

Nwiin tatar daal, le Josef bui bi ke, “M ye unii u san Uwumbɔr na la, m mu ga siin nimi tibɔr tibaa le ki nyan nimi lii.

2 Samuel 12:14

Saah tee lik seen Uwumbɔr pu ki ŋa kina na, saabo ga kpo.”

Nehemia 4:4

Le m mee Uwumbɔr ke, “Uwumbɔr, li pel baah ŋani timi mbɔnyun pu na. Cha baabɔnyun ngbaan gir kan bi. Cha bi lann baah kpa tiwan ni mɔmɔk na, ki cha bi kpaln biyom kitiyayaŋ ponn ni.

Nehemia 5:10

M cha binib pinn m chee ŋimombil ni tijikaar, le ŋŋeen aatɔtiib ni bijab bi tun m chee lituln na mu ŋa kina. Kina pu na, ti taa ki gaa taah pinn bi tiwan ni na man.

Nehemia 5:15

Biyidam bi mɔmɔk nan kal aan m nan paan bi pu na, nan ye limukl le ki tii binib ngbaan, ki nan gaal tikur aamombil imonko ilee le nwiin mubaa, ke baajikaar ni ndaan le na. Hali baatutum mu nan muk binib ngbaan la. Le mma aa nan ŋani kina; ba pu? m san Uwumbɔr la.

Ilahn 90:11

Ŋma kee kan saaŋuul aapɔɔn mbamɔm? Ŋma nyi saaŋuusakpeln aah ga joo ni ijawaan i na.

Ŋiyataŋak 16:29

Binib bi aabimbin pɔɔ na ŋmanni bijɔtiib le ki joo bi kooni tibɔbir ni.

Ŋiyataŋak 17:26

Naa ŋan ke aa cha unii u kaa kpa taani na pa libɔkpol aapɔln; aa yaa daa uninyaan aatafal kan, aa yii ibamɔn le na.

Ŋiyataŋak 18:5

Naa ŋan ke aa kpee unii u jin libɔkpol na pu, ki cha unii u aabɔr ŋan na lann waabamɔn.

Ŋiyataŋak 19:2

Nlan yaa kaa bi unimandaan chee kan, ni ye fam la; aa yaa ŋani tiwan kaa chur aabaa kan, ni joo si kooni tibɔr ni la.

Ŋiyataŋak 24:23

Bilandam le ki len tibɔr timina mu: Naa ŋan ke ubɔjir li kpa imaagann.

Esekiel 36:20

Baah nan buen nin chee mɔmɔk na, bi nan jinn maayimbil li bi chain na inimɔɔn la; ba pu? binib nan len le ke, ‘Uwumbɔr aanib sɔ, tɔ, ni nan ŋa ke bi nya waatiŋ ni.’

Liifai Yaab 25:36

Ni li san Uwumbɔr ijawaan ki taa cha u pa tiwan ki jer saah pinn pu tii u na, aan nima kan, u ga ŋmaa li koo ni chee.

Lituln 9:31

Nima pu na, Yesu aanib bi nan bi Judea aatim ni, ni Galilee aatim ni, ni Samaria aatim ni na nan gaa bibaa. Unii ubaa aa ki muk bi. Le bi moo bae Tidindaan aaliin n‑yoonn mɔmɔk, ki pak u. Le Uwumbɔr Aafuur Nyaan ter bi, ki cha binib moo kpee bi pu.

Rom Yaab 2:24

Ni ŋmee Uwumbɔr Aagbaŋ ponn ni ke, “Nimi Juu yaab aah ŋani titunwanbir pu na, nima le cha binib bi kaa ye Juu yaab na len Uwumbɔr tibɔbir.”

1 Timoti 5:14

M ban ke bikpopiib bi kaa por na mɔn tichal, ki maa mbim, ki li lik baachiln ni aabɔr, ki taa tii timi aadim nsan ke bi galn timi.

Taitus 2:5

ki li kpa laasaab, ki taa gɔr kidagook, ki li lik lichiln ni aatuln mbamɔm, ki li kpa tibulchinn, ki li keei bichatiib aamɔi, aan ubaa taa bii Uwumbɔr aabɔr.

1 Piita 2:12

Ni bi binib bi kaa dii Uwumbɔr aasan na aakaasisik ni la. Ni li tun lituln li ŋan na bi chee. Le bi yaa bii nimi ke ni ye bakadam kan, nimi aatunyaan chee bi ga kan ke ni ŋan. Nima le ga cha bi nyuŋ Uwumbɔr bundaln u ga ji binib tibɔr na.

1 Samuel 2:24

Njapɔtiib, di cha man ni. Tiwan ni Uwumbɔr aanib len naabɔr na aa ŋan kpala.