Nehemia 5:4 - Uwumbɔr aagbaŋ

⁴ Le biken mu ki len ke, “Ti pinni ŋimombil le ki pa timi aakpaakon, ni ŋisubil aasar aalampoo pu.

Nehemia 5:4 Iomraidhean Croise

Esra 4:13

Mpɔɔndaan, bi yaa ki gir maa kitiŋ ngbaan ni kaagon kan, binib ngbaan ga yii, kaan ki pa lampoo, le nnaan ni aamombil ga bar.

Esra 4:20

Bibɔrb bi kpa mpɔɔn sakpen na nan joo Jerusalem ni Yufrates aamɔɔl aawilir aapepel mɔmɔk, ki gaal lampoo ni ŋimombil,

Esra 7:24

Aa taa gaa bitotoorb, ni Liifai yaab, ni biwangbaab ni bilahngaab, ni bikikiib, ni bitutum, ni unii umɔk tun Uwumbɔr Aadichal ni aatuln na ubaa lampoo.

Nehemia 5:3

Le biken mu len ke, “Ti gur joo timi aakpaakon, ni ŋisubil aasar, ni timi aadichal le siini lipɔln pu ki kani tijikaar ti ga nyan timi likpasiil ponn ni na.”

Nehemia 9:37

Bibɔrb bi aa cha bi joo timi, timi aatunwanbir pu na le gaal kitiŋ ngbaan aah ŋani tijikaar ti na. Bi ŋani timi, ni timi aawakor baah gee pu na la, le ni bii tisui sakpen.”

Ŋiyataŋak 22:7

Bigiim le ye biwankpadam aanaagbiib. Pinn unii chee ŋimombil ki kpaln udaan aanaagbiija.

Josua 16:10

Baa nan jenn nyan Kanaann yaab bi nan bi Geser aatiŋ ponn ni na, kina pu na, Kanaann yaab ngbaan kpaan bi Efraim yaab chee le ki nan saa din, bi nan tee muk bi ke bi li tun lituln ke binaagbiib na.