Nehemia 5:2 - Uwumbɔr aagbaŋ

² Bibaa nan len ke, “Ti kpa ŋidichal ŋi wiir na la, le ki ban tijikaar ti kpiin tibaa.”

Nehemia 5:2 Iomraidhean Croise

Mpiin 41:57

Binib nan nyan ni ntim mɔmɔk ni, ki dan Ijipt ni, bi nan daa tijikaar Josef chee; ba pu? nkon ngbaan nan pɔɔ, ni kookoo, ki ti nyaŋ.

Mpiin 42:2

M ŋun ke tijikaar bi Ijipt aatiŋ ni. Buen ki ti daa ni man aan ti taa kpo nkon.”

Mpiin 43:8

Le Juda bui ute ke, “Cha u dii mi, aan ti nya mala ki buen, ki ti joo ni tijikaar ki taa kpo nkon.

Mpiin 47:19

Taa cha ti kpo nkon, aan timi aakpaakon doon nkuun. Ter timi. Ti ga di tibaa ni timi aakpaakon ki di kpeln si tijikaar. Ti kii ke ti ga ŋa ubɔr aanaagbiib aan u li yeh timi aakpaakon. Tii timi tijikaar ti ji aan ki taa kpo nkon, ki tii timi njikaabim ti bu.”

2 Bibɔrb 4:1

Ukpopii u nan ye Uwumbɔr aabɔnabr bibaa ponn ni ubaa aapuu na nan buen Elaisa chee ki ti bui u ke, “Uninkpel, nchal kpo a. Aa nyi ke u nan ye unii u san Uwumbɔr na la. Tɔ, u nan joo uja ubaa aapɔln, le u dan ke u nan yoor njapɔtiib bilee na ti teen lipɔln ngbaan, aan bi ti li ye waanaagbiib.”

Nehemia 5:3

Le biken mu len ke, “Ti gur joo timi aakpaakon, ni ŋisubil aasar, ni timi aadichal le siini lipɔln pu ki kani tijikaar ti ga nyan timi likpasiil ponn ni na.”

Hagai 1:6

Ni bun njikaabim pam, le ki tee nan chee njikaabim pɔkaa kina. Ni kpa tijikaar ni ji, le ki mu aa babr. Ni kpa ndaan ni nyu, le mu aa tee gbii nimi. Ni kpa tiwanpeenkaan, le ni mu aa leer nimi tiwoor. Bijab bi tun lituln ki gaal lipal na aapal aa fuur bi.

Malakai 2:2

Ni li nyuŋni mi nimi aatun mɔmɔk ni. Ni yaa kaa pel maah len pu na kan, m ga puun lii ni pu. M ga puun lii baah tii nimi tiwan ni na pu. Mbamɔn, naah kaa joo maakaal mbamɔm pu na, m puen puun lii ni pu a.

Ikaal 23:19

“Ni yaa pinn ŋimombil, bee tijikaar, bee tiwan nibaa tii niŋeen aatɔ Israel aanii kan, ni taa li ban tinyoor ki bui ke u pa paan.