Nehemia 4:10 - Uwumbɔr aagbaŋ

¹⁰ Juda aanib nan gaa nlahn ke: “Ti tun ŋitun ki ti bak. Tibir pam le dɔ ke ti yoor ti mee. Ti ga ŋa kinye aan ki maa ligoln ngbaan din wee?”

Nehemia 4:10 Iomraidhean Croise

2 Bibɔrb Aabɔr 2:18

U nan nyan bi ponn ni bijab ŋichur imonko itaa ni kipiik ke bi li chuun tui ni lidichal ngbaan aawan, ni bijab ŋichur imonko inaa ke bi kpii ŋitakpal ŋijoo ni, le ki di bijab ŋichur ŋitaa ni ikui iloob ŋa bininkpiib bi lik baatuln na.

2 Bibɔrb Aabɔr 34:13

Liifai yaab biken le lik binib bi joo ni tidimaawan na, ki ki lik binib bi tun ŋitun ŋiken aabɔŋ na pu, le biken mu ŋmee ŋitun ni tibɔr aabɔŋ bilni, bee ki tun bikikiib aatuln.

Nehemia 4:11

Timi aadim nan dak ke bi yaa choo bi nan ku timi aan ki cha timi aatuln ngbaan sil kan, taan kan bi, kaan li nyi mu, aan bi nan kpaan gob timi.

Nehemia 4:2

U nan sil uŋeen aatɔtiib ni Samaria aajab aanimbiin ni ki len ke, “Juu yaab, bifalaadam bee, dak ke bi bi ŋani ba na? Bi ŋa nlandak ke bi ki gir maa kitiŋ ngbaan aa? Bi dak ke baah toor kitork ki na ga ŋmaa cha bi doo lituln ngbaan liwinbaal la aa? Bi ga ŋmaa di ŋilangbentanjal ŋi ber ki dɔ ki wun mmii na maa aa?”

Nehemia 4:9

Le ti mee timi Aawumbɔr, ki ban bijab kaan kiir kinyeek ni nwiin pu.

Esekiel 29:18

“Unibɔn, Babiloŋ Aabɔr Nebukadnesar fii sil ki tak Taya aatiŋ. U cha waajab tun ŋitun ŋi nyuun sakpen na le biyikpir ti gui, le bibɔgbin mu puun puun, tɔ, ubɔr ngbaan ni waajab mɔmɔk aa kan nibaa nimina pu.

Hagai 1:2

Uwumbɔr Mpɔɔnsakpiindaan nan bui Hagai ke, “Binib bee bui ke n‑yoonn mumina aa ye n‑yoonn mu ŋan ke ti ki gir di maa Uwumbɔr Aadichal na.”

Nkahm 13:31

Le binib bi nan dii Kaleb buen na bui ke, “Aayii, taa kpa mpɔɔn ki ŋeer ti tak bi; binib bi koo nima na kpa mpɔɔn jer timi.”

Nkahm 32:9

Bi nan buen ki ti fuu Eskol Aafataŋ ni, ki kan kitiŋ ngbaan. Baah gir ni na, le bi yɔl binib ngbaan aataakpab ke bi taa koo Uwumbɔr aah puu ke u ga di kitiŋ ki tii bi na ni.