Nehemia 3:16 - Uwumbɔr aagbaŋ

¹⁶ Asbuk aajapɔɔn Nehemia u ye Bef Sur Aapepel libaa aaninkpel na, le nan maa ligeln li paa na, ki ti saa David aakaakul chee, ni kibukpiik, ni butɔb aajab do chee.

Nehemia 3:16 Iomraidhean Croise

2 Bibɔrb 20:20

Ubɔr Hesekia aah nan ki tun ŋitun ŋi mɔmɔk na, ni waajakaan, ni waah nan gbii limɔɔl li na, ki gbii nnyunsan mu ke nnyun li diir koo ni kitiŋ ponn ni na mɔmɔk bi Juda Aabɔrb Aatun Aagbaŋ ni la.

1 Bibɔrb Aabɔr 2:45

le u mu ma Maonn. Le Maonn mu ma Bef Sur.

2 Bibɔrb Aabɔr 11:7

ni Bef Sur, ni Soko, ni Adulam,

2 Bibɔrb Aabɔr 16:14

le bi di u sub waah nan lukr kitakpaluŋ ki kiir ubaa, David Aatiŋ ponn ni na ni. Bi nan di nnyɔknii ni nkpan mu nun mɔ na le toor uwon ki nin sub u. Bi nan see mmii sakpiin le ki di wii waakpuul.

Nehemia 2:14

Maah ti fuu liwipuul wɔb na, le m fenn toŋ ŋŋangan wɔb ki ti saa Nnyunbun Aabisamɔb chee, ni kibukpiik ki bi yin ki ke Ubɔr Aabukpiik na chee. Le ŋigon aah nan lir ki gaa nsan pu na, ubon u m nan dik u pu na aa nan ki kan nsan u jer nima;

Nehemia 3:12

Halohes aajapɔɔn Salum, u ye Jerusalem aageln li gur na aaninkpel na, mu le nan maa ligeln li paa na. Ubisatiib le nan ter u lituln ngbaan ni.

Nehemia 3:14

Rekab aajapɔɔn Malkija, u ye Bef Hakerem aapepel aaninkpel na mu le nan toor Litapuln Aabisamɔb. U nan ŋa mu, le ki ŋa tikur ti bi ga li joo laŋni na mu.

Nehemia 3:17

Binib bimina le nan ye Liifai yaab bi nan maa ligoln ngbaan aagen ŋibaa ŋi gur ki paa na: Bani aajapɔɔn Rehum le nan puen maa ligeln li paa na. Le Hasabia, u ye Keila Aapepel libaa aaninkpel na, mu nan maa ligeln li paa na tii waapepel aanib:

Nehemia 3:9

Hur aajapɔɔn Refaya, u nan ye Jerusalem aageln libaa aaninkpel na, mu le nan maa ligeln li paa na.

Ulandaan 2:6

M nan gbii ŋimɔɔ ke nnyun li puu chaa tisar ngbaan ni.

Solomonn Aalahn 3:7

Solomonn, le bi tu u waabɔrjal pu choo; Israel aajab bi nyi butɔb aabɔr mbamɔm ki ye bijab bi kii u na ponn ni imonko itaa le dii u.

Aisaya 22:11

ni gbii limɔɔl bil kitiŋ ngbaan ponn ni ke ni chuu nnyun mu nyan ni kibukpiik kpok na ni, kaa tee dak Uwumbɔr u kpokl tibɔbir timina mɔmɔk n‑yoonn mu jer na ki cha ti ŋa kina na ma bɔr.

Aisaya 22:9

ni kan nin chee Jerusalem aagon ban ntoorm na; ni lik Jerusalem aadichal mɔmɔk, ki gbaa wii ŋibaa, ki nyan ŋitakpal ke ni di toor ŋigon ngbaan,

Aisaya 7:3

Le Uwumbɔr bui Aisaya ke, “Yoor aajapɔɔn Sear Jasub, ki ti tooh ubɔrkpaan Ahas nsan ni. Aa ga ti kan u nin chee bikpaluub tun baatuln na, nnyunsan mu joo ni nnyun ki nyan ni paacham aabukpiik ni na.

Lituln 2:29

Le Piita ki len ke, “Nnaabitiib, m ban m tuk nimi tiyaaja David aabɔr chain la. U nan kpo, le bi sub u. Din pu na, waakaakul bi do.

Josua 15:58

Ntim mu nan ki bi na le nan ye Halul, ni Bef Sur, ni Gedor,