Nehemia 3:15 - Uwumbɔr aagbaŋ

¹⁵ Kolhose aajapɔɔn Salum, u ye Mispa Aapepel aaninkpel na, mu le nan ki gir maa mbisamɔb mu bi yin mu ke Nnyunbun Aabisamɔb na. U nan toor mbisamɔb ngbaan ki ŋa jaaleŋ, ni tikur ti bi ga li joo laŋni na. Waah ti fuu Sela Aabukpiik chee na, u nan maa ligoln li paa libɔrchiln aakpifar aasaak pu na, ki ti saa ŋibimbin ŋi sunn nyan ni David Aatiŋ ni na.

Nehemia 3:15 Iomraidhean Croise

2 Samuel 5:9

David nyaŋ baapɔɔn aatiŋ ngbaan, le ki koo ki ponn ni ki yin ki ke “David Aatiŋ.” U nan piin liwipuul wɔb, nin chee kitiŋ dɔ ligongoln ngbaan pu na, le ki maa mann goln kitiŋ ngbaan pu ki kpee.

2 Bibɔrb 25:4

le bi nan tur kitiŋ ngbaan aagon lir. Tɔ, Babiloŋ aajab nan gob kitiŋ ngbaan ti to, Juda aajab mu nan ti loon san kinyeek ki ŋmar. Bi nan dii libɔrdichal aasaak aasan la, le ki dii mbisamɔb mu bi ŋigon ŋilee ngbaan aakaasisik ni na, le ki di toŋ Jɔɔdann Aafataŋ wɔb.

2 Bibɔrb Aabɔr 32:30

Ubɔr Hesekia le nan ŋa nkool kiir Gihonn aayayak aanyunbun na aasan, ki jee nnyunsan ki cha mu puu ti koo libuul libaa ni, Jerusalem ponn ni. Hesekia nan kan linyaŋ waatuln mɔmɔk ni,

Nehemia 12:37

Baah nan ti fuu mbisamɔb mu bi yin mu ke Uyayak Aabisamɔb chee na, le bi jon ŋibimbin ŋi cha David Aatiŋ ni na, ki jer David aabɔrnaakook, le ki ti ki tɔŋ ligoln ngbaan paab Nnyun Aabisamɔb chee, mu bi liwipuul wɔb kitiŋ ngbaan pu na.

Nehemia 2:14

Maah ti fuu liwipuul wɔb na, le m fenn toŋ ŋŋangan wɔb ki ti saa Nnyunbun Aabisamɔb chee, ni kibukpiik ki bi yin ki ke Ubɔr Aabukpiik na chee. Le ŋigon aah nan lir ki gaa nsan pu na, ubon u m nan dik u pu na aa nan ki kan nsan u jer nima;

Nehemia 2:17

Le m nin bui bi ke, “Jerusalem aah bii doo pu na, ni mɔmɔk kan taah bi tibɔr ti ponn ni na. Cha man ti ki gir maa kitiŋ ngbaan aagon man, aan timi aanimɔɔn yee doo.”

Nehemia 3:12

Halohes aajapɔɔn Salum, u ye Jerusalem aageln li gur na aaninkpel na, mu le nan maa ligeln li paa na. Ubisatiib le nan ter u lituln ngbaan ni.

Nehemia 3:14

Rekab aajapɔɔn Malkija, u ye Bef Hakerem aapepel aaninkpel na mu le nan toor Litapuln Aabisamɔb. U nan ŋa mu, le ki ŋa tikur ti bi ga li joo laŋni na mu.

Nehemia 3:19

Jesua aajapɔɔn Eser, u ye Mispa aaninkpel na mu le nan maa ligeln li bi tijawan aadiik chee na, ki ti saa ligoln ngbaan aah fenn nin chee na:

Nehemia 3:7

Melatia u ye Gibeonn aatiŋ aanii na, ni Jadonn u mu ye Meronof aatiŋ aanii na, ni Gibeonn ni Mispa aajab mu le nan maa ligeln li paa na, ki ti saa Yufrates aamɔɔl aawilir wɔb aapepel aayidaan aadichal chee.

Nehemia 3:9

Hur aajapɔɔn Refaya, u nan ye Jerusalem aageln libaa aaninkpel na, mu le nan maa ligeln li paa na.

Ulandaan 2:6

M nan gbii ŋimɔɔ ke nnyun li puu chaa tisar ngbaan ni.

Aisaya 8:6

U bui ke, “Binib ngbaan aah yii Siloa aabunbik ki puu suuna, ki tee san ubɔrkpaan Resinn ni ubɔrkpaan Peka na,

Jeremia 40:6

M nan buen Mispa aatiŋ ni, le ki ti koo Gedalia ni binib bi gur kitiŋ ngbaan pu na ni chee.

Tibɔnyaan ti Luk ŋmee ti na 13:4

Tɔ, libimbifɔfɔŋ aah nan lir ki ku bijab kipiik ni biniin Siloam aatiŋ ni na, ni dak ke bi nan kpa taani ki jer Jerusalem aanib mɔmɔk aa?

Jɔnn 9:7

ki bui u, “Li cha ki ti finn aanimbil nnyunbun mu bi yin mu ke Siloam na ni.” Siloam aatataa le ye ke “Bi tun u.” Le ujoon ngbaan buen ti finn unimbil, le unimbil likr, le u gir ni.

Bibɔjirb 20:1

Israel aanib mɔmɔk bi nan ye Dann aanibol yaab ki bi ŋŋangan wɔb na, ki ti saa Beerseba aatiŋ ki bi ŋŋangii wɔb na, ki yoor kina ki nyan Gilead aatiŋ ni liwipuul wɔb mɔmɔk nan kii n‑yim ngbaan. Bi mɔmɔk nan kuun ti ŋa unibaan Uwumbɔr aanimbiin ni, Mispa aatiŋ ni.

Bibɔjirb 20:3

Tɔ, Benjaminn aanibol mu nan ŋun ke Israel yaab biken na mɔmɔk kuun Mispa aatiŋ ni. Israel yaab ngbaan nan len ke, “Tuk timi libiil ngbaan aah nan ŋa pu ki ti bii na.”