Nehemia 3:1 - Uwumbɔr aagbaŋ

¹ Kina le bi nan ki gir maa Jerusalem aagoln: Eliasib u ye utotoorninkpel na, ni bitotoorb biken le nan maa mbisamɔb mu bi yin mu ke Ipiih Aabisamɔb na, ki di mu tii Uwumbɔr, ki di mu aajaaleŋ laŋ. Bi nan di ligoln ngbaan mu ki nyan mbisamɔb ngbaan chee ki ti saa bikikiib aadifɔfɔk ki bi yin ki ke Nkub Aadifɔfɔk na, ni ki mu bi yin ki ke Hananel Aadifɔfɔk na mu tii Uwumbɔr.

Nehemia 3:1 Iomraidhean Croise

Nehemia 12:10

Josua le nan ma Joyakim; le Joyakim mu ma Eliasib; le Eliasib mu ma Joyada;

Nehemia 12:30

Bitotoorb ni Liifai yaab nan toor kitork ki nyan bibaa ni binib ngbaan aatunwanbir, le ki ŋa ibisamɔi ni kitiŋ aagoln ngbaan chain.

Nehemia 12:39

ki nyan nima ki ti jer Efraim Aabisamɔb, ni Jesana Aabisamɔb, ni Ijan Aabisamɔb, ni Hananel Aadifɔfɔk, ni Nkub Aadifɔfɔk, ki ti saa Ipiih Aabisamɔb. Ti nan ti doo timi aasachuln ngbaan Uwumbɔr Aadichal aabisamɔb chee la.

Nehemia 13:28

Joyada aate le nan ye utotoorninkpel Eliasib, le Joyada aajapɔɔn ubaa nan tee yoor Sanbalat, u nyan Bef Horonn aatiŋ ponn ni na aabisal. Nima pu le m jenn nyan Joyada Jerusalem ponn ni.

Nehemia 13:4

Eliasib u ye utotoor, ki nan ye Uwumbɔr Aadichal aadir ti bi joo tijikaar ni tiwan niken siini na aaninkpel na, ni Tobia nan ye tɔb jɔtiib la. Baajɔtiik nan yunn.

Nehemia 3:20

Sabai aajapɔɔn Baruk mu le nan maa ligeln li paa na, ki yoor ti saa Utotoorninkpel Eliasib aadichal aabisamɔb chee:

Nehemia 3:21

Hakos aayaabil Uria aajapɔɔn Meremof mu le nan maa ligeln li paa na, ki nyan nima ki ti saa Eliasib aadichal aah ti doo nin chee na.

Nehemia 3:32

Salmaa aachaab, ni binib bi tiir kitiirk na mu le nan maa ligeln li gur na, ki nyan kidiik ki bi kilɔlɔŋ ni na chee na ki di ti saa mbisamɔb mu bi yin mu ke Ipiih Aabisamɔb na.

Nehemia 6:1

Sanbalat, ni Tobia, ni Gesem, ni timi aadim bi gur na ŋun ke ti ki gir maa ligoln ngbaan doo, le nibaa chee aa gur, ki mu aa nan kee di ibisamɔi aajaaleŋ tiib piin.

Nehemia 7:1

Taah maa ligoln ngbaan doo na, le ti di ibisamɔi aajaaleŋ tiib piin, le ki ban Uwumbɔr Aadichal aakikiib kaan, ki kan Lidichal ngbaan ni aalahngaab mu, ki tii Liifai yaab mu baatun.

Ilahn 30:1

Uwumbɔr, m pak si, ba pu? aa gaa mi lii, kaa cha maadin aasui piir m pu.

Ilahn 48:12

Uwumbɔr aanib, chuun mann Sionn aatiŋ man, ki kahn kaadifɔfɔŋ ngbaan;

Ŋiyataŋak 3:6

Teer Uwumbɔr bɔr, saatuln mɔmɔk ni, le u ga mɔk si nsanyaan.

Ŋiyataŋak 3:9

Di saajikaar ti ŋan na tii Uwumbɔr ipiin ki li pak u.

Jeremia 31:38

Uwumbɔr ki len ke, “N‑yoonn choo, le bi ga ki gir maa Jerusalem pel pel ke maatiŋ, ki nya Hananel aadifɔfɔk ki bi mbisamɔb mu bi yin mu ke Kilɔlɔŋ ni Aabisamɔb na aawilir wɔb na.

Daniel 9:25

Chuu tibɔr timina ki bee taatataa: Ki nyan n‑yoonn mu bi ga lii bumɔb ke bi ki gir maa Jerusalem aatiŋ na, ki ti saa buyoonn Uwumbɔr aah lee usaloln u na fuu ni na, ga li ye ŋibin ŋilole nfum mulole pu la. Bi ga ki gir maa Jerusalem aatiŋ, le isan ga li bi ki ponn ni, le ki li kpa tiwan ni kiir ki aan ki pɔɔ na; le ki ga sil ki ti saa ŋibin imonko itaa ni ŋilee nfum mulole pu; n‑yoonn ngbaan tee ga li ye tibɔbir aayoonn la.

Sekaria 14:10

Lipepel ngbaan mɔmɔk ni, ki nya Geba aatiŋ ki bi ŋŋangan wɔb na, ki ti saa Rimonn aatiŋ ki bi ŋŋangii wɔb na ga ŋa taar. Kitiŋ ki mann Jerusalem ki ti ton na ga li waa ki. Kitiŋ ngbaan ga nya mbisamɔb mu bi yin mu ke Benjaminn Aabisamɔb na, ki ti saa mu bi yin mu ke Kilɔlɔŋ ni Aabisamɔb, nin chee mbisamɔb nan puen bi na, ki nya Hananel Aakikiib Aadifɔfɔk na chee ki ti saa libɔrchiln ni aasubil aadaan aabuu aah bi nin chee na.

Jɔnn 5:2

Jerusalem ponn ni le nnyunbun mu waa na bi ipiih aabisamɔb chee. Juu yaab aaliin ponn ni bi yin nnyunbun ngbaan ke Betsata. Tinaamboln tiŋmu nan si gob nnyunbun ngbaan.

Ikaal 20:5

“Biyidam mu ga len bijab ngbaan chee tibɔr, ki baa bi ke, ‘Ŋma bi do ki laa maa waadichal, kaa kee di li tii Uwumbɔr? Kina aanii yaa ŋmal ni ponn ni kan, u li chaa kun. Nibaakan, u yaa ti bee butɔb ni kan, uniyayan le ga gaa waadichal ngbaan.