Nehemia 2:8 - Uwumbɔr aagbaŋ

⁸ M nan ki bui u ke u tii mi kigbaŋ m ti tii Asaf u kii ubɔr aachook na kigbaŋ ki ga cha u tii mi idɔ m ti toor kidifɔfɔk ki kii Uwumbɔr Aadichal na aajaaleŋ tiib, ni ligoln li mann goln kitiŋ ngbaan na aabisamɔi, ni mbaa aadichal li ponn ni m ga li koo na. Uwumbɔr aaŋaal aah nan paa m pu na, ubɔrkpaan ngbaan nan tii mi maah ban pu na mɔmɔk.

Nehemia 2:8 Iomraidhean Croise

Mpiin 32:28

Le ntuun ngbaan bui ke, “Saah mɔn ki nyaŋ Uwumbɔr ni unibɔn na, nima pu na, bi ga li gur yin si ke Israel la, baan ki yin si ke Jakob.”

Esra 5:5

Tɔ, Uwumbɔr nan bi Juu yaab aayidam ngbaan chee, le Pesia aaninkpiib ngbaan aa nan ŋmaa ŋa nibaa, see bi ŋmee kigbaŋ tii ubɔrkpaan Darius, ki ŋun waah ga len pu na waahr.

Esra 6:22

Bi nan di mpopiin jin Boroboro u kaa kpa boroboro aanyɔk na Aajim ki ti saa iwiin ilole. Uwumbɔr aah nan cha Asiria aabɔrkpaan san bi kinimbaak ki ter bi, bi maa bima Israel yaab Aawumbɔr Aadichal na pu, le bi nan kpa mpopiin pam.

Esra 6:8

M sil do ki siin ke ni ter bi aan bi ki gir maa li. Yufrates aamɔɔl aawilir aapepel aah kani lampoo chee nnaan ponn ni aamombil ŋi na, le ni ga li joo pa lituln ngbaan pu mala mala, aan lituln ngbaan taa ki sil.

Esra 7:6

Esra nan ye ugbanbae la, le ki nyi Israel yaab Aadindaan Uwumbɔr aakaal i u nan di tii Moses na mbamɔm. Esra Aadindaan Uwumbɔr aah nan bi u chee pu na, ubɔrkpaan ngbaan nan tii u tiwan ni mɔmɔk u ban na la. Ataksekes aanaan yoonn aabilolole ni, le Esra, ni Israel yaab bibaa, ni bitotoorb, ni Liifai yaab, ni Uwumbɔr Aadichal ni aawangbaab ni bilahngaab, ni bikikiib, ni bitutum, nan nyan Babiloŋ ki cha Jerusalem.

Nehemia 7:2

M nan ban bijab bilee le ki di siin ke bi li ye Jerusalem aayidam; bima le nan ye nna aabo Hanani, ni Hanania u ye bikikiib aaninkpel na. Hanania nan ye unii u aa ga ŋmaa mak u pu na la, ki ye unii u san Uwumbɔr naah ti sɔ na.

Ŋiyataŋak 21:1

Uwumbɔr aah mɔk ubɔr aalandak ke i tun pu na, ni waah mɔk nkpen mu aah ga dii pu na aa pɔɔ u chee kpala.

Ulandaan 2:5

M nan naan tisar ni ŋisubil aasui aasar ti kpa ŋisubil mɔmɔk aabɔŋ na.

Ulandaan 2:6

M nan gbii ŋimɔɔ ke nnyun li puu chaa tisar ngbaan ni.

Aisaya 66:14

Ni yaa kan nimina ŋa kan, ni ga mɔɔr nimi ki tii nimi mpɔɔn ni laafee. Le ni bee ke min Uwumbɔr ter binib bi kii maamɔb na, ki mɔk maadim maaŋuul.”

Daniel 1:9

le Uwumbɔr nan cha Aspenas san Daniel kinimbaak.

Lituln 26:22

Le Uwumbɔr mu ter mi n‑yoonn mɔmɔk ki nan saa din, ki cha m si do, ki ye waaseeraadaan, ki tuk binib aabɔŋ mɔmɔk waabɔr. M po tuk bi Uwumbɔr aabɔnabtiib ni Moses aah nan len pu na. Bi nan len tiwan ni ga nan ŋa na,

Lituln 7:10

ki ter u, ki nyan u waafalaa mɔmɔk ponn ni. N‑yoonn ngbaan Faro nan ye Ijipt aatiŋ aabɔr. Le Uwumbɔr tii Josef nlan, ki cha Faro gee waabɔr. Le Faro di u ŋa kitiŋ ngbaan aayidaan, ni waachiln aayidaan.

2 Korenti 8:16

Tɔ, m doon Uwumbɔr u cha Taitus ban u ter nimi na ke ti mu aah ban ti ter nimi pu na.