Nehemia 2:5 - Uwumbɔr aagbaŋ

⁵ le ki bui ubɔrkpaan ngbaan ke, “Ni yaa mɔ sin mpɔɔndaan aan aa ga tii mi maah ban pu na kan, aa cha m buen Juda aatiŋ pu, kitiŋ ki ponn ni n‑yaajatiib aakpab dɔ na, aan m ti ki gir maa kitiŋ ngbaan.”

Nehemia 2:5 Iomraidhean Croise

2 Samuel 14:22

Le Joab tar gbaan David aanimbiin ni, kipak ponn ni, le ki bui ke, “Mpɔɔndaan, Uwumbɔr ŋa tinyoor ŋa aa pu. Dandana wee m bee ke aasui piin m pu; ba pu? aa kii ki ŋa maah mee pu na.”

Esra 5:17

“Mpɔɔndaan, cha bi lik nnaan aagbann ni, Babiloŋ aatiŋ ni, ki lik ke Sairus nan sil tii kina aasan ke bi ki gir maa Uwumbɔr Aadichal Jerusalem ni aan waa nan siin, ki cha ti ŋun saamɔboln tibɔr tee ni.”

Nehemia 2:4

Le ubɔrkpaan ngbaan ki baa mi ke, “Ni ye ba le aa ban?” Le m mee Uwumbɔr u bi Paacham na,

Nehemia 2:6

N‑yoonn ngbaan na ubɔrpii mu nan ka gbɔk u; le u nan kii tii mi. U nan baa mi maah ga yunn pu na, ni buyoonn mu m ga ki gir ni na; le m bui u.

Esta 1:19

Mpɔɔndaan, ni yaa ga piir aasui kan, cha ni nyan aamɔb ni ke Fasti taa ki cha aanimbil kan u. Cha bi ŋmee kina ŋa Pesia ni Media aakaal ponn ni, aan ubaa taa ki kpeln ni. Tɔ, aa di Ubɔrpii aajal mu ki di tii upii u ŋeer li na.

Esta 5:8

“Mpɔɔndaan, aa yaa san kinimbaak ki ga tii mi maah ban pu na kan, m ga li gee ke aa ni Hamann fe ki li ye maacham fen ki nan ki ji njim muken. N‑yoonn ngbaan le m ga bui si maah ban tiwan ni na.”

Esta 7:3

Le Ubɔrpii Esta kii u ke, “Mpɔɔndaan, ni yaa ga li mɔ si aan aa tii mi maah mee pu na kan, maah ban tiwan ni na le ye m ni maanib aamɔfal.

Esta 8:5

“Ni yaa ga li mɔ si mpɔɔndaan, aan aa yaa lik faar mi ki dak ke ni ŋan aa chee kan, m gaŋ si ke aa siin nkaal ke Hamann aah nan siin ikaal i na taa tun lituln; ikaal i Hamedata aajapɔɔn u aayaaja ye Agag na nan siin ke bi kuln Juu yaab, nnaan mue ni na.

Ŋiyataŋak 3:4

Aa yaa ŋani kina kan, Uwumbɔr ni binib mu aasui ga li piin aa pu.

Daniel 9:25

Chuu tibɔr timina ki bee taatataa: Ki nyan n‑yoonn mu bi ga lii bumɔb ke bi ki gir maa Jerusalem aatiŋ na, ki ti saa buyoonn Uwumbɔr aah lee usaloln u na fuu ni na, ga li ye ŋibin ŋilole nfum mulole pu la. Bi ga ki gir maa Jerusalem aatiŋ, le isan ga li bi ki ponn ni, le ki li kpa tiwan ni kiir ki aan ki pɔɔ na; le ki ga sil ki ti saa ŋibin imonko itaa ni ŋilee nfum mulole pu; n‑yoonn ngbaan tee ga li ye tibɔbir aayoonn la.

Matiu 23:27

“Nimi Uwumbɔr aakaal aamɔmɔkb ni Farisii yaab, bi ye biŋmaŋmannim na, tibɔbir bi ni pu. Ni naahn ŋikaakul ŋi bi di ikukuun aayon ki piir ŋi na la, le lipaal ŋan, ponn ni mu gbii inikpab, ni tiwan ni bur na, ni tijɔŋ mɔk aabɔŋ.

Ruf Aagbaŋ 2:13

Ruf nan kii u ke, “Maaninkpel, aa kpa m pu tiŋann sakpen. Min ni saanaagbiib ubaa aa ŋak, le aa len m chee tibɔr suuna ki cha nlan sɔŋ kina.”