Nehemia 2:20 - Uwumbɔr aagbaŋ

²⁰ Le m gar bi ke, “Uwumbɔr u bi paacham na ga tii timi taah ban pu na. Timi le ye waanaagbiib, le ki ga piin ki maa. Le nimi aa kpa nsan ni ji Jerusalem aafaal libaa, kaa bi kaakaal mu ni.”

Nehemia 2:20 Iomraidhean Croise

2 Bibɔrb Aabɔr 26:5

N‑yoonn mumɔk Sekaria, u nan ye Uwumbɔr aadidiir, ki ye waasusur na nan bi limɔfal ni na u nan tun Uwumbɔr aageehn mbamɔm. Le Uwumbɔr nan ŋa u tinyoor.

Esra 4:3

Le Serubabel, ni Josua, ni itaŋaal ngbaan aayidam bui bi ke, “Taa ban nimi aaterm ke ti di maa Tidindaan Uwumbɔr Aadichal. Pesia aabɔrkpaan Sairus aah bui timi pu na, timi tibaa le ga maa li.”

Nehemia 1:4

Maah ŋun tibɔr ngbaan mɔmɔk na le m kal ki wii pam. Iwiin pam nan jer le m bi wii ikpowiil, kaa ji nibaa. M nan mee Uwumbɔr ke,

Nehemia 2:4

Le ubɔrkpaan ngbaan ki baa mi ke, “Ni ye ba le aa ban?” Le m mee Uwumbɔr u bi Paacham na,

Esta 4:11

“Uja, bee upii yaa koo ponn ni aachiln ni ki kan ubɔr aan ubɔr ubaa aa yin udaan kan, udaan ngbaan aamɔfal junn le na. Nkaal ngbaan le na, unii mɔmɔk, ki nyan ubɔr aasusurb ni, ki ti saa binib bimɔk bi nnaan mue aapepel mɔmɔk ni na nyi kina. Tiwan ni ga ŋmaa cha unii ŋmar na le ye ke ubɔr yaa di waasalmaa aajaangbeek mɔk udaan kan, u ga ŋmar. Ni mu saa uŋmal ubaa le na le ubɔr nan tun yin mi.”

Ilahn 102:17

U ga ŋun waah yii waanib bi na pu ki pel baameel.

Ilahn 122:6

Mee Uwumbɔr ke u cha nsuudoon li bi Jerusalem ni man; “Cha binib bi gee Jerusalem na kan liwangol.

Ilahn 20:5

Le ti ga di mpopiin teen mpɔɔn pu, saanyaŋ pu, ki di ngbiir pak timi Aawumbɔr saanyaŋ pu. Uwumbɔr ŋa saah mee pu na mɔmɔk tii si.

Ilahn 35:27

Cha binib bi ban ke bi kan ke m nyan tibɔr ni na li tar mpopiin pu ki len, ki ki gir len ke, “Uwumbɔr aapɔɔn nyaŋ a. Usui piir waatutunn aah kan linyaŋ pu na pu.”

Ilahn 51:18

Uwumbɔr, san Sionn aanib kinimbaak ki ter bi, ki gir maa Jerusalem aagon.

Nnyam 28:29

“N‑yoonn mu Aaronn ti ban u koo Chain Aapepel ni na, u ga li pee kibiŋ aakekengeŋ ki ni ŋmee Israel yaab aanibol aayimbil ki paan ŋitakpanyaan na pu na, nima kan, min Uwumbɔr ga li teer maanib bɔr.

Ulandaan 7:18

Nyan aabaa nimina mɔmɔk ni. Aa yaa san Uwumbɔr kan, aa ga kan tinyoor.

Aisaya 56:5

saayimbil ga yunn Maadichal ni, ni maanib ni, ki jer saah ba ga li kpa mbijabim ni mpiibim pu na. Baan suln aabɔr kpala.”

Liifai Yaab 2:2

U yaa ŋa kina doo kan, u li joo ni mu Aaronn aabijabim bi ye bitotoorb na chee. Utotoor u ga gaa ipiin ngbaan na di uŋaal lee n‑yon ni nkpan, ki paar tulalee aayon na mɔmɔk, ki di see mmii ni, libimbiln paab, ni li ye limɔkl ke ni mɔmɔk ye Uwumbɔr aapiin la. Tijikaar aapiin kina aaboln nu mɔ uma Uwumbɔr chee.

Liifai Yaab 24:7

Ni di tulalee aayon ŋmeen ki di ŋa ikuul ngbaan mɔk pu, ni li ye tijikaar aapiin i ni di tii Uwumbɔr na aan i sil boroboro aasisii yaan.

Sekaria 6:14

Kibɔryikpupuk ngbaan ga li bi Uwumbɔr Aadichal ni ki teer binib Heldai, ni Tobija, ni Jedaya bɔr, ni Sefania aajapɔɔn Josia aaŋann pu la.”

Nkahm 10:10

Ni yaa ti ki ye nimi aapopiin aayoonn, mu ye Uŋmapɔɔn aajim, ni nimi aatoorkpaan aajim muken na kan, buyoonn ni ban ke ni toor kitork ki bi joo seer mmii ni na, ni kimɔbaan aatork tii mi na, ni pii kakaan tiib ngbaan, le m ga ter nimi. Min le ye Nidindaan Uwumbɔr.”

Lituln 10:31

ki bui ke, ‘Konelius, Uwumbɔr ŋun saameel, ki teer saah ter bigiim pu na.

Lituln 10:4

Waah kan Uwumbɔr aatuun ngbaan na, le u san ijawaan, ki baa u, “Maaninkpel, aa ban ba?” Le Uwumbɔr aatuun ngbaan bui u, “Uwumbɔr ŋun saameen, ki nyi saah ter bigiim pu na, ki teer aa bɔr.

Lituln 8:21

Aasui aa ŋan Uwumbɔr chee. Aaŋaal aa bi waabɔnyaan ni.