Nehemia 2:16 - Uwumbɔr aagbaŋ

¹⁶ Lituln aaninkpiib bi bi Jerusalem ni na aa nan nyi ke m buen nibaa chee, kaa ki nyi maah bi tun pu na mu. Ki ti saa liyaadaal ngbaan maa bui Juu yaab biken tibaa, bitotoorb, ni kitiŋ ni aaninkpiib, ni ŋitun aaninkpiib, ni unii umɔk nan bi tun lituln ngbaan na, maa nan bui ubaa tibaa.

Nehemia 2:16 Iomraidhean Croise

Nehemia 2:15

kina pu le m sunn koo Kidronn aafataŋ ni ki cha, ki lik ligoln ngbaan, le ki ki gir dii maah ba nyan niwɔb na, ki dii Kifataŋ Aabisamɔb na ki koo kitiŋ ponn ni.

Nehemia 2:17

Le m nin bui bi ke, “Jerusalem aah bii doo pu na, ni mɔmɔk kan taah bi tibɔr ti ponn ni na. Cha man ti ki gir maa kitiŋ ngbaan aagon man, aan timi aanimɔɔn yee doo.”

Nnyam 24:11

Uwumbɔr aa nan ŋa Israel yaab aaninkpiib ngbaan nibaa; bi nan kan Uwumbɔr, le ki jin ki nyun.

Ŋiyataŋak 12:23

Bilandam joo baah nyi pu na bisui ni la, le bigbaam ma joo baa‑maa‑nyi gbaa kiloŋ mooni.