Nehemia 2:14 - Uwumbɔr aagbaŋ

¹⁴ Maah ti fuu liwipuul wɔb na, le m fenn toŋ ŋŋangan wɔb ki ti saa Nnyunbun Aabisamɔb chee, ni kibukpiik ki bi yin ki ke Ubɔr Aabukpiik na chee. Le ŋigon aah nan lir ki gaa nsan pu na, ubon u m nan dik u pu na aa nan ki kan nsan u jer nima;

Nehemia 2:14 Iomraidhean Croise

2 Bibɔrb 18:17

Asiria aatiŋ aabɔrkpaan nan di butɔb aajab bi wiir sakpen na nyan Lakis aatiŋ ni ke bi ti tak Hesekia, Jerusalem aatiŋ ni; waajab ngbaan aaninkpekpaam bitaa le nan ye baayidam. Baah nan ti fuu Jerusalem na, le bi ti gaa nsan mu bikpaluub tun baatuln nima chee na, ni bi gbɔk nnyun aasan mu joo nnyun nyan ni paacham aabɔɔk ni na la,

2 Bibɔrb 20:20

Ubɔr Hesekia aah nan ki tun ŋitun ŋi mɔmɔk na, ni waajakaan, ni waah nan gbii limɔɔl li na, ki gbii nnyunsan mu ke nnyun li diir koo ni kitiŋ ponn ni na mɔmɔk bi Juda Aabɔrb Aatun Aagbaŋ ni la.

2 Bibɔrb Aabɔr 32:30

Ubɔr Hesekia le nan ŋa nkool kiir Gihonn aayayak aanyunbun na aasan, ki jee nnyunsan ki cha mu puu ti koo libuul libaa ni, Jerusalem ponn ni. Hesekia nan kan linyaŋ waatuln mɔmɔk ni,

Nehemia 12:37

Baah nan ti fuu mbisamɔb mu bi yin mu ke Uyayak Aabisamɔb chee na, le bi jon ŋibimbin ŋi cha David Aatiŋ ni na, ki jer David aabɔrnaakook, le ki ti ki tɔŋ ligoln ngbaan paab Nnyun Aabisamɔb chee, mu bi liwipuul wɔb kitiŋ ngbaan pu na.

Nehemia 3:15

Kolhose aajapɔɔn Salum, u ye Mispa Aapepel aaninkpel na, mu le nan ki gir maa mbisamɔb mu bi yin mu ke Nnyunbun Aabisamɔb na. U nan toor mbisamɔb ngbaan ki ŋa jaaleŋ, ni tikur ti bi ga li joo laŋni na. Waah ti fuu Sela Aabukpiik chee na, u nan maa ligoln li paa libɔrchiln aakpifar aasaak pu na, ki ti saa ŋibimbin ŋi sunn nyan ni David Aatiŋ ni na.

Nehemia 3:16

Asbuk aajapɔɔn Nehemia u ye Bef Sur Aapepel libaa aaninkpel na, le nan maa ligeln li paa na, ki ti saa David aakaakul chee, ni kibukpiik, ni butɔb aajab do chee.

Ulandaan 2:6

M nan gbii ŋimɔɔ ke nnyun li puu chaa tisar ngbaan ni.