Nehemia 2:1 - Uwumbɔr aagbaŋ

¹ Iŋmal inaa aah jer na aawiin mubaa daal, le Ubɔrkpaan Ataksekes nan bi ji tijikaar, le m di ndaan buen ti tii u. Waa nan kee kan nsui aah bii pu aan nnimbil wɔb ŋa gbilngbiln pu na,

Nehemia 2:1 Iomraidhean Croise

Mpiin 40:11

Le m ki joo ubɔr aadayikuuk, ki ker ŋisubil ngbaan, ki ŋmaan ŋa kidayikuuk ngbaan ni, le ki di tii ubɔr.”

Mpiin 40:21

U nan ki giin uja u nan tii u ndaan na waatuln ni,

Esra 4:7

Pesia aabɔrkpaan Ataksekes mu aayoonn, le Bislam, ni Mitredaf, ni Tabeel, ni biŋeen aatɔtiib, mu ki ŋmee kigbaŋ tii ubɔrkpaan ngbaan. Bi nan ŋmee kigbaŋ ngbaan Aram yaab aaliin ni, le bi ti karni ki ki nabr tii u.

Esra 7:1

Nee aapuwɔb, Ataksekes aah nan ye Pesia aabɔrkpaan buyoonn na, le uja ubaa nan bi, bi nan yin u ke Esra. Esra aate le nan ye Seraya, le Seraya mu aate nan ye Asaria, u aate nan ye Hilkia na.

Nehemia 1:1

Ataksekes aah nan ye Pesia aabɔrkpaan ki ti saa ŋibin moninko pu na aaŋmal u bi yin u ke Kislef na ponn ni, le min, Nehemia, nan bi litiyil Susa ponn ni.

Nehemia 1:11

Li pel maameel, ni saanaagbiib bimɔk ban ke bi nyuŋ si na mu aameen. Tii mi maah ban pu na din wee ki cha ubɔrkpaan ngbaan san mi kinimbaak.” N‑yoonn ngbaan, min le nan ye ubɔrkpaan ngbaan aadaan aaninkpel.

Esta 3:7

Njan aaŋmal, u bi yin u ke Nisann na ni, Ubɔrkpaan Sekes aabin kipiik ni ŋilee waanaan ni, le Hamann nan cha bi too inaan, bi yin inaan ngbaan ke “Purim”, aan u bee nwiin ni uŋmal u ni u ga ku Juu yaab na. Ŋmapiik ni ilee, bi yin u ke Adar na aawiin kipiik ni itaa daal le nan ti jin.

Daniel 9:25

Chuu tibɔr timina ki bee taatataa: Ki nyan n‑yoonn mu bi ga lii bumɔb ke bi ki gir maa Jerusalem aatiŋ na, ki ti saa buyoonn Uwumbɔr aah lee usaloln u na fuu ni na, ga li ye ŋibin ŋilole nfum mulole pu la. Bi ga ki gir maa Jerusalem aatiŋ, le isan ga li bi ki ponn ni, le ki li kpa tiwan ni kiir ki aan ki pɔɔ na; le ki ga sil ki ti saa ŋibin imonko itaa ni ŋilee nfum mulole pu; n‑yoonn ngbaan tee ga li ye tibɔbir aayoonn la.