Nehemia 13:6 - Uwumbɔr aagbaŋ

⁶ Nimina aah nan bi ŋani kina na, maa nan bi Jerusalem aatiŋ ni; Babiloŋ aabɔr Ataksekes aanaan aabiln piitaa ni ŋilee ponn ni na, m nan gir buen u chee ke m ti bui u maah tun pu na. N‑yoonn siib aah jer na, le m nan ki mee u nsan

Nehemia 13:6 Iomraidhean Croise

Esra 6:22

Bi nan di mpopiin jin Boroboro u kaa kpa boroboro aanyɔk na Aajim ki ti saa iwiin ilole. Uwumbɔr aah nan cha Asiria aabɔrkpaan san bi kinimbaak ki ter bi, bi maa bima Israel yaab Aawumbɔr Aadichal na pu, le bi nan kpa mpopiin pam.

Nehemia 2:1

Iŋmal inaa aah jer na aawiin mubaa daal, le Ubɔrkpaan Ataksekes nan bi ji tijikaar, le m di ndaan buen ti tii u. Waa nan kee kan nsui aah bii pu aan nnimbil wɔb ŋa gbilngbiln pu na,

Nehemia 5:14

Ŋibin kipiik ni ŋilee ŋi ponn ni m nan ye Juda aatiŋ aayidaan, ki nyan Ataksekes aanaan aabiln moninko ki ti saa waabin piitaa ni ŋilee ponn ni na, m ni maadichal aa nan ji tijikaar ti bi nan siin ke ti li ye uyidaan aajikaar na.

Nnyam 32:1

N‑yoonn mu binib ngbaan nan bee ke Moses yunn lijool ngbaan paab, kaa sunn ni, ki bi nima chee na, le bi kuun ni ki mann goln Aaronn, le ki bui u ke, “Taa nyi tiwan ni ŋa Moses u nan nyan ni timi Ijipt aatiŋ ni na aan waa gir ni na, nima pu na, ŋa liwaal tii timi, ti li dii li.”

Matiu 13:25

Kinyeek kibaa daal, binib aah dɔ geen na, le waadin dan nan di timoor yaa ŋmal ipui ngbaan ponn ni, le ki buen.