Nehemia 13:3 - Uwumbɔr aagbaŋ

³ Israel yaab aanib aah ŋun bi karn nkaal ngbaan na, le bi yakr biwɔwɔm mɔmɔk nyan bikaasisik ni.

Nehemia 13:3 Iomraidhean Croise

Esra 10:11

Dandana wee na, kpiir nimi aatunwanbir tuk Uwumbɔr u ye niyaajatiib mu Aawumbɔr na, ki ŋa tiwan ni ga piir usui na. Taa ki kpaan biwɔwɔm bi bi timi aatiŋ pu na chee man, ki di naah joo nwɔwɔmbim mu na lii.”

Esra 9:2

Bi yoor biwɔwɔmpiib la, le bima Uwumbɔr aanib bi bi chain na kpaln tijɔŋ aanib. Biyidam ni bininkpiib na le nan ye biyikpaadam.

Nehemia 10:28

Timi Israel aanib, bitotoorb, ni Liifai yaab, ni Uwumbɔr Aadichal aakikiib, ni Lidichal ngbaan ponn ni aalahngaab ni biwangbaab, ni laatutum, ni binib biken bi gaa Uwumbɔr Aakaal ki kii, ki yakr bibaa, ki nyan biwɔwɔm bi koo timi aatiŋ ponn ni na chee na, timi, ni tipuutiib, ni timi aabim bi chikr ki ga ŋmaa bee tiwan aatataa na,

Ilahn 119:11

M joo saakaal nsui ni, ke m taa tun si titunwanbir.

Ilahn 119:9

Binib bi laa diin na yaa ban baabimbin li ŋan kan, see bi kii saakaal.

Nnyam 12:38

Kinipaak kiken, ni tiwakor pam mu nan dii bi buen.

Ŋiyataŋak 6:23

Baamɔkm ye nwiin mu moor lak lak na la, baasurm ga ŋmaa mɔk si saah ga li bi pu na.

Nkahm 11:4

Biwɔwɔm bibaa nan bi Israel yaab chee, ki dii bi cha. Bi nan cha tinann aakpeek chuu bi ni pɔɔ pam, le Israel yaab mu nan piin ki len tibɔr ti kaa ŋan na ki bui ke, “Ti yaa ba kan tinann ki ŋman kan, ni ba ŋan.

Rom Yaab 3:20

Ubaa aan ŋmaa len ke waah joo Uwumbɔr aakaal mbamɔm pu na, waabɔr ŋan Uwumbɔr chee. Uwumbɔr aakaal le mɔk binib ke bi ye titunwanbirdam la.

Jemisi 1:27

Unii yaa ter nkpobim ni bikpopiib baabɔr ni, ki yaa joo ubaa chain, ki di cha titunwanbir mɔmɔk kan, uma le dii Tite Uwumbɔr mbamɔm, ki bi chain Uwumbɔr aanimbil ni.