Nehemia 13:22 - Uwumbɔr aagbaŋ

²² M nan cha Liifai yaab toor kitork ki ŋa bibaa chain ki buen ti kii ibisamɔi ngbaan ke bi taa cha unii ubaa koor Likpaakool daal aakoobil. Uwumbɔr, teer mbɔr nimina mu pu, ki san mi kinimbaak, saageehm sakpem pu.

Nehemia 13:22 Iomraidhean Croise

2 Bibɔrb 20:3

“Uwumbɔr, teer ke m di gaakii tun saatuln ni kipak ŋmeen la, ki pɔɔni mbaa n‑yoonn mɔmɔk ke m ŋa saah ban ke m ŋa pu na,” le ki wii sakpen.

2 Bibɔrb 23:4

Le Josia nan cha Utotoorninkpel Hilkia, ni waatotoorb bi paa u pu na, ni bikikiib bi nan kii Uwumbɔr Aadichal aabisamɔb na nyan ni Uwumbɔr Aadichal ponn ni tiwan ni mɔmɔk bi joo dooni liwaal Baal, ni liwaapii Asera, ni iŋmabi na li ponn ni. Ubɔr nan see ni mɔmɔk mmii ni n‑gbaan, Kidronn aafataŋ chee, le ki cha bi di naafatan buen Betel aatiŋ ni.

2 Bibɔrb Aabɔr 29:24

Le bitotoorb kɔr i, ki di yaasin kpir kitork aabimbiln pu, ke ni li ye kitork ki ga nyan binib ngbaan mɔmɔk aatunwanbir na. Ubɔr ngbaan nan bui ke bi toor kitork ki bi joo seer mmii ni na, ni titunwanbir aachapinn aatork tii Israel yaab mɔmɔk.

2 Bibɔrb Aabɔr 29:27

Hesekia nan tii nsan ke bi piin kitork ki bi ga di see mmii ni na. Baah piin na, le binib ngbaan gaa ilahn ki pak Uwumbɔr, le biwangbaab gbaa tiwan ki pii kakaan tiib.

2 Bibɔrb Aabɔr 29:30

Ubɔr ni binib ngbaan aasalolm nan bui Liifai yaab ke bi gaa ilahn i Ubɔr David ni Uwumbɔr aabɔnabr Asaf nan ŋmee na ki pak Uwumbɔr. Kina pu le binib ngbaan mɔmɔk nan beenin gbaa tiwan ki gaa mpopiin aalahn ki pak Uwumbɔr.

Nehemia 12:10

Josua le nan ma Joyakim; le Joyakim mu ma Eliasib; le Eliasib mu ma Joyada;

Nehemia 12:30

Bitotoorb ni Liifai yaab nan toor kitork ki nyan bibaa ni binib ngbaan aatunwanbir, le ki ŋa ibisamɔi ni kitiŋ aagoln ngbaan chain.

Nehemia 13:14

Maawumbɔr, teer mbɔr, ki taa suln tiwan nimɔk m ŋa Saadichal ni aan aa kan idoon mbamɔm ki ponn ni na.

Nehemia 13:31

ki nan ban isan i ga cha idɔ i bi joo pu kitork aanann na aah ga fuu ni n‑yoonn mu na, ni binib mu aah ga li joo ni baajan aajikaabim aapiin ni njan aasubil ŋi puen puir na pu na. Uwumbɔr, teer mbɔr, ki ŋa tinyoor ŋa m pu.

Nehemia 5:19

Le m mee Uwumbɔr ke, “Uwumbɔr, teer mbɔr, ki ŋa tinyoor ŋa m pu, maah tun nimɔk tii binib bee na.”

Ilahn 130:7

Uwumbɔr aageehm aah kaa kpelni na aan u gee ke u gaa nimi lii n‑yoonn mɔmɔk na, nimi Israel yaab, tii u naadii man.

Ilahn 5:7

Le saageehm sakpem pu m ga ŋmaa koo ni Saadichal ni; m ga ŋmaa doon si Saadichal li bi chain na ponn ni, ki di kipak gbaan aanimbiin ni.

Ilahn 51:1

Uwumbɔr, san mi kinimbaak, saageehm mu bi n‑yoonn mɔmɔk na pu. Saanimbaasaln sakpeln pu, finn nyan maatunwanbir.

Aisaya 38:3

“Uwumbɔr, teer ke m di gaakii tun saatuln ni kipak ŋmeen la, ki pɔɔni mbaa n‑yoonn mɔmɔk ke m ŋa saah ban ke m ŋa pu na,” le ki wii sakpen.

Aisaya 49:23

Bibɔrkpaam ga li naahn aatetiib la; le bipiibɔrb naahn aanatiib. Bi ga sunn bibaa taab aanimbiin ni ki nyuŋ si; bi ga sunn bibaa taab ki mɔk si baapak, le aa bee ke min le ye Uwumbɔr; unii umɔk ka kii maaterm na aan lir.”

Aisaya 55:7

Cha bibiindam di cha baah bi mbiin mu ni na ki kpeln baalandak. Cha bi fenn toŋ Tidindaan Uwumbɔr u san binib kinimbaak ki cha pinni titunwanbir mala na.

2 Korenti 1:12

Ti kpa kipupuk; ba pu? ti nyi tisui ni ke ti bi chain. Timi aabimbin bi mbamɔm Uwumbɔr aah ban pu na. Binib aalan le aa cha ti bi mbamɔm, Uwumbɔr aaterm pu, le cha ti bi mbamɔm joo cha dulnyaa wee ni aanib wɔb, ki moo bi mbamɔm joo cha niwɔb.

Ikaal 5:12

“‘Ni li nyuŋni Likpaakool daal aawiin, ke mu ye maawiin daal la, ke min Nidindaan Uwumbɔr aah tuk nimi pu na.