Nehemia 13:13 - Uwumbɔr aagbaŋ

¹³ M nan di utotoor Selemia, ni Sadok, u nyi Nkaal mbamɔm na, ni Liifai aanii Padaya le kaan kiir tidir ngbaan, ki lee Sakur aajapɔɔn Hanann, u aayaaja nan ye Matania na ke u li ter bi. M nan kpa gaakii ke bijab ngbaan ga di ibamɔn yakr tiwan tii baatutuŋeertiib.

Nehemia 13:13 Iomraidhean Croise

2 Bibɔrb 12:15

Bijab bi nan joo lituln ngbaan na nan ye bibulchim la, kina pu na, naa nan ki kpa ke bi yin bi ki nan baa bi baah jin pu na.

2 Bibɔrb 12:16

Ŋimombil ŋi bi nan tii ipiin aapɔln na, ni titunwanbir aatork aamombil ma aa nan koo dakaa ngbaan ni; ŋima ye bitotoorb aamombil la.

2 Bibɔrb 22:7

Bijab bi nan yeh lituln ngbaan na nan ye bibulchim la, kina pu na, naa nan ki kpa ke bi lik ke bi ji ŋimombil ngbaan kinye.”

Nehemia 10:38

Bitotoorb bi ye Aaronn aayaabitiib na ga li bi Liifai yaab ngbaan chee n‑yoonn mu bi bi gaal tisar aawan ngbaan na, le Liifai yaab ngbaan ga yakr tijikaar ngbaan nfum kipiik kipiik, ki di ligeln libaabaa ŋa Uwumbɔr Aadichal aapil ponn ni, aan ti li ye Lidichal ngbaan aajikaar.

Nehemia 11:22

Uja u nan lik Liifai yaab bi nan koo Jerusalem ponn ni na le nan ye Bani aajapɔɔn Usi, u aayaaja nan ye Hasabia na. Uyaajatiib biken le nan ye Matania ni Maika, le ki ye Asaf aamaal ponn ni aanii. Mmaal ngbaan le nan ye Uwumbɔr Aadichal ponn ni aalahngaab ni biwangbaab, n‑yoonn mu bi dooni Uwumbɔr na.

Nehemia 12:44

N‑yoonn ngbaan le bi nan ban bijab kaan kiir tidir ti bi joo tijikaar, ni tiwan niken siini na, ni baah di Uwumbɔr Aadichal aajikaar ti bi too too na di ŋa ti ponn ni na; bi nan di ukpaal mɔmɔk aah tii waajikaar aapiin i na, ni libiln mɔk aajikaabim mu puen biir na, ni ŋisubil ŋi mu puen puir na mu di kpee ti pu. Bijab ngbaan le nan ye bi ga li gaal ikpaakon i bi duun ntim mɔmɔk na, bitotoorb ni Liifai yaab aajikaar ti bi too tii bi, Nkaal aah mɔk pu na nan tii bi. Binib mɔmɔk nan kpa mpopiin bitotoorb ni Liifai yaab ngbaan pu;

Nehemia 3:30

Selemia aajapɔɔn Hanania, ni Salaf aajapɔɔn uloloob Hanunn na, mu le nan maa ligeln li paa na, lima le nan ye lelee aageln li bi maa na. Berekia aajapɔɔn Mesulam mu le nan paan ki maa ligeln li paa na, li nan bi gbɔk udo la.

Nehemia 7:2

M nan ban bijab bilee le ki di siin ke bi li ye Jerusalem aayidam; bima le nan ye nna aabo Hanani, ni Hanania u ye bikikiib aaninkpel na. Hanania nan ye unii u aa ga ŋmaa mak u pu na la, ki ye unii u san Uwumbɔr naah ti sɔ na.

Nehemia 8:4

Esra nan si tɔk paangara u bi nan paan u kina aatuln pu na pu la. Bijab bimina le nan si uŋangii wɔb: Matitia, ni Sema, ni Anaya, ni Uria, ni Hilkia, ni Maaseya. Le Pedaya, ni Misael, ni Malkija, ni Hasum, ni Hasbadana, ni Sekaria, ni Mesulam mu si uŋangan wɔb.

Tibɔnyaan ti Luk ŋmee ti na 12:42

Le Tidindaan bui u, “Uyidaan ubaa yaa tii waatutunn ubaa tininkpir ke u li lik waachiln ni aanib ki tii bi tijikaar naah ŋeer buyoonn na kan, ututunn ngbaan ga ŋa kinye ki li kpa nlan, ki li tun waatuln mbamɔm?

Lituln 6:1

Binib nan gaal Yesu ki keei idaa mɔmɔk ki kpae waadidiliib pu. N‑yoonn ngbaan le Juu yaab bi len Griik aaliin na ŋulni Juu yaab bi len Juu aaliin na pu, le ki bui ke baah yakr tijikaar idaa mɔmɔk na, bi sulni baakpopiib bɔr.

Lituln 6:3

Nnaabitiib, nima pu na, ni nyan ni ponn ni bijab bilole bi gbiin Uwumbɔr Aafuur Nyaan, ki kpa nlan mbamɔm, ki kpa liyimbil na, ki cha bi li ye lituln ngbaan aaninkpiib.

1 Korenti 4:2

Bi yaa di tiwan ŋa unii aaŋaal ni kan, ni ŋan ke u ŋa ni mbamɔm.

1 Timoti 1:12

M dooni Tidindaan Yesu Kristo u tii mi mpɔɔn ke m tun lituln ngbaan na la. U len ke m ye mbamɔndaan, ki lee mi ke m tun waatuln.

1 Timoti 3:10

Binib yaa ban bi li ye biteterb kan, cha Yesu aanib aaninkpiib puen lik baabimbin aah bi pu na waahr, bi yaa kaa kpa taani kan, cha bi li tun biteterb aatuln.