Nehemia 13:10 - Uwumbɔr aagbaŋ

¹⁰ M nan ki ŋun ke Uwumbɔr Aadichal ponn ni aalahngaab, ni biwangbaab, ni Liifai yaab biken fii Jerusalem ki gir buen baasar ponn ni, ba pu? binib aa nan ki tii bi ni ga ŋeer bi bi kpiin bibaa na.

Nehemia 13:10 Iomraidhean Croise

2 Bibɔrb Aabɔr 31:4

Ubɔr nan ki tuk Jerusalem aanib ke bi li joo ni ipiin i ye bitotoorb ni Liifai yaab yaan na, aan bi ŋmaa kan mpaan ki li ŋani Uwumbɔr Aakaal aah ban pu na.

Nehemia 10:37

Libiln mɔk ponn ni kan, ti ga di taah puen chee njikaabim mu na aayon, ni ŋisubil aadaan, ni olif aakpan, ni ŋisubil mɔmɔk aapiin buen bitotoorb chee Uwumbɔr Aadichal ponn ni aan bi di tii Uwumbɔr, Nkaal aah mɔk pu na. Ti ga di ni ye Uwumbɔr yaan ki nyan ni timi aasar mu ponn ni na ki di tii Liifai yaab bi gaal kina aawan itingbaan ponn ni na.

Nehemia 10:39

Liifai yaab, ni Israel aanib biken le ga di baah too too tijikaar ti na mɔmɔk, njikaabim, ni ndaan, ni olif aakpan, ki di buen nin chee bitotoorb bi bi lituln pu na, ni Uwumbɔr Aadichal aakikiib, ni bilahngaab kpa baadir na, Lidichal ngbaan ponn ni aasambil ni tiyir aah bi nin chee na. Taan suln timi Aawumbɔr Aadichal bɔr.

Nehemia 12:47

Serubabel aayoonn, ni Nehemia aayoonn na, Israel aanib nan tii iwiin mɔmɔk aajikaar ki joo ter Uwumbɔr Aadichal ponn ni aalahngaab, ni biwangbaab, ni Uwumbɔr Aadichal aakikiib. Binib ngbaan nan ki di tijikaar tii Uwumbɔr, ti li ye Liifai yaab yaan, le bi mu ki lee tii bitotoorb, nkaal aah mɔk pu na.

Aisaya 43:23

Naa nan kɔr ipiih ki di see mmii ni tii mi; naa nan joo nimi aatork nyuŋni mi. Maa nan muk nimi ke ni tii mi ipiin aatork kibaa, kaa cha nilaasaab ti nyan nibaa ni tulalee aayon pu.

Malakai 3:8

Le m ga baa nimi ke ni ŋan ke unii ji Uwumbɔr pem pem aa? Mbamɔn, naa ŋan; le nima tee ji mi pem pem. Le ni ki baa ke, ‘Kinye aan ti ji si pem pem?’ Le m ga gar nimi ke naah yakr nimi aatuln aanyoor aageln li tii mi na, ni ipiin i ni tii mi na, le ni ji mi.

Nkahm 35:2

“Bui Israel yaab ke kitiŋ ki bi yakr tii bi na, bi mu ki yakr baatim ngem mu li kpa kimoŋmɔpɔɔk ki mann goln ntim ngbaan na tii Liifai yaab.

Ikaal 12:19

Naah ga li bi kitiŋ ngbaan ni, ki cha n‑yoonn mu na, ni pɔɔn nibaa ki taa suln Liifai yaab bɔr.