Nehemia 12:8 - Uwumbɔr aagbaŋ

⁸ Jesua, ni Binui, ni Kadmiel, ni Serebia, ni Juda, ni Matania, le nan ye binib bi gaa ilahn ki dooni Uwumbɔr na aayidam.

Nehemia 12:8 Iomraidhean Croise

1 Bibɔrb Aabɔr 9:33

Liifai yaab aadichal ŋibaa mu le nan ye Uwumbɔr Aadichal ni aalahngaab ni biwangbaab. Ŋidichal ŋimina aadichadam nan koo Uwumbɔr Aadichal aadir tibaa ni, le kaa ki tun lituln libaa kpee, ba pu? nwiin pu ni kinyeek mɔk bi nan yin bi le bi ti tun baatuln.

Esra 2:40

Liifai aamaal aataŋaal i mu nan gir ni na sɔ: Hodafia aayaabitiib Jesua ni Kadmiel aataŋaal—binib imonko itaa ni kipiik ni binaa; Uwumbɔr Aadichal ni aawangbaab ni bilahngaab bi aayaaja nan ye Asaf na aataŋaal—binib nkub ni moninko ni biniin; Uwumbɔr Aadichal aakikiib bi aayaajatiib nan ye Salum, ni Ater, ni Talmonn, ni Akub, ni Hatita, ni Sobai na aataŋaal—binib nkub ni piitaa ni biwae.

Esra 3:2

le Jehosadak aajapɔɔn Josua, ni bitotoorb biken, ni Sealtiel aajapɔɔn Serubabel, ni udo yaab, kpaan ki ki gir maa bima Israel yaab Aawumbɔr aatork aabimbiln, aan bi ki ŋmaa di kitork aanann see mmii ni li pu, ke Uwumbɔr aanii Moses Aakaal aagbaŋ aah nan mɔk pu na.

Nehemia 11:17

Maika aajapɔɔn Matania, u aayaaja nan ye Sabdi, u ye Asaf aamaal ponn ni na. Uma le nan ye bilahngaab ni biwangbaab bi gaa ilahn ki dooni Uwumbɔr na aaninkpel. Bakbukia le nan ye u paa Matania pu na. Samua aajapɔɔn Abda, u aayaaja nan ye Galal u nyan ni Jedutunn aamaal ponn ni na.

Nehemia 11:22

Uja u nan lik Liifai yaab bi nan koo Jerusalem ponn ni na le nan ye Bani aajapɔɔn Usi, u aayaaja nan ye Hasabia na. Uyaajatiib biken le nan ye Matania ni Maika, le ki ye Asaf aamaal ponn ni aanii. Mmaal ngbaan le nan ye Uwumbɔr Aadichal ponn ni aalahngaab ni biwangbaab, n‑yoonn mu bi dooni Uwumbɔr na.

Nehemia 12:24

Hasabia, ni Serebia, ni Jesua, ni Binui, ni Kadmiel le nan yakr Liifai yaab ŋigetek, ŋigetek, le bi tun Uwumbɔr Aadichal ponn ni aatuln. Ŋigetek ŋilelee le nan kpaani ki pak Uwumbɔr ki dooni u, ke Uwumbɔr aanii, Ubɔrkpaan David aah nan mɔk ke bi li dooni u pu na.

Nehemia 12:9

Le Bakbukia, ni Uno, ni Liifai yaab biken na nan keei bi.

Nehemia 7:43

Liifai yaab aamaal bi nan nyan tinaagbiir ponn ni ki gir ni na sɔ: Hodafia aayaabitiib Jesua ni Kadmiel aamaal ponn ni—binib imonko itaa ni kipiik ni binaa; Uwumbɔr Aadichal ni aalahngaab ni biwangbaab, Asaf aayaabitiib,—binib nkub ni imonko ilee ni biniin; Uwumbɔr Aadichal ponn ni aakikiib, biyaajatiib le nan ye Salum, ni Ater, ni Talmonn, ni Akub, ni Hatita ni Sobai,—binib nkub ni piitaa ni biniin.

Nehemia 9:4

Bi nan ŋa paangara tii Liifai yaab; le Jesua, ni Bani, ni Kadmiel, ni Sebania, ni Buni, ni Serebia, ni Bani, ni Kenani, si tɔk u pu. Bi nan teen mpɔɔn pu ki mee Bidindaan Uwumbɔr.