Nehemia 12:25 - Uwumbɔr aagbaŋ

²⁵ Matania, ni Bakbukia, ni Obadia, ni Mesulam, ni Talmonn, ni Akub, bi ye Uwumbɔr Aadichal aakikiib na le nan kii tidir ti ponn ni bi joo tiwan siini aan ti bi Uwumbɔr Aadichal aabisamɔi chee na.

Nehemia 12:25 Iomraidhean Croise

2 Bibɔrb 7:10

Le bi nan nyan Siria yaab aakookoo yaan ngbaan ni, ki gir buen Samaria aatiŋ ni, ki ti teen bui bikikiib bi kii ibisamɔi na ke: “Ti buen Siria yaab aakookoo yaan ni, kaa ti kan unii ubaa, kaa ŋun ubaa pu; itaan, ni ibon beenin si gbin la, le Siria yaab ngbaan aah siir cha baaboo ŋi na beenin bi kina.”

1 Bibɔrb Aabɔr 23:32

Baatuln le nan ki ye ke bi li lik Uwumbɔr Aabool, ni Uwumbɔr Aadichal, ki li ter bido yaab bi ye Aaronn aayaabitiib ki ye bitotoorb, ki bi Uwumbɔr Aadichal aadoon ponn ni na.

1 Bibɔrb Aabɔr 26:12

Bi nan yakr Uwumbɔr Aadichal ni aakikiib ŋigetek, le ŋi ye ŋidichal ŋidichal, le ki tii bi ŋitun ke Liifai yaab biken na.

1 Bibɔrb Aabɔr 26:15

Obed Edom le nan yeh ŋŋangii wɔb aabisamɔb, le ujapɔtiib ye tijikaar aadir aakikiib.

1 Bibɔrb Aabɔr 26:17

Bikikiib biloloob le nan kiir liwipuul wɔb iwiin mɔk, le binaa kiir ŋŋangan wɔb, le binaa mu kiir ŋŋangii wɔb. Bikikiib binaa le nan kii tijikaar aadir. Kidiik mɔk nan kpa bikikiib bilee nwiin mɔk la.

2 Bibɔrb Aabɔr 8:14

U nan dii ute David aah siin isan i na pu le ki mɔk bitotoorb ni Liifai yaab bi ter bitotoorb ki gaa ilahn baatuln yoonn na, le bi tun baatun. U nan ki mɔk Uwumbɔr Aadichal aakikiib, le bi mu tun baatun ibisamɔi ngbaan mɔk chee iwiin mɔmɔk. Bi nan tun ŋi Uwumbɔr aanii David aah nan mɔk pu na la.

Aisaya 21:8

Tɔ, ukikiir ngbaan teen ki len ke, “Maaninkpel, m si maabuul ni, nwiin pu ni kinyeek.”