Nehemia 11:5 - Uwumbɔr aagbaŋ

⁵ Baruk aajapɔɔn Maaseya u aayaaja nan ye Kolhose na. Maaseya aayaajatiib biken le nan ye Hasaya, ni Adaya, ni Joyarib, ni Sakaria. Biyaaja le nan ye Juda aajapɔɔn Sela.

Nehemia 11:5 Iomraidhean Croise

Mpiin 38:5

Le u ki dek ki ma ubijabo uken ki yin u mu ke Sela. Juda aah nan bi Aksib aatiŋ ni buyoonn na, le u nan ma ubo ngbaan.

1 Bibɔrb Aabɔr 4:21

Sela nan ye Juda aajapɔtiib ponn ni ubaa la. Uyaabitiib bibaa le nan ye Er, u nan naan Leka aatiŋ na; ni Laada, u nan naan Maresa aatiŋ na, ni ntaŋaal mu nan luu ŋitanyaan aakeken ki nan koo Bef Asbea aatiŋ ni na;

Nehemia 11:4

Usia aajapɔɔn Ataya u aayaaja nan ye Sakaria na; uyaajatiib biken le nan ye Amaria, ni Sefatia, ni Mahalalel. Biyaaja le nan ye Juda aajapɔɔn Peres.

Nehemia 11:6

Peres aayaabitiib bi nan ye binikpaam ki koo Jerusalem ponn ni na nan ye binib ikui inaa ni imonko itaa ni biniin la.

Nehemia 3:15

Kolhose aajapɔɔn Salum, u ye Mispa Aapepel aaninkpel na, mu le nan ki gir maa mbisamɔb mu bi yin mu ke Nnyunbun Aabisamɔb na. U nan toor mbisamɔb ngbaan ki ŋa jaaleŋ, ni tikur ti bi ga li joo laŋni na. Waah ti fuu Sela Aabukpiik chee na, u nan maa ligoln li paa libɔrchiln aakpifar aasaak pu na, ki ti saa ŋibimbin ŋi sunn nyan ni David Aatiŋ ni na.