Nehemia 11:3 - Uwumbɔr aagbaŋ

³ Israel aanib ngbaan, bitotoorb, ni Liifai yaab, ni Uwumbɔr Aadichal ponn ni aatutum, ni Solomonn aatutum aayaabitiib nan ti kal baatim pu, ntisakpem ni muwaatiir mu gur na ponn ni la, le ki kpa bibaa aasar ni ŋidichal. Juda aatiŋ aamaal aaninkpiib bi nan bi Jerusalem ponn ni na sɔ:

Nehemia 11:3 Iomraidhean Croise

Esra 2:1

Binib bi nan nyan ni tinaagbiir ni ki gir ni na pam le nan nyan ni Babiloŋ aapepel ni, ki buen Jerusalem aatiŋ, ni Juda aatim muken ni, bi mɔmɔk cha bido aatim ni. Ubɔr Nebukadnesar aah nan chur bi tinaagbiir buen Babiloŋ buyoonn na, bi nan gur koo nima la.

Esra 2:43

Uwumbɔr Aadichal ponn ni aatutum aataŋaal i nan nyan ni tinaagbiir ni ki gir ni na mu sɔ: Siha, ni Hasufa, ni Tabaof, ni Keros, ni Siaha, ni Padonn, ni Lebana, ni Hagaba, ni Akub, ni Hagab, ni Samlai, ni Hanann, ni Gidel, ni Gahar, ni Reaya, ni Resinn, ni Nekoda, ni Gasam, ni Usa, ni Pasea, ni Besai, ni Asna, ni Meunim, ni Nefisim, ni Bakbuk, ni Hakufa, ni Harhur, ni Basluf, ni Mehida, ni Hasa, ni Bakos, ni Sisera, ni Tema, ni Nesia, ni Hatifa.

Esra 2:70

Bitotoorb, ni Liifai yaab, ni binib ngbaan bibaa nan kal kal Jerusalem, ni kaatingbaan ni; le Uwumbɔr Aadichal ni aawangbaab, ni bilahngaab, ni bikikiib, ni laatutum kal kal ntim mu bi gbɔk Jerusalem na; le Israel yaab bi gur na kal kal biyaajatiib aatim ni.

Nehemia 11:20

Israel yaab bi gur na, ni bitotoorb bi gur na, ni Liifai yaab bi gur na, nan ti kal baalangben pu baatisakpem ni muwaatiir ponn ni Juda aatiŋ pu la.

Nehemia 11:4

Usia aajapɔɔn Ataya u aayaaja nan ye Sakaria na; uyaajatiib biken le nan ye Amaria, ni Sefatia, ni Mahalalel. Biyaaja le nan ye Juda aajapɔɔn Peres.

Nehemia 7:39

Bitotoorb aamaal ponn ni aanib bi nan nyan ni tinaagbiir ni ki gir ni na sɔ: Jedaya, u nan ye Jesua aayaabil na aamaal ponn ni—binib ikui iwae ni imonko itaa ni kipiik ni bitaa; Imer aamaal ponn ni—binib lichur ni piiŋmu ni bilee; Pasur aamaal ponn ni—binib lichur ni ikui ilee ni imonko ilee ni bilole; Harim aamaal ponn ni—binib lichur ni kipiik ni bilole

Nehemia 7:43

Liifai yaab aamaal bi nan nyan tinaagbiir ponn ni ki gir ni na sɔ: Hodafia aayaabitiib Jesua ni Kadmiel aamaal ponn ni—binib imonko itaa ni kipiik ni binaa; Uwumbɔr Aadichal ni aalahngaab ni biwangbaab, Asaf aayaabitiib,—binib nkub ni imonko ilee ni biniin; Uwumbɔr Aadichal ponn ni aakikiib, biyaajatiib le nan ye Salum, ni Ater, ni Talmonn, ni Akub, ni Hatita ni Sobai,—binib nkub ni piitaa ni biniin.

Nehemia 7:46

Uwumbɔr Aadichal ponn ni aatutum aamaal bi nan nyan tinaagbiir ponn ni ki gir ni na mu sɔ: Siha, ni Hasufa, ni Tabaof, ni Keros, ni Sia, ni Padonn, ni Lebana, ni Hagaba, ni Salmai, ni Hanann, ni Gidel, ni Gahar, ni Reaya, ni Resinn, ni Nekoda, ni Gasam, ni Usa, ni Pasea, ni Besai, ni Meunim, ni Nefusesim, ni Bakbuk, ni Hakufa, ni Hahur, ni Baslif, ni Mehida, ni Hasa, ni Bakos, ni Sisera, ni Tema, ni Nesia, ni Hatifa.

Nehemia 7:6

Baah nan chuu bi buen tinaagbiir ni na pam le nan nyan ni Babiloŋ ki gir ni Jerusalem, ni Juda aatiŋ pu, bi mɔmɔk nan kun baatiyil ponn ni. Baamaal nan koo Babiloŋ ni buyoonn ubɔrkpaan Nebukadnesar nan chur bi tinaagbiir ki di buen nima na la.

Nehemia 7:7

Binib bimina le nan ye baayidam: Serubabel, ni Josua, ni Nehemia, ni Asaria, ni Raamia, ni Nahamani, ni Modekai, ni Bilsann, ni Misperef, ni Bigfai, ni Nehum, ni Baana.

Nehemia 7:73

Bitotoorb, ni Liifai yaab, ni Uwumbɔr Aadichal aakikiib, ni bilahngaab, ni biwangbaab, ni Uwumbɔr Aadichal ponn ni aatutum, ni binib bibaa, ni Israel yaab bi gur na, nan kal itingbaan, ni ntisakpem mu bi Juda ponn ni na ni la.