Nehemia 11:22 - Uwumbɔr aagbaŋ

²² Uja u nan lik Liifai yaab bi nan koo Jerusalem ponn ni na le nan ye Bani aajapɔɔn Usi, u aayaaja nan ye Hasabia na. Uyaajatiib biken le nan ye Matania ni Maika, le ki ye Asaf aamaal ponn ni aanii. Mmaal ngbaan le nan ye Uwumbɔr Aadichal ponn ni aalahngaab ni biwangbaab, n‑yoonn mu bi dooni Uwumbɔr na.

Nehemia 11:22 Iomraidhean Croise

2 Samuel 9:12

Mefibosef nan kpa japɔɔn waatiir ubaa, le bi yin u ke Maika. Siba aadichal ni aanib mɔmɔk nan kpaln Mefibosef aatutum la.

Esra 8:19

Bi nan ki cha Merari aataŋaal ni yaab, Hasabia ni Jesaya, ni baamaal binib moninko mu dan.

Nehemia 11:11

Hilkia aajapɔɔn Seraya, u aayaaja nan ye Mesulam na. Seraya aayaajatiib biken le nan ye Sadok, ni Merayof, ni Ahitub u nan ye Utotoorninkpel na.

Nehemia 11:14

Mmaal mue ponn ni aanib nkub ni moninko ni biniin le nan ye bijakpaam. Baayidaan le nan ye Sabdiel, u nan ye Hagedolim aajapɔɔn na.

Nehemia 11:9

Sikri aajapɔɔn Joel le nan ye baayidaan, le Hasenua aajapɔɔn Juda nan ye u paa kitiŋ ngbaan aatutum aaninkpel pu na.

Nehemia 12:42

Le Maaseya, ni Semaya, ni Eleasar, ni Usi, ni Jehohanann, ni Malkija, ni Elam, ni Eser nan paa. Jesrahia, u nan ye bilahngaab aaninkpel na, ni waalahngaab nan gaa ilahn mpɔɔn pu.

Nehemia 12:46

Ki nyan Ubɔrkpaan David ni ulahngaar Asaf aayoonn mu jer na, bilahngaab ni biwangbaab ngbaan le lolni nsan ki pak ki joo idoon tii Uwumbɔr.

Nehemia 13:13

M nan di utotoor Selemia, ni Sadok, u nyi Nkaal mbamɔm na, ni Liifai aanii Padaya le kaan kiir tidir ngbaan, ki lee Sakur aajapɔɔn Hanann, u aayaaja nan ye Matania na ke u li ter bi. M nan kpa gaakii ke bijab ngbaan ga di ibamɔn yakr tiwan tii baatutuŋeertiib.

Nehemia 3:17

Binib bimina le nan ye Liifai yaab bi nan maa ligoln ngbaan aagen ŋibaa ŋi gur ki paa na: Bani aajapɔɔn Rehum le nan puen maa ligeln li paa na. Le Hasabia, u ye Keila Aapepel libaa aaninkpel na, mu nan maa ligeln li paa na tii waapepel aanib:

Nehemia 8:7

Le bi fii ki ki sil baasisiiyaan, le Liifai yaab bimina ŋeer Nkaal ngbaan aatataa tuk binib ngbaan: bima le ye Jesua, ni Bani, ni Serebia, ni Jaminn, ni Akub, ni Sabetai, ni Hodia, ni Maaseya, ni Kelita, ni Asaria, ni Josabad, ni Hanann, ni Pelaya.

Lituln 20:28

Ni li nyi man, ki taa cha unii ubaa ŋmann nimi. Ni li ter Yesu aanib, ki taa cha unii ubaa ŋmann bi mu. Uwumbɔr Aafuur Nyaan nan ŋa nimi waanib aaninkpiib. Ni li joo waanib ngbaan mbamɔm. Waabo nan dan nan kpo bi pu, ke bi kpaln waanib la.