Nehemia 11:17 - Uwumbɔr aagbaŋ

¹⁷ Maika aajapɔɔn Matania, u aayaaja nan ye Sabdi, u ye Asaf aamaal ponn ni na. Uma le nan ye bilahngaab ni biwangbaab bi gaa ilahn ki dooni Uwumbɔr na aaninkpel. Bakbukia le nan ye u paa Matania pu na. Samua aajapɔɔn Abda, u aayaaja nan ye Galal u nyan ni Jedutunn aamaal ponn ni na.

Nehemia 11:17 Iomraidhean Croise

2 Samuel 9:12

Mefibosef nan kpa japɔɔn waatiir ubaa, le bi yin u ke Maika. Siba aadichal ni aanib mɔmɔk nan kpaln Mefibosef aatutum la.

1 Bibɔrb Aabɔr 16:4

David nan nyan Liifai yaab bibaa ke bi li gaa ilahn ki pak Israel yaab Aadindaan Uwumbɔr, Nkaal Aadakaa ngbaan aanimbiin ni, waadoon yoonn.

1 Bibɔrb Aabɔr 16:41

Hemann ni Jedutunn, ni baah nan lee bi ke bi li gaa ilahn pak Uwumbɔr, waageehm mu kaa kpa ndoon na pu na, mu nan bi nima ki kpee bi pu.

Nehemia 11:16

Sabetai ni Josabad nan ye Liifai yaab aanikpaam bi nan lik binib bi tun lituln li bi lipaal Uwumbɔr Aadichal chee na la.

Nehemia 11:18

Liifai yaab bi nan koo Uwumbɔr aatiŋ Jerusalem ponn ni na nan ye binib ikui ilee ni imonko inaa ni binaa la.

Nehemia 12:24

Hasabia, ni Serebia, ni Jesua, ni Binui, ni Kadmiel le nan yakr Liifai yaab ŋigetek, ŋigetek, le bi tun Uwumbɔr Aadichal ponn ni aatuln. Ŋigetek ŋilelee le nan kpaani ki pak Uwumbɔr ki dooni u, ke Uwumbɔr aanii, Ubɔrkpaan David aah nan mɔk ke bi li dooni u pu na.

Nehemia 12:25

Matania, ni Bakbukia, ni Obadia, ni Mesulam, ni Talmonn, ni Akub, bi ye Uwumbɔr Aadichal aakikiib na le nan kii tidir ti ponn ni bi joo tiwan siini aan ti bi Uwumbɔr Aadichal aabisamɔi chee na.

Nehemia 12:31

M nan kuun Juda aayidam ki ti tɔŋ ligoln ngbaan paab, ki di ŋigetek sakpiin ŋilee ŋa biŋaal ni ke bi di bi chuun mann ligoln ngbaan, ki li joo idoon tii Uwumbɔr. Njan aagetekr nan di toŋ ŋŋangii wɔb ligoln ngbaan paab ki cha Litapuln Aabisamɔb wɔb.

Nehemia 12:46

Ki nyan Ubɔrkpaan David ni ulahngaar Asaf aayoonn mu jer na, bilahngaab ni biwangbaab ngbaan le lolni nsan ki pak ki joo idoon tii Uwumbɔr.

Filipi 4:6

Ni taa cha ilandak li muk nimi tiwan nibaa pu. Ni li mee Uwumbɔr tiwan mɔmɔk pu, ki gaŋni u, ki dooni u ki tuk u naah ban pu na mɔmɔk.