Nehemia 11:1 - Uwumbɔr aagbaŋ

¹ Binib bi nan ye biyidam na nan kal Jerusalem ponn ni, le binib bi gur na too inaan ke bi lee lidichal libaa ŋidichal kipiik mɔk ponn ni ke bi buen ti li koo Jerusalem aatiŋ ki bi chain na ponn ni, le bi gur na ti li koo ntisakpem ni muwaatiir na ponn ni.

Nehemia 11:1 Iomraidhean Croise

1 Bibɔrb Aabɔr 26:13

Lidichal mɔk nan too inaan le ki bee mbisamɔb mu ga li kiir na. Bitafal aa nan bi nwiwiir ni.

1 Bibɔrb Aabɔr 8:28

Bimina le nan ye ŋiyaajayil ni biyaabitiib kpaam bi nan koo Jerusalem ni na.

1 Bibɔrb Aabɔr 9:1

Bi nan ŋmee Israel yaab mɔmɔk aayimbil ki dii baadichal, Israel Aabɔrb Aagbaŋ ni la. Juda aanib aatunwanbir pu, le Uwumbɔr nan cha bi chur bi buen Babiloŋ aatiŋ ni, ke u di daa bitafal.

1 Bibɔrb Aabɔr 9:2

Binib bi nan loln nsan ki gir ni baatiŋ pu bido bido na nan ye bitotoorb, ni Liifai yaab, ni Uwumbɔr Aadichal ni aatutum, ni Israel yaab biken.

1 Bibɔrb Aabɔr 9:3

Juda, ni Benjaminn, ni Efraim, ni Manase aanib nan ti koo Jerusalem ni la.

Nehemia 10:34

Ti mɔmɔk, bitotoorb, ni Liifai yaab, ni binib mɔmɔk ga too inaan libiln mɔmɔk ponn ni, ki nyan imaal i ga tii idɔ aan bi li joo seer tiwakor ti bi joo toor tii Tidindaan Uwumbɔr, Nkaal aah mɔk pu na.

Nehemia 11:18

Liifai yaab bi nan koo Uwumbɔr aatiŋ Jerusalem ponn ni na nan ye binib ikui ilee ni imonko inaa ni binaa la.

Nehemia 4:22

N‑yoonn mumina le m nan bui bijab bi ye biyidam na, ni binib bi ter bi na, ke bi mɔmɔk gaar Jerusalem ponn ni kinyeek, aan ti ŋmaa kiir kitiŋ ngbaan kinyeek, ki tun lituln mu nwiin pu.

Ilahn 122:5

Nima chee le Israel yaab aabɔrb nan kal ki jin baanib tibɔr.

Ilahn 122:6

Mee Uwumbɔr ke u cha nsuudoon li bi Jerusalem ni man; “Cha binib bi gee Jerusalem na kan liwangol.

Ŋiyataŋak 16:33

Unibɔn too inaan ke u di bee Uwumbɔr aageehn, tɔ, Uwumbɔr ubaa le nyi waah ga gar pu na.

Aisaya 48:2

Le ni tee mak ke ni ye Uwumbɔr aatisakpeŋ aanib la, le ki tii Israel yaab Aawumbɔr naadii; waayimbil le ye Uwumbɔr Mpɔɔnsakpiindaan.

Aisaya 52:1

Jerusalem, ki pɔɔk, ki ki li nyuun ke saah nan bi pu na. Uwumbɔr aatiŋ ki bi chain na, di saakekenyaan gbab. Binib bi dii ŋiwaa ki kpa tijɔŋ na aan ki koo aa ponn ni.

Matiu 27:53

Buyoonn Yesu fikr nkun ni na, le bi koo Jerusalem aatiŋ ni, ki di bibaa mɔk binib pam.

Matiu 4:5

Le kinimbɔŋ di Yesu buen Jerusalem, le ki ti di u tɔŋ Uwumbɔr Aadichal paab,

Lituln 1:24

Le bi mee Uwumbɔr ke, “Tidindaan, aa nyi binib mɔmɔk aasui ni aah bi pu na. Mɔk timi unii u aa lee u na bijab bilee ngbaan ponn ni aan u li ye saakpambal ki gaa lituln li Judas nan di cha ki buen nin chee ŋeer u na.”

Lituln 1:26

Baah mee Uwumbɔr doo na, le bi di ŋitakpabil tii bi, ke bi lik baah ga lee uja u na. Nimina nan mɔk bi ke bi ga lee Matias la. Le bi di u kpee Yesu aakpambalb kipiik ni ubaa na pu.

Josua 18:10

Le Josua too inaan ki baa Uwumbɔr, le u mɔk Josua waah ga di nin chee tii ŋinibol ngbaan mɔmɔk na.