Nehemia 10:32 - Uwumbɔr aagbaŋ

³² Libiln mɔk kan, ti mɔmɔk ga tii tikunabr siib baah nan siin pu na ki di ter Uwumbɔr Aadichal aatoorn pu.

Nehemia 10:32 Iomraidhean Croise

Mpiin 28:22

Litakpal li m di ŋum do ke m li joo teer saabɔr na ga li ye nin chee m ga li dooni si na, le saah ga tii mi tiwan ni na mɔmɔk, m ga nyan nibaabaa kipiik mɔk ponn ni ki giin tii si.”

1 Bibɔrb Aabɔr 26:27

Bi nan di baah gaa tiwan ni butɔb ponn ni na tii ke bi li joo tun Uwumbɔr Aadichal ponn ni aatun.

Nehemia 13:15

N‑yoonn ngbaan le m kan Juda aanib bibaa mueni nyani ŋisubil aanyun Likpaakool daal. Biken mu joo njikaabim, ni ŋisubil aadaan, ni ŋisubil aabɔŋ, ni tiwan niken paani baabon pu ki joo cha Jerusalem ponn ni, le m sak bi ke bi taa ki kooh tiwan nibaa Likpaakool daal.

Nehemia 13:18

Tiwanbaan nee pu le Uwumbɔr nan daa niyaajatiib aatafal ki bii kitiŋ kee. Naah bi koor Likpaakool daal aakoobil kina na, le ni beenin ban ke ni moo di Uwumbɔr aaŋuul lii ni Israel pu.”

Nehemia 13:21

Le m nan sak bi ke, “Naah ka nima kii ke ni woln na ye fam la. Ni yaa ki ŋa kina daalbaadaal kan, m ga di mpɔɔn le di mɔk nimi.” Ki nyan n‑yoonn ngbaan, baa ki gir ni Likpaakool daal.

Nehemia 5:10

M cha binib pinn m chee ŋimombil ni tijikaar, le ŋŋeen aatɔtiib ni bijab bi tun m chee lituln na mu ŋa kina. Kina pu na, ti taa ki gaa taah pinn bi tiwan ni na man.

Nehemia 9:14

Aa nan mɔk bi ke bi li joo Saakpaakool daal mbamɔm; ki nan di saakaal tii saatutunn Moses le u di ŋum bi.

Nnyam 23:11

Libilolole ni kan, ni taa ko tisar, ki cha kitiŋ ngbaan doon ki gir nkpaatan, ki taa chee ŋidileen ni tijikaar ti mɔmɔk punn ti ponn ni na. Bigiim mu ga ŋmaa chee ti ki ji, le ipeel mu ŋmɔ ti gur na. Ni ŋa nimi aasubil aasar, ni olif aakpan aasui aasar mu kina.

Ŋiyataŋak 3:9

Di saajikaar ti ŋan na tii Uwumbɔr ipiin ki li pak u.

2 Korenti 8:12

Unii yaa gee ke u tii Uwumbɔr ipiin ki yaa tii u waah kpa pu na kan, Uwumbɔr ga gaa la. Uwumbɔr aa ban ke unii tii ki jer waah kpa pu na.