Nehemia 10:30 - Uwumbɔr aagbaŋ

³⁰ Taan joo biwɔwɔm bi koo timi aatiŋ ponn ni na aapiib, kaan di tibisatiib mu tii bi.

Nehemia 10:30 Iomraidhean Croise

2 Bibɔrb 23:25

Ubɔr ubaa aa nan ki bi ki di usui mɔmɔk, ni waalandak mɔmɔk, ni waapɔɔn mɔmɔk tii Uwumbɔr, ki joo Moses Aakaal ke uma na; ubaa aa nan puen u ki jin nnaan ki bi ke uma na, le waah kpo na, ubaa aa ki paan u pu ki bi kina.

2 Bibɔrb 23:3

U nan si gbɔk nnaan aajaatɔlk chee le ki puu tipuur tii Uwumbɔr ke u ga di usui kii waamɔb ki li joo waakaal ni waamɔkm, ki ŋa tipuur ngbaan aah ban pu, aan ni ŋmee dɔ kigbaŋ ngbaan ni na. Le binib ngbaan mɔmɔk mu puu ke bi ga li joo tipuur ngbaan.

2 Bibɔrb Aabɔr 34:31

U nan si gbɔk nnaan aajaatɔlk na, le ki puu tipuur tii Uwumbɔr ke u ga di usui mɔmɔk kii waamɔb, ki li joo waakaal ni waamɔkm, ki ŋa tipuur ngbaan aah ban pu aan ni ŋmee dɔ kigbaŋ ngbaan ni na.

Nehemia 10:1

Unii u nan puen ki ŋmee waayimbil na le nan ye Hakalia aajapɔɔn Nehemia, le Sedekia paan u pu ki ŋmee. Bimina mu le nan paan ki ŋmee:

Nehemia 13:23

N‑yoonn ngbaan le m nan ki kan ke Juu yaab aajab pam nan yoor Asdod, ni Amonn, ni Moab aapiib.

Nehemia 13:25

M nan galn bijab ngbaan, ki puun lii bi pu, ki gbaa bi, ki dar gui biyikpir; le ki cha bi puu Uwumbɔr aayimbil pu ke bi ni baabim ni biwɔwɔm aan ki mɔn tɔb.

Nehemia 13:30

M nan nyan binib ngbaan tiwan nimɔk ye biwɔwɔm aawan na ponn ni; ki nan ŋa ikaal tii bitotoorb ni Liifai yaab ke unii mɔk li nyi waatuln;

Nehemia 5:12

Le biyidam ngbaan gar ke, “Ti ga ŋa saah len pu na. Ti ga giin baawangol tii bi, kaan ki cha bi teen timi baah pinn nimɔk na.” Le m yin ni bitotoorb le ki cha biyidam ngbaan puu binimbil ni, ke bi ga sil ŋa baah len ke bi ga ŋa pu na.

Ilahn 119:106

M ga li joo maapuur kpaan ti m puu ke m ga li dii saakaal bamɔnn na.

Nnyam 34:16

Nibaakan, nijapɔtiib mu ga yoor bibisatiib, le bibisatiib ngbaan ga fenn nijapɔtiib aasui, le bi ga yii mi ki dii binib ngbaan aawaa.

Ikaal 29:11

ni bipiib, ni mbim, ni biwɔwɔm bi koo ni chee ki peei idɔ ki lu nnyun tii nimi na, ni si Nidindaan Uwumbɔr aanimbiin ni la.

Ikaal 7:3

Ni taa yoor bibisatiib, ki taa cha nijapɔtiib mu yoor bi ponn ni aapiibim.