Nehemia 10:29 - Uwumbɔr aagbaŋ

²⁹ sil do ki kpaan timi aayidam chee ki puu tipuur timina, ke ti ga gaa Uwumbɔr Aakaal mu u nan di tii ni waatutunn Moses na; ti ki puu tipuur ke ti ga kii Tidindaan Uwumbɔr aamɔb mbamɔm, ki ga li joo waakaal ni waah ban pu na mɔmɔk.

Nehemia 10:29 Iomraidhean Croise

2 Bibɔrb 10:31

Tɔ, Jehu aa nan di usui mɔmɔk kii Israel yaab Aadindaan Uwumbɔr aakaal; u nan labr dii Jeroboam u nan di Israel yaab koon titunwanbir ni na aasan la.

2 Bibɔrb 23:3

U nan si gbɔk nnaan aajaatɔlk chee le ki puu tipuur tii Uwumbɔr ke u ga di usui kii waamɔb ki li joo waakaal ni waamɔkm, ki ŋa tipuur ngbaan aah ban pu, aan ni ŋmee dɔ kigbaŋ ngbaan ni na. Le binib ngbaan mɔmɔk mu puu ke bi ga li joo tipuur ngbaan.

1 Bibɔrb Aabɔr 9:2

Binib bi nan loln nsan ki gir ni baatiŋ pu bido bido na nan ye bitotoorb, ni Liifai yaab, ni Uwumbɔr Aadichal ni aatutum, ni Israel yaab biken.

2 Bibɔrb Aabɔr 34:31

U nan si gbɔk nnaan aajaatɔlk na, le ki puu tipuur tii Uwumbɔr ke u ga di usui mɔmɔk kii waamɔb, ki li joo waakaal ni waamɔkm, ki ŋa tipuur ngbaan aah ban pu aan ni ŋmee dɔ kigbaŋ ngbaan ni na.

2 Bibɔrb Aabɔr 6:16

Tɔ, Israel yaab Aadindaan Uwumbɔr, li joo tipuur tiken ti aa nan puu tii nte, ki bui u ke uyaabitiib yaa joo saakaal ke waah joo i pu na kan, bi ponn ni ubaa ga li bi n‑yoonn mɔmɔk ki ye Israel yaab aabɔr ki joo bi.

Nehemia 13:25

M nan galn bijab ngbaan, ki puun lii bi pu, ki gbaa bi, ki dar gui biyikpir; le ki cha bi puu Uwumbɔr aayimbil pu ke bi ni baabim ni biwɔwɔm aan ki mɔn tɔb.

Nehemia 7:46

Uwumbɔr Aadichal ponn ni aatutum aamaal bi nan nyan tinaagbiir ponn ni ki gir ni na mu sɔ: Siha, ni Hasufa, ni Tabaof, ni Keros, ni Sia, ni Padonn, ni Lebana, ni Hagaba, ni Salmai, ni Hanann, ni Gidel, ni Gahar, ni Reaya, ni Resinn, ni Nekoda, ni Gasam, ni Usa, ni Pasea, ni Besai, ni Meunim, ni Nefusesim, ni Bakbuk, ni Hakufa, ni Hahur, ni Baslif, ni Mehida, ni Hasa, ni Bakos, ni Sisera, ni Tema, ni Nesia, ni Hatifa.

Nehemia 8:2

Kina pu na, Esra nan buen ti yoor ni Nkaal Aagbaŋ ngbaan, binib ngbaan aah kuun nin chee na, bijab, ni bipiib, ni mbim bi chikr ki ga ŋmaa bee tiwan aatataa na chee.

Nehemia 8:3

Mbisamɔb ngbaan chee le u nan karn Nkaal Aagbaŋ ngbaan ki nyan kichakpiik ni ki ti saa nwiin pu, le bi mɔmɔk si pel gbimm ke bi ŋun ti mɔmɔk.

Nehemia 9:38

Tiwan ni mɔmɔk ŋa na pu, le timi Israel aanib sil do, ki ban ke ti di ibamɔn ŋmee kimɔbaan aakpaam aagbaŋ kimina; le timi aayidam, ni Liifai yaab, ni timi aatotoorb di biŋaal paan nkpaam ngbaan pu.

Ilahn 105:45

aan ni cha bi kii waamɔb ki li joo waakaal. Pak Uwumbɔr man.

Ilahn 119:106

M ga li joo maapuur kpaan ti m puu ke m ga li dii saakaal bamɔnn na.

Ilahn 8:1

Tidindaan Uwumbɔr, dulnyaa mɔmɔk nyi saayimbil pu. Saapak fuur paacham;

Ilahn 8:9

Tidindaan Uwumbɔr, dulnyaa mɔmɔk nyi saayimbil pu.

Aisaya 14:1

Uwumbɔr ga ki gir san waanib Israel yaab kinimbaak ki lee bi ke uyaab. U ga ki cha bi ki koo baatiŋ ponn ni, le biwɔwɔm ga dan nan li bi bi chee.

Jeremia 26:4

Uwumbɔr nan ki bui mi ke m tuk binib ngbaan ke, “Min Uwumbɔr le len ke ni kii maamɔb ki li dii mmɔkm mu m di tii nimi na,

Jeremia 34:15

Iwiin ilee i jer na, ni nan kpeln nimi aalandak ki ŋa tiwan ni piir nsui na. Ni mɔmɔk nan kii ke ni di nimi aanaagbiib bi ye Israel yaab na lii, le ki puu tipuur nnimbiin ni, Maadichal li ponn ni bi dooni mi na.

Esekiel 36:27

M ga di Maafuur Nyaan ŋa ni ponn ni aan ki cha ni li joo maakaal, ni maah mɔk nimi ke ni li ŋani pu na mɔmɔk.

Liifai Yaab 20:26

Ni li bi chain aan ki li ye maanib, ba pu? Min le ye Uwumbɔr le ki bi chain. M nyan ni nimi ŋinibol mɔmɔk ni ke min baanja le li yeh nimi.

Malakai 4:4

“Teer maatutunn Moses aakaal na, ikaal ni ŋimɔbon ŋi m nan di tii u Sainai Aajool paab, ke Israel aanib mɔmɔk li dii i na.

Nkahm 5:21

Uwumbɔr puun lii aa pu, aa taa ki li kpa tinyoor tibaa saanib ponn ni. U cha aanimbiin ni bii, aa taa ki ŋmaa maa ubo, aapɔtiŋ mu duun.

Jɔnn 1:17

Uwumbɔr nan tuk Moses waakaal ke u di tuk timi. Yesu Kristo dan nan tuk timi Uwumbɔr aah gee timi pu na, ki tuk timi tibɔr ti ye mbamɔn na.

Jɔnn 15:14

Ni yaa ŋani maah tuk nimi pu na kan, ni ye njɔtiib la.

Jɔnn 7:19

Moses nan tii nimi nkaal. Ni ponn ni ubaa aa dii nkaal ngbaan. Ba ŋa ni ban ni ku mi?”

Lituln 11:23

U nan ye unibamɔnn, ki gaa Yesu ki kii mbamɔm, ki gbii Uwumbɔr Aafuur Nyaan. Le u di ti fuu nima. Waah ti fuu nima, ki kan Uwumbɔr aah san binib ngbaan kinimbaak pu pu na, le ni ŋa u mpopiin. Le u sur bi mɔmɔk ke bi cha binimbil li man bi dii Tidindaan aasan mbamɔm. Le binib pam gaa Tidindaan ki kii ki kpee waanib pu.

Lituln 17:34

Le bijab bibaa gaa Yesu ki kii, ki kpaan Pɔɔl chee. Bi yin ubaa ke Dionisius, u nan ye Areopagus aanii ubaa na. Uken mu nan ye upii u bi yin u ke Damaris na. Binib biken mu nan gaa Yesu ki kii.

Lituln 23:21

Bi yaa bui si kina kan, aa taa kii. Bijab bi jer imonko ilee na ga bɔr ki kiir Pɔɔl bi nan ku u. Bi mɔmɔk puu ke baan ji tijikaar kaan nyu nnyun mu, see bi ku u. Dandana wee bi gor ke bi ku u, ki kiir ke bi ŋun saah ga len pu na.”

Rom Yaab 12:9

Tɔ, ni li gee binib nisui ni. Ni li nan lituln li kaa ŋan na, ki li gee lituln li ŋan na.

Ikaal 33:4

Ti ga ŋa Moses aah di ikaal i tuk timi na aah len pu na. Ima le ye timi Israel yaab aawangol li jer liwangol mɔmɔk na.

Ikaal 5:1

Moses nan yin ni Israel aanib ngbaan, le bi kuun ni tɔb chee, le u bui bi ke, “Israel yaab, li pel man ikaal imɔk m ban m di tuk nimi din wee na. Ni pɔɔn nibaa ki bae i, ki li joo i mbamɔm, ki taa yii i.

Ikaal 5:32

“Nimi Israel yaab, ni pɔɔn nibaa man, aan ki li ŋani tiwan nimɔk Nidindaan Uwumbɔr bui ke ni ŋa na. Ni taa yii waakaal mubaa man.