Nehemia 10:1 - Uwumbɔr aagbaŋ

¹ Unii u nan puen ki ŋmee waayimbil na le nan ye Hakalia aajapɔɔn Nehemia, le Sedekia paan u pu ki ŋmee. Bimina mu le nan paan ki ŋmee:

Nehemia 10:1 Iomraidhean Croise

2 Bibɔrb 23:3

U nan si gbɔk nnaan aajaatɔlk chee le ki puu tipuur tii Uwumbɔr ke u ga di usui kii waamɔb ki li joo waakaal ni waamɔkm, ki ŋa tipuur ngbaan aah ban pu, aan ni ŋmee dɔ kigbaŋ ngbaan ni na. Le binib ngbaan mɔmɔk mu puu ke bi ga li joo tipuur ngbaan.

Esra 10:3

Taah ban pu dandana wee na le ye ke ti ga puu tipuukpaan tii timi Aawumbɔr, ke ti ga di bipiib ngbaan ni baabim lii. Ti ga ŋa aa ni binib bi nyuŋni Uwumbɔr aakaal na aah sur timi ke ti ŋa pu na. Ti ga ŋa Uwumbɔr aakaal aah len pu na.

Esra 2:63

Juu yaab aayidaan nan bui bi ke baan ŋmaa ji tijikaar ti bi di tii Uwumbɔr ipiin na, see utotoor u ga ŋmaa di tiwan ni bi yin ni ke Urim ni Tumim na mɔk ke bi ga ŋmaa ji ti na bi nima.

Nehemia 1:1

Ataksekes aah nan ye Pesia aabɔrkpaan ki ti saa ŋibin moninko pu na aaŋmal u bi yin u ke Kislef na ponn ni, le min, Nehemia, nan bi litiyil Susa ponn ni.

Nehemia 10:2

Seraya, ni Asaria, ni Jeremia, ni Pasur, ni Amaria, ni Malkija, ni Hatus, ni Sebania, ni Maluk, ni Harim, ni Meremof, ni Obadia, ni Daniel, ni Ginetonn, ni Baruk, ni Mesulam, ni Abija, ni Mijaminn, ni Maasia, ni Bilgai, ni Semaya.

Nehemia 10:30

Taan joo biwɔwɔm bi koo timi aatiŋ ponn ni na aapiib, kaan di tibisatiib mu tii bi.

Nehemia 7:65

Juu yaab aayidaan nan bui bi ke baan ŋmaa ji tijikaar ti bi di tii Uwumbɔr ipiin na, see utotoor u ga ŋmaa di Urim ni Tumim di ŋaŋ ti ki lik na.

Nehemia 7:70

Binib pam le nan too tiwan ki ter Uwumbɔr Aadichal aatoorn pu. Baah nan too pu na sɔ: Baayidaan nan tii salmaa kuruwaa biniin la, ni kitork aasambil piiŋmu, ni bitotoorb aawanpeenkaan mu ikui iŋmu ni piitaa. Mmaal mɔk aayidam mu nan tii salmaa kuruwaa nkub ni imonko itaa ni biniin la, ni tikunabr mu kuruwaa lichur ni ikui ilee ni piiŋmu la. Binib bi gur na mu nan tii salmaa kuruwaa nkub ni imonko itaa ni biniin la, ni tikunabr ti mu ga pii kuruwaa nkub ni imonko ilee na, ni bitotoorb aawanpeenkaan mu imonko itaa ni nilole.

Nehemia 8:9

Binib ngbaan aah ŋun Nkaal ngbaan aah ban ke bi ŋa pu na, ni nan muk bi sakpen le bi piin ki bi wii. Kina pu na, Nehemia, u nan ye baayidaan na, ni Esra, u nan ye utotoor ki mu bee Nkaal ngbaan mbamɔm na, ni Liifai yaab bi nan tuk binib ngbaan mu aatataa na bui binib ngbaan ke, “Nwiin mumina ye nwiin mu bi chain ki tii Nidindaan Uwumbɔr na la, kina pu na, ni taa wii, ki taa kpeeni mu.

Nehemia 9:38

Tiwan ni mɔmɔk ŋa na pu, le timi Israel aanib sil do, ki ban ke ti di ibamɔn ŋmee kimɔbaan aakpaam aagbaŋ kimina; le timi aayidam, ni Liifai yaab, ni timi aatotoorb di biŋaal paan nkpaam ngbaan pu.

Nnyam 24:4

Le Moses ŋmee Uwumbɔr aakaal ngbaan mɔmɔk bil. Naah woln na, le u pue kichakpiik ni ki maa kitork aabimbiln lijool ngbaan aataab, le ki di ŋitakpal kipiik ni ŋilee mu ki di chɔɔn chɔɔn, le ŋitakpal ngbaan si Israel yaab aanaakɔsamɔi kipiik ni ilee na.