Nehemia 1:6 - Uwumbɔr aagbaŋ

⁶ Uwumbɔr, san mi kinimbaak, ki ŋun maameel, maah mee si pu nwiin pu ni kinyeek ki tii saanaagbiib, Israel yaab aanib, bi tun titunwanbir na pu na. M kii ke m ni n‑yaajatiib mɔmɔk tun titunwanbir la.

Nehemia 1:6 Iomraidhean Croise

1 Bibɔrb 8:30

M ni saanib yaa di tinimbil toŋ ni Lidichal limina, ki mee si kan, aa ŋun timi aameel. Saah bi aado paacham na, ŋun, ki di cha pinn timi.

1 Bibɔrb 8:47

pel saanib aameel. Uwumbɔr, bi yaa bi kitiŋ ngbaan ni, ki yaa kpeln baabimbin ki mee si, ki kpiir baah ye titunwanbirdam, ni bibiindam sakpen pu na kan, ŋun baameel.

2 Bibɔrb Aabɔr 28:10

Le ni ban ke ni di Jerusalem ni Juda aajab ni bipiib ŋa nimi aanaagbiib. Naa nyi ke nimi nibaa mu tun Nidindaan Uwumbɔr titunwanbir aa?

2 Bibɔrb Aabɔr 29:6

Tiyaajatiib aa nan dii Tidindaan Uwumbɔr mbamɔm le ki tun waah kaa gee pu na. Bi nan yii u le ki fenn bipuwɔb tii waah koo nin chee na.

2 Bibɔrb Aabɔr 6:40

“Tɔ, Maawumbɔr, lik ni timi, ki pel ŋimee ŋi ti joo tii si lidichal lee ni na.

Esra 10:1

Esra aah nan gbaa kitiŋ ki mee limeel, Uwumbɔr Aadichal aabisamɔb chee, ki wii ki kpiir titunwanbir timina na, le Israel yaab aanipaak, bijab, ni bipiib, ni mbim dan nan mann goln u, ki wii pam.

Esra 10:11

Dandana wee na, kpiir nimi aatunwanbir tuk Uwumbɔr u ye niyaajatiib mu Aawumbɔr na, ki ŋa tiwan ni ga piir usui na. Taa ki kpaan biwɔwɔm bi bi timi aatiŋ pu na chee man, ki di naah joo nwɔwɔmbim mu na lii.”

Nehemia 1:11

Li pel maameel, ni saanaagbiib bimɔk ban ke bi nyuŋ si na mu aameen. Tii mi maah ban pu na din wee ki cha ubɔrkpaan ngbaan san mi kinimbaak.” N‑yoonn ngbaan, min le nan ye ubɔrkpaan ngbaan aadaan aaninkpel.

Ilahn 102:17

U ga ŋun waah yii waanib bi na pu ki pel baameel.

Ilahn 106:6

Ti tun titunwanbir ke tiyaajatiib aah tun pu na la; ti kpa mbiin le ki ye titunwanbirdam.

Ilahn 130:2

Ndindaan, pel maawiil; pel maah yin ki ban nterm pu na.

Ilahn 32:5

Le m kpiir maatunwanbir tuk si, maa nan di maataani bɔr si. M nan kii ki kpiir ti tuk si, le aa di cha maatunwanbir pinn mi.

Ilahn 34:15

Uwumbɔr lik binib bi aabimbin ŋan na pu, le ki ŋun baawiil pu;

Ilahn 55:17

Maamuk ni maadun chaa u chee kichakpiik ni, ni nwiin pu, ni kinyeek, le u ga ŋun maaneel pu.

Ilahn 88:1

Ndindaan Uwumbɔr u gaal mi lir na, m wii le nwiin ti lir, le kinyeek kan, m bi aanimbiin ni.

Aisaya 6:5

Le m bui ke, “Maabɔr doo a. Maamɔfal junn le na; ba pu? tibɔr timɔk nyani mmɔb ponn ni na ye titunwanbir aabɔr la, le maah bi binib bi ponn ni na mu aabɔr ye titunwanbir la. Le nimina mɔmɔk aapuwɔb, m kan Ubɔrkpaan ngbaan, Uwumbɔr Mpɔɔnsakpiindaan.”

Inandalahn 5:7

Tiyaajatiib le nan tun titunwanbir, le kaa ki bi din wee, le timi le bi ji baatunwanbir ngbaan aafalaa.

Daniel 9:15

“Tidindaan Uwumbɔr, aa nan mɔk saapɔɔn buyoonn aa nan di saanib nyan ni Ijipt aatiŋ ni na, le bi beenin teer saapɔɔn bɔr. Ti tun titunwanbir, ki ŋa tiwan ni kaa ŋan na.

Daniel 9:20

M nan beenin mee Uwumbɔr, ki kpiir maatunwanbir ni maanib Israel yaab aatunwanbir, ki gaŋni Ndindaan Uwumbɔr ke u ki gir maa Waadichal li bi chain na.

Daniel 9:4

M nan mee Ndindaan Uwumbɔr ki kpiir maatunwanbir ni maanib aatunwanbir tuk u. M nan len ke, “Ndindaan Uwumbɔr, aa ye unikpaan la, le ti pak si. N‑yoonn mɔmɔk aa joo saah puu pu na, ki gee binib bi gee si ki ŋani saah len pu na.

Daniel 9:5

“Ti tun titunwanbir, ki ŋa tiwan ni kaa ŋan na. Ti yii saah len ke ti ŋa pu na, ki fenn tipuwɔb tii tiwan ni aa mɔk ke ni ŋan na.

Daniel 9:8

Ndindaan, timi aabɔrb, ni binib bi joo ntim na, ni tiyaajatiib nan tun titunwanbir ki jin inimɔɔn.

Tibɔnyaan ti Luk ŋmee ti na 18:7

Waah len ke u ga tii u waabamɔn pu na, Uwumbɔr aan tii waanib bi mee u n‑yoonn mɔmɔk nwiin pu ni kinyeek na baabamɔn aa? U ga taan aa?

Tibɔnyaan ti Luk ŋmee ti na 2:37

U nan ye ŋibin imonko inaa ni ŋinaa aanii la. U nan bi Uwumbɔr Aadichal ni n‑yoonn mɔmɔk, ki dooni u nwiin pu ni kinyeek, ki lulni bumɔb, ki mee u.

Efesusi 2:3

Ti mɔmɔk mu nan bi bi ponn ni, ki mu dii taah ban tiwan ni kaa ŋan na pu na, ki ŋani tisui ni tiwon aah gee pu na. Taah nan bi pu na le nan cha Uwumbɔr gee liŋuul ti pu, ke waah gee liŋuul titunwanbirdam biken pu pu na.

1 Timoti 5:5

Ukpopii u sil ye ukpopii ki gur ubaa na kpa limakl Uwumbɔr pu la. Le u ga li mee Uwumbɔr ki gaŋni u nwiin pu ni kinyeek.

2 Timoti 1:3

M yaa mee Uwumbɔr u m tun lituln tii u mbamɔm ke n‑yaajatiib aah nan ŋani pu na kan, m teer aabɔr n‑yoonn mɔmɔk maameel ni, kinyeek ni nwiin pu, ki dooni u aa pu la.

1 Jɔnn 1:9

Uwumbɔr ŋani waah len pu na ki ye mbamɔndaan la. Ti yaa kpiir timi aatunwanbir tuk u kan, u ga di cha pinn timi aatunwanbir, ki finn tipobil, ki nyan tiwan ni kaa ŋan na mɔmɔk.

1 Samuel 15:11

“Nsui bii, maah ŋa Sɔɔl ubɔr pu na. U fenn upuwɔb tii mi, le ki yii maah tuk u pu na.” Liŋuul nan chuu Samuel, le kinyeek ngbaan ki ti woln u nan bi gaŋni Uwumbɔr.