Nehemia 1:3 - Uwumbɔr aagbaŋ

³ Le bi bui mi ke siib bi ŋmar ki bi linampal na bi limukl ni la, le biwɔwɔm bi bi ki duun bi na lik seen bi. Bi ki bui mi ke baah nan gbaa wii Jerusalem aagon ŋi na, baa kee ki maa ŋi, le ibisamɔi aajaaleŋ tiib bi mu bi nan see mmii na mu aa toor.

Nehemia 1:3 Iomraidhean Croise

1 Bibɔrb 9:7

m ga nyan maanib Israel yaab kitiŋ ki m di tii bi na ni. M ga nya cha Lidichal limina li m ŋa li chain ke li li ye nin chee bi ga li dooni mi na. Binib bi bi ni mɔmɔk na ga li ŋani Israel aanib yaansara, ki lik seeni bi.

2 Bibɔrb 25:10

le waajab mu tur kaagon lir.

2 Bibɔrb Aabɔr 36:19

U nan see Uwumbɔr Aadichal, ni kitiŋ ngbaan lii; u nan see kaabɔrdichal mɔmɔk ni laawangol lii, le ki gbaa wiil kitiŋ ngbaan aagon.

Esra 2:1

Binib bi nan nyan ni tinaagbiir ni ki gir ni na pam le nan nyan ni Babiloŋ aapepel ni, ki buen Jerusalem aatiŋ, ni Juda aatim muken ni, bi mɔmɔk cha bido aatim ni. Ubɔr Nebukadnesar aah nan chur bi tinaagbiir buen Babiloŋ buyoonn na, bi nan gur koo nima la.

Esra 5:8

“Ti ban ke sin mpɔɔndaan li nyi ke ti nan buen Juda aapepel, ki ti kan ke bi kpir ŋitakpasakpiin, le ki di maa Uwumbɔr sakpiin na Aadichal, ki di ŋikpan sakpiin saŋ laagon ponn ni. Bidimaab ngbaan joo nlandiin le maa li, le ni cha mɔb mbamɔm.

Nehemia 11:3

Israel aanib ngbaan, bitotoorb, ni Liifai yaab, ni Uwumbɔr Aadichal ponn ni aatutum, ni Solomonn aatutum aayaabitiib nan ti kal baatim pu, ntisakpem ni muwaatiir mu gur na ponn ni la, le ki kpa bibaa aasar ni ŋidichal. Juda aatiŋ aamaal aaninkpiib bi nan bi Jerusalem ponn ni na sɔ:

Nehemia 2:13

Ni nan beenin ye kinyeek le m dii mbisamɔb mu bi yin mu ke Kifataŋ Aabisamɔb na, ki nyan kitiŋ ngbaan ponn ni, ki di toŋ liwilir wɔb, ki fenn toŋ ŋŋangii wɔb ki ti nyan nnyunbun mu bi yin mu ke Kipeewanbiik aanyunbun na chee, ki ti saa mbisamɔb mu bi yin mu ke Litapuln Aabisamɔb na chee. Maah cha na, le m moo lik ŋigon ngbaan nin chee wii wii na, ni ibisamɔi aajaaleŋ tiib bi mmii wun bi na.

Nehemia 2:17

Le m nin bui bi ke, “Jerusalem aah bii doo pu na, ni mɔmɔk kan taah bi tibɔr ti ponn ni na. Cha man ti ki gir maa kitiŋ ngbaan aagon man, aan timi aanimɔɔn yee doo.”

Nehemia 2:3

le m bui ke, “Uwumbɔr tii sin mpɔɔndaan limɔfal li fɔk na. M ga ŋa kinye ki taa li lik gbilngbiln buyoonn n‑yaajatiib aakpab aah dɔ nin chee na ber doo aan kitiŋ ngbaan aabisamɔi aajaaleŋ tiib wun mmii doo na?”

Nehemia 7:6

Baah nan chuu bi buen tinaagbiir ni na pam le nan nyan ni Babiloŋ ki gir ni Jerusalem, ni Juda aatiŋ pu, bi mɔmɔk nan kun baatiyil ponn ni. Baamaal nan koo Babiloŋ ni buyoonn ubɔrkpaan Nebukadnesar nan chur bi tinaagbiir ki di buen nima na la.

Esta 1:1

Ubɔrkpaan Sekes nan ka waanaan aajal pu Susa aatiŋ ki ye Pesia aatiyil na, le ki lik ŋipepel nkub ni moninko ni ŋilole, ki nyan India aatingbaln ni ki ti saa Kus aatingbaln.

Ilahn 79:4

Ŋitimbol ŋi mann goln timi na seei timi la; bi laa timi le ki ŋani timi mbɔnyun.

Ŋiyataŋak 25:28

Aa yaa kaa ŋmaa chur saaŋuul kan, aa naahn lidichal li bi maa li kaa maa ŋigon gob li na la.

Aisaya 43:28

le binib bi joo nimi aatim na bii Maadichal. Kina pu le m bii nimi Israel yaab; ki cha bi seei nimi maanib ngbaan.”

Aisaya 5:5

“Maah ga ŋa maasaak ngbaan pu na sɔ: M ga chuu ŋɔi idɔ i m nan di gob ki aan i kii ki na, le ipeel i bir na nan ŋmɔ ki, ki taa taa bii ki.

Jeremia 24:9

Maah ga cha tibɔbir ti aaboln dan bi pu na ga chuu dulnyaa aatimbol mɔmɔk ijawaan. Binib ga ŋa bi yaansara, ki ŋa bi mbɔnyun, ki li laa bi, ki li joo baayimbil puuni lir biken pu baah yaa ki bi ni kookoo na.

Jeremia 29:18

M ga li joo ni butɔb, ni nkon, ni iween le san dii bi, le dulnyaa wee aatimbol mɔmɔk ga san ijawaan, baah kan pu na pu. Nimɔk m cha bi yaa ki bi na, binib aapobil ga yuk, ki san ijawaan, baah kan tiwan ni mɔmɔk na. Binib ga laa bi, ki li joo baayimbil puuni lir biken pu.

Jeremia 39:8

N‑yoonn mue na, Babiloŋ yaab ngbaan nan see libɔrdichal, ni binib aadichal mu lii, ki tur Jerusalem aagon lir.

Jeremia 42:18

Uwumbɔr u ye Israel yaab Aawumbɔr na ki bui ke, “Maah nan cha maaŋuusakpeln dan Jerusalem pu pu na, kina le ni yaa buen Ijipt ni kan, maaŋuul ga dan ni pu. Binib yaa kan nimi kan, ni ga li kpa ijawaan; binib ga lik nimi fam le ki li joo nimi aayimbil puuni lir biken pu. Naan ki kan do kpala.”

Jeremia 5:10

M ga tun ni bidim le bi nan pir maanib aasubil aasui lir, ki taa tee kuln i kookoo. M ga bui bi ke bi pir isubon lir, ba pu? isubon ngbaan aa ye min yee.

Jeremia 52:14

le waajab mu tur kaagon lir.

Inandalahn 1:7

Jerusalem aatiŋ teer kaayaayoonn na aanyaan bɔr, le ki gur ber ki dɔ suuna. Kaah nan lir kaadim aaŋaal ni na, ubaa aa nan bi ki ter ki. Le binib bi nan nyaŋ ki na laa, kaah nan lir pu na.

Inandalahn 2:9

Ibisamɔi gur dɔ sub tibir ni, le yaakudɔ kool yuk yuk. Ubɔr ni bininyuum na gur bi tinaagbiir ni la. Ubaa aa ki mɔk binib Uwumbɔr Aakaal Aagbaŋ, le Uwumbɔr aa ki kpiir tibɔr tuk waabɔnabtiib.

Inandalahn 3:61

Uwumbɔr, aa ŋun baah seei mi pu na; aa nyi baah kpokl pu na mɔmɔk.

Inandalahn 5:1

Uwumbɔr, teer tiwan ni dan ti pu na. Lik ni timi, ki kan timi aanimɔɔn.

Liifai Yaab 26:31

M ga bii nimi aatim doo, ki bii nin chee ni dooni ŋiwaa na, kaan gaa nimi aatork.

Liifai Yaab 26:33

M ga cha nimi aadim to nimi butɔb ki jenn yaa nimi koon ntiyayam ni. Nimi aatim ga bii doo, le ubaa aan ki li bi nimi aatiŋ ni.