Nehemia 1:11 - Uwumbɔr aagbaŋ

¹¹ Li pel maameel, ni saanaagbiib bimɔk ban ke bi nyuŋ si na mu aameen. Tii mi maah ban pu na din wee ki cha ubɔrkpaan ngbaan san mi kinimbaak.” N‑yoonn ngbaan, min le nan ye ubɔrkpaan ngbaan aadaan aaninkpel.

Nehemia 1:11 Iomraidhean Croise

Mpiin 24:42

“N‑yoonn mu m fuu ni nnyunbun chee din wee na, le m mee Uwumbɔr u ye maaninkpel Abraham Aawumbɔr na ke u ter mi,

Mpiin 32:11

M mee si ke aa gaa mi nkpel Esɔ chee lii. M san ijawaan ke nibaakan u ni waanib choo bi nan ku ti mɔmɔk, hali ki ku bipiib ni mbim mu la.

Mpiin 32:28

Le ntuun ngbaan bui ke, “Saah mɔn ki nyaŋ Uwumbɔr ni unibɔn na, nima pu na, bi ga li gur yin si ke Israel la, baan ki yin si ke Jakob.”

Mpiin 40:1

Buyoonn Josef nan bi kiyondiik ni na, le Ijipt aabɔrkpaan aatutum bilee nan ŋa bakaa ubaa. Ubaa le nan ye uja u tii u ndaan na, le uken mu nan ye binib bi ŋani boroboro na aaninkpel.

Mpiin 40:2

Le liŋuul chuu ubɔr ngbaan,

Mpiin 40:21

U nan ki giin uja u nan tii u ndaan na waatuln ni,

Mpiin 40:23

Tɔ, uja u nan tun ndaan aatuln na aa nan ki dakl Josef aabɔr kpala, u nan suln waabɔr a.

Mpiin 41:9

Nima chee le ubɔr aanaagbiija u tii u ndaan na bui u ke, “M ga kpiir tuk si din ke m ŋa bakaa.

Mpiin 43:14

Uwumbɔr Mpɔɔnsakpiindaan cheen nimi, ki cha uja ngbaan ti san nimi kinimbaak, ki giin Benjaminn ni nikpel uken na mu tii ni nimi. Min kan, ni yaa ye ke m ga kɔŋ maabim le kan, see ni ŋa kina.”

2 Bibɔrb Aabɔr 6:40

“Tɔ, Maawumbɔr, lik ni timi, ki pel ŋimee ŋi ti joo tii si lidichal lee ni na.

Esra 1:1

Sairus aah nan ye Pesia aabɔr pu na aajan aabiln ni, le Uwumbɔr nan cha waah nan di waabɔnabr Jeremia len pu na gbiin. U nan cha Sairus siin nkaal mumina, ki cha bi ŋmee mu ki di tun waanaan mɔmɔk ni ke:

Esra 7:6

Esra nan ye ugbanbae la, le ki nyi Israel yaab Aadindaan Uwumbɔr aakaal i u nan di tii Moses na mbamɔm. Esra Aadindaan Uwumbɔr aah nan bi u chee pu na, ubɔrkpaan ngbaan nan tii u tiwan ni mɔmɔk u ban na la. Ataksekes aanaan yoonn aabilolole ni, le Esra, ni Israel yaab bibaa, ni bitotoorb, ni Liifai yaab, ni Uwumbɔr Aadichal ni aawangbaab ni bilahngaab, ni bikikiib, ni bitutum, nan nyan Babiloŋ ki cha Jerusalem.

Nehemia 1:6

Uwumbɔr, san mi kinimbaak, ki ŋun maameel, maah mee si pu nwiin pu ni kinyeek ki tii saanaagbiib, Israel yaab aanib, bi tun titunwanbir na pu na. M kii ke m ni n‑yaajatiib mɔmɔk tun titunwanbir la.

Nehemia 2:1

Iŋmal inaa aah jer na aawiin mubaa daal, le Ubɔrkpaan Ataksekes nan bi ji tijikaar, le m di ndaan buen ti tii u. Waa nan kee kan nsui aah bii pu aan nnimbil wɔb ŋa gbilngbiln pu na,

Nehemia 2:8

M nan ki bui u ke u tii mi kigbaŋ m ti tii Asaf u kii ubɔr aachook na kigbaŋ ki ga cha u tii mi idɔ m ti toor kidifɔfɔk ki kii Uwumbɔr Aadichal na aajaaleŋ tiib, ni ligoln li mann goln kitiŋ ngbaan na aabisamɔi, ni mbaa aadichal li ponn ni m ga li koo na. Uwumbɔr aaŋaal aah nan paa m pu na, ubɔrkpaan ngbaan nan tii mi maah ban pu na mɔmɔk.

Ilahn 106:46

U nan cha binib bimɔk muk bi na san bi kinimbaak.

Ilahn 130:2

Ndindaan, pel maawiil; pel maah yin ki ban nterm pu na.

Ilahn 61:5

Uwumbɔr, aa ŋun maah puu tipuur ti na, le ki tii mi binib bi nyuŋni si na aawan.

Ilahn 86:6

Uwumbɔr, pel maameel; ŋun maah wii ki ban nterm pu na.

Ŋiyataŋak 1:29

N‑yoonn mɔmɔk naa di nlan yin nibaa, ki yii, naan kii tii Uwumbɔr.

Ŋiyataŋak 21:1

Uwumbɔr aah mɔk ubɔr aalandak ke i tun pu na, ni waah mɔk nkpen mu aah ga dii pu na aa pɔɔ u chee kpala.

Jeremia 42:12

Maah ye unimbaasaln na, m ga cha u san nimi kinimbaak ki cha ni gir kun. Min Uwumbɔr le len kina.’

Malakai 3:16

Le binib bi san Uwumbɔr na len tɔb chee tibɔr, le Uwumbɔr pel, le ki ŋun baah len pu na. Bi ŋmee kigbaŋ ni binib bi san Uwumbɔr ki pak u na aayimbil bilni, unimbiin ni.

Hiibru Yaab 13:18

Ni li beenin mee Uwumbɔr ki tii timi. Ti nyi ke timi aalandak aa galn timi tiwan nibaa pu. Ti ban ke ti li bi mbamɔm n‑yoonn mɔmɔk la.