Nehemia 1:1 - Uwumbɔr aagbaŋ

¹ Ataksekes aah nan ye Pesia aabɔrkpaan ki ti saa ŋibin moninko pu na aaŋmal u bi yin u ke Kislef na ponn ni, le min, Nehemia, nan bi litiyil Susa ponn ni.

Nehemia 1:1 Iomraidhean Croise

Esra 10:9

Joo cha ni iwiin itaa daal ngbaan, ŋmawae aawiin moninko daal na, bijab bi mɔmɔk koo Juda ni Benjaminn aapepel ni na nan kuun ni Jerusalem ni, Uwumbɔr Aadichal aapaan ni. Utaal nan bi nu sakpen, ki kpee nkuun ngbaan aanyunyuun pu na, unii mɔk nan si jii la.

Nehemia 10:1

Unii u nan puen ki ŋmee waayimbil na le nan ye Hakalia aajapɔɔn Nehemia, le Sedekia paan u pu ki ŋmee. Bimina mu le nan paan ki ŋmee:

Nehemia 2:1

Iŋmal inaa aah jer na aawiin mubaa daal, le Ubɔrkpaan Ataksekes nan bi ji tijikaar, le m di ndaan buen ti tii u. Waa nan kee kan nsui aah bii pu aan nnimbil wɔb ŋa gbilngbiln pu na,

Nehemia 5:14

Ŋibin kipiik ni ŋilee ŋi ponn ni m nan ye Juda aatiŋ aayidaan, ki nyan Ataksekes aanaan aabiln moninko ki ti saa waabin piitaa ni ŋilee ponn ni na, m ni maadichal aa nan ji tijikaar ti bi nan siin ke ti li ye uyidaan aajikaar na.

Esta 3:15

Ubɔr nan cha bi moon tibɔr ngbaan litiyil Susa ni, le bitaasam mu di ti buen ŋipepel mɔmɔk ni. Le ubɔr ni Hamann nan kal ki nyu ndaan, le litiyil Susa ma ponn ni nan ŋa yɔl yɔl.

Daniel 8:2

Tidaŋ ngbaan ponn ni, m nan kan ke m si Susa, kitiŋ ki bi maa ligoln mann goln ki aan ki bi Elam aapepel ni na ni la. M nan si gbɔk Ulai Aamɔɔl la,

Sekaria 7:1

Ubɔr Darius aah nan ye ubɔrkpaan pu na aabinanar ponn ni aaŋmawae, uŋmal u bi yin u ke Kislef na aawinaa daal, le Uwumbɔr nan di tibɔr tibaa tuk mi.