Mpiin 9:25 - Uwumbɔr aagbaŋ

²⁵ le Nowa puun lii u pu le ki bui ke, “M puun lii Kanaann pu. U ga li ye una aabitiib aanaagbiija la.

Mpiin 9:25 Iomraidhean Croise

Mpiin 3:14

Le Uwumbɔr bui uwaa, “Saah ŋa kina na, ipeel mɔmɔk ni, m puun lii sin baanja le pu. Din ki joo cha, aa ga li baar titan ni, ki li ji titan, saamɔfal mɔmɔk ni.

Mpiin 4:11

M ga daa aatafal. Saan ki ŋmaa ko kitiŋ. Saah ku aanaal na, waasin bii kitiŋ tii si a.

Mpiin 49:7

M puun lii nimi aaŋuul ngbaan pu, ba pu? nimi aaŋuul ngbaan kpa ijawaan, Nimi aaŋuul ye mbiin aatuln le ni tun. M ga di nimi yaa Israel aatiŋ ni, le ki cha ni yaa Israel yaab mu ni.

Mpiin 9:18

Nowa aajapɔtiib bi nan nyan ni buŋɔb ni na le nan ye Sem, ni Ham, ni Jafef. Ham le nan ye Kanaann yaab aate.

Mpiin 9:22

Ujapɔɔn u bi nan yin u ke Ham, u nan ye Kanaann aate na, nan ti kan ute dɔ uŋmeen, le u buen ti tuk una aabitiib bilee na.

Mpiin 9:24

N‑yoonn mu Nowa aanimbil nan woln na, le bi bui u Ham aah kan u pu na,

Matiu 25:41

“Le m ga bui binib bi si ŋŋangan wɔb na, ‘Nimi bi Uwumbɔr puun lii ni pu na, nya m chee man, ki ti koo mmii mu kaan junn, aan Uwumbɔr nan tuur siin kinimbɔŋ ni kaawanbir mɔmɔk na.

Jɔnn 8:34

Le u bui bi, “M tuk nimi mbamɔn la, unii umɔk tun titunwanbir na kan, u ye titunwanbir aanaagbiija la.

Ikaal 27:16

“‘Uwumbɔr aamɔpuur bi unii umɔk lik seen ute bee una na pu.’ “Le binib ngbaan mɔmɔk ga kpaan ki kii ke, ‘Amii.’

Ikaal 28:18

“Uwumbɔr ga puun lii ni pu, le kaan tii nimi mbim sakpen, tijikaar mu aan li ŋan, le nimi aawakor aan pɔr.

Josua 9:23

Naah ŋa kina na, Uwumbɔr mu ga daa nitafal. Ni ga li ye binaagbiib le n‑yoonn mɔmɔk. Ni ga li peei idɔ ki li lu nnyun ŋani Maawumbɔr Aadichal ni.”

Josua 9:27

U mu nan di bi ŋa binaagbiib la, bi nan peei idɔ, le ki lu nnyun tii Israel yaab, ki lu ŋani Uwumbɔr Aadichal mu ni. N‑yoonn ngbaan kina ki nan saa din, bi laa beenin tun lituln ngbaan, nin chee Uwumbɔr nyan ke bi li dooni u na.